From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಮರಣ್ - ಸ್ಟೇನ್‌ರೊ, ಅಜೆಕಾರ್
January 23, 2016
ಕಿತೆಂಗೀ ಪಡ್‌ಲ್ಲೊ ಆವಾಜ್ ಸಾದೆಲೊ. ಮುಕಮಳಾ ಮುಕ್ಲೆಂ ದಿಸಾಳೆಂ ಕುಶಿಕ್ ಸರವ್ನ್ ಮುಕಾರ್ ತಿಳ್ಳೆಂ ಹಾಂವೆಂ. ಸನ್ನುಚಾ ಹಾತಾಂತ್ಲಿ ಮುಸುಂಬಿ ಧರ್‍ಣಿರ್ ಗಳ್‌ಲ್ಲಿ. ತೊ ತಿ ವಿಂಚುನ್ ಘೆಂವ್ಚಾಕ್ ಹೆಣೆ-ತೆಣೆ ಸಾಸ್ಪತಾಲೊ.
ಕಾಳ್ಜಾಕ್ ತೇಜ್ ಸುರಿ ರಿಗಯಿಲ್ಲೊ ಅನ್ಭೋಗ್ ಜಾಲೊ ಮ್ಹಾಕಾ. ದಿಸಾಳೆಂ ಹಾತಿಂ ಘೆವ್ನ್೦ಚ್ ದಡಬಡ ಕರುನ್ ಮ್ಹಳ್ಳೆಪರಿಂ ಉಟ್ಲೊಂ ಹಾಂವ್ ಆನಿ ತಾಚ್ಯಾ ಪಾಂಯಾಂಮುಳಾಚ್ ಪಡೊನ್ ಆಸ್ಲೆಲಿ ಮುಸುಂಬಿ ವಿಂಚುನ್ ತಾಚೆ ಹಾತಿಂ ದೀವ್ನ್ ಕದೆಲಾರ್ ಬಸಯ್ಲೊ ತಾಕಾ. ಹೆಂ ಕಾಂಯ್ ಆಜ್ ನವೆಂ ನ್ಹಂಯ್. ಪಾಟ್ಲ್ಯಾ ವೀಸ್-ಎಕ್ವೀಸ್ ವರ್‍ಸಾಂಥಾವ್ನ್ ಅಸಲಿಂ ವಿವಿದ್ ಥರಾಚಿಂ ಸನ್ನಿವೇಶಾಂ ಮ್ಹಜಾ ದೊಳ್ಯಾಂ ಹುಜ್ರಿಂ ಘಡೊನ್ ಆಯ್ಲ್ಯಾಂತ್ ಆನಿ ಕಾಳಿಜ್ ಮ್ಹಜೆಂ ಖಿಣಾ ಖಿಣಾಕ್ ಮ್ಹಳ್ಳೆಪರಿಂ ಶಿಂದೊನ್೦ಚ್ ಆಯ್ಲಾಂ.
’ಸನ್ನು’ ಮ್ಹಜೊ ಏಕ್ ಮಾತ್ ಪೂತ್. ಆಮಿ ಹಾಕಾ ಮೊಗಾ-ಮಯ್ಪಾಸಾನ್ ’ಸನ್ನು’ ಮ್ಹಣ್ ಉಲೊ ಮ್ಹಾರ್‍ತಾನಾ ಸಮಾಜ್ ಹಾಕಾ ಸಂಸಾರಾಂತ್ಲೊ ’ಕುಡ್ಡೊ’ ಮ್ಹಣೊನ್ ಒಳ್ಕತಾ!
ವ್ಹಯ್! ಜಲ್ಮಾತಾನಾಚ್ ಆಪ್ಣಾಥಂಯ್ ಭಿರಾಂಕುಳ್ ಊಣ್ ಘೆವ್ನ್ ಆಯ್ಲಾ ತೊ. ದೆವಾನ್ ತಾಚಿ ದೀಶ್ಟ್ ಫಾರುನ್ ಘೆತ್ಲ್ಯಾ ಆನಿ ಸಂಸಾರಾನ್ ತಾಕಾ ’ಕುಡ್ಡೊ’ ಮ್ಹಣೊನ್ ಒಳ್ಕಾಶೆಂ ಕೆಲಾಂ!!.
’ಕುಡ್ಡೊ’ ಮ್ಹಣ್‌ಚ್ ತಾಚಿ ಸ್ಥಿತಿಗತ್ ಕೊಣಾಕ್‌ಯ್ ವಿವರಿಜೆ ಮ್ಹಣ್ ನಾ, ಪುಣ್, ಅಸಲಿ ಕ್ರೂರ್ ಸಜಾ ದೆವಾನ್ ತಾಕಾ ಕಿತ್ಯಾಕ್ ಫಾವೊ ಕೆಲಿ ಮ್ಹಳ್ಳೆಂಚ್ ಆಜ್ ಪರ್ಯಾಂತ್ ಸವಾಲ್ ಜಾವ್ನ್ ಉರ್‍ಲಾಂ. ಕೊಣಾಚ್ಯಾ ಪಾತ್ಕಾಖಾತಿರ್ ತಾಕಾ ಹೆ ಪ್ರಾಚಿತ್ ಭೊಗುಂಕ್ ಮೆಳ್ಳಾಂ ಮ್ಹಳ್ಳೆಂಚ್ ಆಜ್ ಪರ್ಯಾಂತ್ ಜಾಪ್ ಮೆಳ್ನಾತ್ಲೆಂ ಏಕ್ ಮಾರೆಕಾರ್ ಸವಾಲ್ ಜಾವ್ನ್ ಉರ್‍ಲಾಂ.
ಮ್ಹಜ್ಯಾ ದೊಳ್ಯಾಂನಿ ದುಕಾಂ ಥೆಂಬೆ ನಿಶೆಲೆ ಆನಿ ದೊಳ್ಯಾಂ ಖಾಂಚಿ ಚೀರ್‍ನ್ ಪೊಲ್ಯಾಂಚೆರ್ ಪಾಗಳ್ಳೆ. ಚಾರ್ ಖಿಣಾಂ ತಸೊಚ್ ಉರ್‍ಲೊಂ ಹಾಂವ್. ಉಪ್ರಾಂತ್ ಪೊಲೆ ಆನಿ ದೊಳೆ ನಿತಳ್ ಕರುನ್ ಪಾಟಿಂ ಕದೆಲಾರ್ ಗಳೊನ್ ಪರತ್ ದಿಸಾಳ್ಯಾಂತ್ ಮಗ್ನ್ ಜಾಲೊಂ. ಬೋವ್ಶಾ ಮಿನುಟ್ ನಿಕ್ಳಾಳ್ಳೆಂ.
ರಸ್ತ್ಯಾರ್ ಸಾಯ್ಕಲಾಚ್ಯಾ ಬೆಲ್ಲಾನ್ ಆವಾಜ್ ದಿಲೊ.
ಹಾಂವೆಂ ಭಾಯ್ರ್ ತಿಳ್ಳೆಂ.
ಗೆಟಿಕಡೆ ತಪ್ಪಾಲಾಚೊ ಪೆದೊ ಹಾತಿಂ ಏಕ್ ಪತ್ರ್ ಘೆವ್ನ್ ಉಭೊ ಆಸ್‌ಲ್ಲೊ.
ದಿಸಾಳೆಂ ಮೆಜಾರ್ ಉಡವ್ನ್ ನೀಟ್ ಜಾಲೊಂ ಹಾಂವ್ ಆನಿ ಪೆದ್ಯಾ ತೆವ್ಶಿಂ ಚಮ್ಕೊನ್ ತಾಚ್ಯಾ ಹಾತಾಂತ್ಲೆಂ ಪತ್ರ್ ಘೆವ್ನ್ ಚೊಯ್ಲೆಂ ಹಾಂವೆಂ ಮ್ಹಜೊ ವಿಳಾಸ್ ಬರಯಿಲ್ಲೆಂ ಹಾತ್ ಬರಪ್ ಅಪರಿಚಿತ್ ಕಶೆಂ ಲಾಗ್ಲೆಂ ಮ್ಹಾಕಾ.
ಪತ್ರ್ ಘುಂವ್ಡಾವ್ನ್ ದೆಕ್ಲೆಂ. ಧಾಡ್‌ಲ್ಲ್ಯಾಚೊ ವಿಳಾಸ್ ನಾತ್‌ಲ್ಲೊ. ದಿಶ್ಟಿಕ್ ಖಿಣಾನ್ ಆತುರಾಯೆನ್ ರೆವೊಡ್ಲಿ ಆನಿ ವೆವೆಗಿಂ ಪತ್ರ್ ಉಘಡ್ಲೆಂ.
ಬೆನ್ನಿಚೆಂ ಪತ್ರ್!
ಝಗ್ಲಾಣೆಂ ಮಾರ್‌ಲ್ಲೆಪರಿಂ ಭೊಗ್ಲೆಂ ಮ್ಹಾಕಾ. ದೊಳೆ ಮ್ಹಜೆ ಆವಾಳ್ಯಾಪರಿಂ ಭಾಯ್ರ್ ಆಯ್ಲೆ.
ಮ್ಹಜಾ ಬದ್ದ್ ದುಸ್ಮಾನಾಚೆಂ ಪತ್ರ್!
ಪಾತ್ಯೆಂವ್ಕ್ ಕಶ್ಟ್ ಮಾರ್‍ಲೆ ಮ್ಹಾಕಾ. ಖಿಣಾನ್ ಗೊಮ್ಟಿ ಉಜ್ವೆಕುಶಿಕ್ ವೊಳಾಲಿ ಮ್ಹಜಿ. ಆನಿ ದೀಶ್ಟ್ ಜನೆಲಾಂತ್ಲ್ಯಾನ್ ವೆಗಾನ್ ಮ್ಹಳ್ಳೆಪರಿಂ ಭಾಯ್ರ್ ಧಾಂವೊನ್ ಬೆನ್ನಿಚ್ಯಾ ಘರಾಚೆರ್ ಖಂಚ್ಲಿ.
ಬೆನ್ನಿ ದಿಸ್ಲೆಂನಾ.
ತೀನ್ ಖಿಣಾಂನಿ ವೆಗಾನ್‌ಚ್ ದೀಶ್ಟ್ ಪಾಟಿಂ ಕಾಡ್ಲಿ ಹಾಂವೆಂ. ಆನಿ ವಿಜ್ಮಿತ್ಕಾಯ್ ಘೆವ್ನ್ ಪತ್ರ್ ವಾಚುಂಕ್ ಏಕ್ದಮ್ ದರ್‍ವಡ್ಲೊಂ.
ಪತ್ರಾ ವಯ್ಲೊ ಸಾರಾಂಶ್ ಅಸೊ ಆಸ್‌ಲ್ಲೊ.
’.. ಹ್ಯೆ ದಿಸಾಂನಿ ಮ್ಹಜೆಂ ಮರಣ್ ಮ್ಹಾಕಾ ಖಂಡಿತ್ ಜಾಲಾಂ. ದೆಖುನ್ ತುಜೆಲಾಗಿಂ ಹಾಂವೆಂ ಖಾಲ್ತೆಪಣಿ ವಿನತಿ ಕರ್‍ಚಿಕಿ, ಹಾಂವ್ ಜಿವಂತ್ ಆಸ್ತಾನಾ ಮ್ಹಾಕಾ ತುವೆಂ ಭೊಗ್ಶಿಲೆಂನಾಂಯ್ ತರ್‌ಯಿ, ಮೆಲ್ಯಾ ಉಪ್ರಾಂತ್ ಪುಣ್‌ಯಿ ಮ್ಹಾಕಾ ಕಾಳ್ಜಾಥಾವ್ನ್ ಭೊಗ್ಸುನ್ ಮ್ಹಜೆಂ ಏಕ್ ಉತಾರ್ ಚಲವ್ನ್ ವರ್‍ಚೆಂ ಬರೆಂ ಮನ್ ಕರ್. ಜ್ಯಾ ದಿಸಾ ಮ್ಹಜಾ ಮೊರ್‍ಣಾಚಿ ಖಬರ್ ತುಜೆ ಕಾನಿಂ ಸಾದ್ತಾ, ತ್ಯಾಚ್ ಖಿಣಾ ದಯಕರ್‍ನ್ ಮ್ಹಜಾ ಘರಾಂತ್ ಪ್ರವೇಶ್ ಘೆ. ಹಾಂಗಾಸರ್ ಫಲಾಣ್ಯಾ ಜಾಗ್ಯಾರ್ ಮ್ಹಜೆಂ ಏಕ್ ಪತ್ರ್ ತುಜೆಖಾತಿರ್ ರಾಕೊನ್ ಆಸ್ತೆಲೆಂ. ವಿವರ್ ತಾಂತುಂ ಕಳಯ್ಲಾ.’
ದೀಗ್ ಉಸ್ವಾಸ್ ಸೊಡ್ಲೊ ಹಾಂವೆಂ. ತಕ್ಲೆಭಿತರ್ ಮುಸಾಳ್ ಲೊಟ್‌ಲ್ಲೊ ಆನ್ಭೋಗ್ ಜಾಲೊ ಮ್ಹಾಕಾ. ಘಡಿಭರ್ ಮತ್ ಮ್ಹಜಿ ಮೊನಿ ಜಾವ್ನ್ ಉರ್‍ಲಿ.
ವಾ! ಮರ್‌ಯಾದ್ ಸಾಂಡುನ್ ಮ್ಹಳ್ಳೆಪರಿಂ ಮ್ಹಜಾ ದುಸ್ಮಾನಾನ್ ಮಾಫಿ ಆಶೆಂವ್ನ್ ಪತ್ರ್ ಲಿಕ್ಲಾಂ. ಆನಿ ಕಸಲೆಂಗಿ ತಾಚೆಂ ಏಕ್ ಉತರ್ ಪಾಳ್ಚ್ಯಾಕ್ ಉಲ್ಯಾ ವಿನತಿ ಕೆಲ್ಯಾ.!!
ಪತ್ರಾವಯ್ಲೆ ದೊಳೆ ಮೆಕುಳ್ಳೆ ಹಾವೆಂ. ಆನಿಂ ಘುಂವ್ಡಾವ್ನ್ ಪರತ್ ಜನೆಲಾಂತ್ಲ್ಯಾನ್ ತಾಚ್ಯಾ ಘರಾಚೆರ್ ಖಂಚಯ್ಲೆ. ಮ್ಹಜಿಂ ಧಾಡಾಮಾಂ ಅಡ್ಚಾಲಿಂ. ಮಸ್ತಕ್ ತಾಪೊನ್ ಆಯ್ಲೆಂ. ವೋಂಟ್ ಬಳ್ ದೀವ್ನ್ ಕಾಂಪಾಲಾಗ್ಲೆ. ಕುಡಿಂತ್ಲೆಂ ರಗತ್ ಖಿಣಾನ್ ಸಳ್ಸಳೊಂಕ್ ಲಾಗ್ಲೆಂ. ದುಸ್ರೆ ಘಡಿಯೆ ಮುಟಿ ಅಂರ್‍ದಾಲ್ಯೊ - ರಾಗಾನ್. ರಾಗಾನ್ ಆನಿಂ ಹಗ್ಯಾನ್.
ಮ್ಹಜೆಂ ಕುಟಮ್ ಪಿಡ್ಡ್ಯಾರ್ ಕರ್‍ನ್ ಉಡಯಿಲ್ಲಿ ಕ್ರೂರ್ ಜಿವ್ದಾಳ್ - ಬೆನ್ನಿ!.
ಮ್ಹಜಾ ಜಿವಿತಾಂತ್ಲೆಂ ಪಯ್ಲೆಂ ಮಾರೆಕಾರ್, ಭಿರಾಂಕುಳ್ ದುಸ್ಮಾನ್!
ಹಾಕಾ ಹಾಂವೆಂ ಭೊಗ್ಸಾಣೆಂ ದೀಜೆ? ಹಾಚೆಂ ಕಸಲೆಂಗಿ ಉತರ್ ಹಾಂವೆಂ ಪೂರ್‍ಣ್ ಕರಿಜೆ?
ಸಾದ್ ನಾ. ಹ್ಯಾ ಸಂಸಾರಿಂ ಮ್ಹಜೊ ಉಸ್ವಾಸ್ ಆಸ್ತಾ ಪರ್ಯಾಂತ್ ಹೆಂ ಭಿಲ್ಕುಲ್ ಸಾದ್ ನಾ. ಕಿತ್ಯಾಕ್, ತಾಣೆಂ ಮ್ಹಾಕಾ ಹಜಾರಾಂಚಾ ಹಜಾರ್ ಪಾವ್ಟಿಂ ದುಕಾಳ್ ಭೊಗ್ಣಾಂನಿ ಪಿಗ್ಳಾಯ್ಲಾಂ. ಮ್ಹಜ್ಯಾ ಕುಟ್ಮಾಕ್‌ಚ್ ರಡಯ್ಲಾಂ ತಾಣೆ. ತಾಚೆಂ ನಾಂವ್ ಕಾಡುಂಕ್ ಸಯ್ತ್ ಹಾಂವ್ ಕಾಂಟಾಳ್ತಾಂ. ಮ್ಹಜೆ ಕುಡಿಚ್ಯಾ ಹರ್‌ಎಕಾ ಕಣಾಥಾವ್ನ್ ತಾಕಾ ಹಾಂವ್ ಧ್ವೇಶಿತಾಂ.
ಮ್ಹಜೆಂಚ್ ಸೆಜಾರ್‍ನ್ ಹೆಂ. ಮ್ಹಜೆಂಚ್ ಖಾಸ್ ಸಯ್ರೆಂ ಹೆಂ. ಉಚಾರುಂಕ್ ಮ್ಹಕಾಚ್ ಲಜ್ ದಿಸ್ತಾ. ಹಾಚೆವಿಶಿಂ ಸಾಂಗೊಂಕ್ ಗೆಲ್ಯಾರ್ ವ್ಹಡ್ ಏಕ್ ಕಾದಂಬರಿಚ್ ಜಾಯ್ತ್.
ಹಿ ಏಕ್ ವಾಚಾಳಿ ಬಾಯ್ಲ್. ಘೊವಾಕ್ ಮಾರ್‍ನ್ ಖೆಲ್ಲಿ ಜಿಬಾಳಿ ರಾಂಡ್. ಮೊಸುಡ್ಡೆಂ ಆನಿಂ ಕುಸಿಡ್ಡೆಂ. ಹಾಚ್ಯಾ ಕುಟ್ಮಾಚಿಂ ಕೋಣ್೦ಚ್ ಹಾಕಾ ಲಾಗಿಂ ಕರಿನಾಂತ್. ಪಯ್ಸ್ ವೆಚೆಂ ಕಿತ್ಯಾಕ್, ಹಾಚಿಂ ಬುರ್‍ಗಿಂಚ್ ಹಾಕಾ ಲೆಕಿನಾಂತ್. ತಿಂಚ್ ಹಾಚೆಥಾವ್ನ್ ವಿಂಗಡ್ ಸರ್‍ಲ್ಯಾಂತ್.
ಸೆಜಾರ್‍ಚೆಂ ಏಕ್ ಘರ್‌ಯಿ ಹಾಚೆಲಾಗಿಂ ಬರ್‍ಯಾನ್ ಆಸ್ಚೆಂ ಹಾಂವ್ ನೆಣಾಂ. ಕಿತ್ಯಾಕ್, ಲಡಾಯ್ ಕರಿನಾತ್‌ಲ್ಲೆಂ ಎಕ್ ಘರ್‌ಯಿ ಹಾಚಾ ವಾಂಟ್ಯಾಕ್ ನಾ. ಏಕ್ ವಿಚಿತ್ರ್ ಬಾಯ್ಲ್ ಹೆಂ. ಹಾಕಾ ಕೊಣಾಯ್‌ಲಾಗಿಂ ಲಡಾಯ್ ಕರುಂಕ್ ಕಾರಣಾಂ ನಾಕಾತ್. ಕೊಣಾಯ್‌ಲಾಗಿಂ ಝಗ್ಡೊನ್ ದುಸ್ಮನ್ಕಾಯ್ ಜೊಡುನ್ ಘೆಂವ್ಕ್ ಹಾಕಾ ಕಸಲಿಂಯ್ ನಿಬಾಂ ನಾಕಾತ್. ಕಿತ್ಯಾಕ್ ಮೊಸ್ರಿ ಭುರ್‍ಶೆಂ ಹೆಂ.
ಕೊಣೆಂಯಿ ಬರೆಂ ಜಾಲ್ಲೆಂ ಪಳೆಂವ್ಕ್ ತಾಂಕಾನಾತ್‌ಲ್ಲೆಂ, ಕೊಣೆಂಯಿ ವಯ್ರ್ ಯೆಂವ್ಚೆಂ ದೆಖೊಂಕ್ ಜಾಯ್ನಾತ್‌ಲ್ಲೆಂ. ತಾಣೆ ಗೆಲ್ಲೆಂ ಏಕ್ ಘರ್‌ಯಿ ಆಜ್ ಪರ್ಯಾಂತ್ ಬರ್‍ಕಾತ್ ಜಾಲ್ಲೆಂ ನಾ. ಸಗ್ಳ್ಯಾ ಕುಟ್ಮಾಕ್‌ಚ್ ಆಪ್ಟುನ್ ಘಾಲ್ನ್ ತಾಳ್‌ಯೊ ಪೆಟುನ್ ಮಝಾ ದೆಖ್ಚೆಂ ತೆಂ.
ಪಾಟ್ಲ್ಯಾ ಸಭಾರ್ ವರ್‍ಸಾಂ’ದಿಂ ಥಾವ್ನ್ ಮ್ಹಜ್ಯಾಯ್ ಕುಟ್ಮಾಂತ್ ಅಸಲಿಚ್ ಲಾಯ್‌ಲೂಟ್ ಖೆಳ್ಳ್ಯಾ ತಾಣೆ. ಕಿತ್ಲೆಪಾವ್ಟಿಂ ತಾಕಾ ಆನಿ ಮ್ಹಾಕಾ ಉತ್ರಾಕ್ ಉತರ್ ಲಾಗೊನ್ ಯೇವ್ನ್ ಭಿರಾಂಕುಳ್ ಲಡಾಯ್ ಉಭ್ಜೊನ್, ಹೊ ವಿಶಯ್ ಪೊಲಿಸ್ ಚೊವ್ಕೆ ಪರ್ಯಾಂತ್ ಪಾವ್ಲಾ ತೆಂ ಸಾಂಗೊಂಕ್ ಅಸಾದ್. ದೆವಾನ್ ತಾಕಾ ಅಶೆಂ ಕಿತ್ಯಾಕ್ ರಚ್ಲಾಂ ಮ್ಹಳ್ಳೆಂಚ್ ಏಕ್ ಸಮ್ಜಾನಾತ್‌ಲ್ಲೆಂ, ಜಾಪ್ ಜಾವ್ನ್ ಉರ್‍ಲಾಂ ಆಜ್ ಪರ್ಯಾಂತ್.
ಲಜ್, ಮಾನ್, ಮರ್‌ಯಾದ್ ಕಿತೆಂ ಮ್ಹಳ್ಳೆಂ ತಾಕಾ ಬಿಲ್ಕುಲ್ ಕಳಿತ್ ನಾ. ಕಿತ್ಯಾಕ್, ಪಾಟ್ಲ್ಯಾ ದಿಸಾಂನಿಂ ಹೆಂ ಸರ್ವ್ ಸಾಂಡುನ್ ಮ್ಹಜ್ಯಾ ಘರಾ ಬಾಗ್ಲಾಕ್ ಮ್ಹಜೆಲಾಗಿಂ ಮಾಫಿ ಮಾಗೊಂಕ್ ಆಯಿಲ್ಲೆಂ!. ಪುಣ್, ಕಾಳಿಜ್ ಫಾತರ್ ಜಾಲ್ಲ್ಯಾ ಮ್ಹಜೆಂ ಸಯ್ರಾಣ್ ಚುಕೊನ್ ಗೆಲ್ಲೆಂ. ತಾಕಾ ಹಾಂವೆಂ ಬಿಲ್ಕುಲ್ ಭೊಗ್ಶಿಲ್ಲೆಂನಾ.
ಅಖೇರಿಕ್ ಮ್ಹಜೆ ಪಾಂಯ್ ಧರುಂಕ್ ಆಯಿಲ್ಲ್ಯಾ ತಾಚ್ಯಾ ಕಾನ್ಸುಲಾಕ್ ಚಾರ್ ಥಾಪ್ಡಾಂ ವಾಜವ್ನ್ ಶೆಂಡ್‌ಯೆಕ್ ಧರುನ್ ಭಾಯ್ರ್ ಲೊಟ್‌ಲ್ಲೆಂ ತಾಕಾ.
ಹೆಂ ಘಡೊನ್ ಕಾಂಯ್ ಧಾ ಬಾರಾ ದೀಸ್ ಸಂಪ್ಲ್ಯಾತ್. ಆನಿಂ ಆಜ್, ತಾಚೆಂ ಕಾಗದ್ ಮ್ಹಜೆ ಹಾತಿಂ ಪಾವ್ಲಾಂ- ಮಾಫಿ ಆಶೆವ್ನ್ ಆನಿಂ ತಾಚೆಂ ಕಸಲೆಂಗೀ ಏಕ್ ಉತರ್ ಹಾಂವೆಂ ಪೂರ್‍ಣ್ ಕರುನ್ ದಿಂವ್ಚಾಕ್ ವಿನತುನ್.
ವ್ಹಯ್; ತೆಂ ಆತಾಂ ಮರ್‍ಣಾಚೆ ರಿಸ್ಕೆರ್ ಆಸಾ. ಕಾಳ್ಜಾಚೆ ಪಿಡೆನ್ ಘ್ರಾಸಿಲಾಂ ಮ್ಹಳ್ಳಿ ಖಬರ್ ಮ್ಹಜೆ ಕಾನಾಂನಿ ಆಪ್ಟಲ್ಯಾ. ಹೆ ಖಬ್ರೆ ಥಂಯ್ ಮ್ಹಾಕಾ ಸಮಾಧಾನ್೦ಚ್, ಕಿತ್ಯಾಕ್, ತಾಣೆಂ ಹ್ಯಾ ಸಂಸಾರಾಂತ್ಲೆಂ ನಪಂಯ್ಚ್ ಜಾಲ್ಯಾರ್‌ಚ್ ಮ್ಹಾಕಾ ತಶೆಂ ಹೆರಾಂಕ್‌ಯಿ ಸುಕ್‌ಚ್.
ಪುಣ್, ತಾಕಾ ಮ್ಹಜೆಥಾವ್ನ್ ತಾಚ್ಯಾ ಮೊರ್‍ಚ್ಯಾ ಕಾಳಾರ್‌ಯ್ ವಾ ಮರ್ತಚ್‌ಯಿ ಭೊಗ್ಸಾಣೆಂ ಭಿಲ್ಕುಲ್ ಮೆಳ್ಚೆಂನಾ. ಕಿತ್ಯಾಕ್, ಮ್ಹಜೆಂ ಕಾಳಿಜ್ ತಾಚ್ಯಾ ಕರ್‍ಮಿಪಣಾಖಾತಿರ್ ತಾಚೆಥಂಯ್ ಫಾತ್ರೆವ್ನ್‌ಚ್ ಗೆಲಾಂ.
ಪುಣ್?!
’ಹಾಂವೆಂ ಪಾಳಿಜೆ ಜಾಲ್ಲೆಂ ತಾಚೆಂ ಉತಾರ್ ಕಸಲೆಂಗಾಯ್?!’ ಸವಾಲ್ ಕಟೀಣ್ ಆತುರಾಯೆನ್ ವ್ಹಡ್ ಪರ್‍ವತಾತೆದೆಂ ಜಾವ್ನ್ ಉಭೆಂ ಜಾಲಾಂ ಆತಾಂ.
’ತೆಂ ಉತಾರ್ ಹ್ಯಾ ಪತ್ರಾರ್ ಕಿತ್ಯಾಕ್ ಕಳಂವ್ಕ್ ನಾ ತಾಣೆ?! ತೆಂ ಮೆಲ್ಲ್ಯಾ ಉಪ್ರಾಂತ್‌ಚ್ ಕಿತ್ಯಾಕ್ ತಾಚೆಂ ತೆಂ ಉತರ್ ಜಾಣಾ ಜಾಯ್ಜೆ ಹಾಂವೆ?!’ ಸಮ್ಜಾನಾಸ್ತಾಂ ಗುಸ್ಪಡ್ಲೊಂ ಹಾಂವ್.
ತರಿ ಪುಣ್, ಕಿತೆಂಯ್ ಜಾಂವ್, ಹೆಂ ಮಾತ್ ಮ್ಹಾಕಾ ಬಿಲ್ಕುಲ್ ಅಸಾದ್.
ಪಯ್ಲ್ಯಾನ್, ತಾಕಾ ಭೊಗ್ಸುಂಚೆಂ ಕಾಳಿಜ್ ಮ್ಹಜೆಲಾಗಿಂ ನಾ. ’ದುಸ್ಮಾನಾಕ್ ಬೊಗ್ಶಿ’ ಮ್ಹಣ್ ದೆವಾನ್ ಉಚಾರ್‌ಲ್ಲೆಂ ಮಾಂದ್ತಾಂ ಹಾಂವ್. ಪುಣ್, ಹಾಣೆ ಕೆಲ್ಲ್ಯಾ ವಾಯ್ಟಾಂಕ್... ಬೊವ್ಶಾ ದೇವ್‌ಯಿ ಮ್ಹಜೆರ್ ಭಿಗ್ಡಾತ್.
ದುಸ್ರ್ಯಾನ್, ತಾಚ್ಯಾ ಮೊಡ್ಯಾಚೆರ್ ಸಯ್ತ್ ಏಕ್ ದೀಶ್ಟ್ ಘಾಲ್ಚೆ’ತ್ಲಿ ಮೊವಾಳಾಯ್ ಮ್ಹಜಾ ಕಾಳ್ಜಾಂತ್ ಉರೊಂಕ್‌ನಾ.
ತಿಸ್ರ್ಯಾನ್, ತಾಚ್ಯಾ ಘರಾ ಬಾಗ್ಲಾಕ್ ಕೆದ್ನಾಂಚ್ ಪಾಂಯ್ ದವರ್‍ಚೊಂನಾ ಮ್ಹಳ್ಳೊ ದೆವಾಚೊ ಆಣ್‌ಯಿ ಘಾಲಾ ಹಾಂವೆಂ.
ತರ್ ಕಸೊ ಹಾಂವ್ ತಾಚೆಂ ಉತರ್ ಪಾಳುಂಕ್ ಸಕಾನ್?
ಬಿಲ್ಕುಲ್ ಸಾದ್ ನಾ.
ದುಸ್ರೊ ದೀಸ್.
ಸಕಾಳಿಂಚಿ ಕಾಫಿ ಘೊಟುನ್ ಆಂಗ್ಣಾಕ್ ದೆಂವ್‌ಲ್ಲೊಂ ಮಾತ್!
ಕಾಳ್ಜಾಂತ್ ’ಕಲ್ಲ್’ ಜಾಲೆಂ.
ಖಿಣಾನ್ ಮ್ಹಳ್ಳೆಪರಿಂ ಮ್ಹಜಿ ದೀಶ್ಟ್ ಸೆಜಾರಾ ಹೆಣೆ-ತೆಣೆ ಧಾಂವಾಲಾಗ್ಲಿ. ಸೆಜಾರ್‍ಚಿಂ ಆಮ್ಸೊರಾನ್ ಮ್ಹಳ್ಳೆಪರಿಂ ಬೆನ್ನಿಚ್ಯಾ ಘರಾತೆವ್ಶಿಂ ಧಾಂವ್ಚೆಂ ದಿಸೊನ್ ಆಯ್ಲೆಂ ಮ್ಹಾಕಾ.
’ಕಾಂಯ್, ಬೆನ್ನಿನ್ ಮ್ಹಾಕಾ ಪತ್ರಾರ್ ಕಳಯಿಲ್ಲೆಪರಿಂ ತಾಚೆಂ ತಿರ್‍ಸಲೆಂಗಾಯ್?!’ ಸಟ್ ಕರುನ್ ಮ್ಹಜೆ ತಕ್ಲೆಭಿತರ್‍ಲ್ಯಾ ಮೆಂದ್ವಾಕ್ ಏಕ್ ದುಬಾವ್ ಆಪ್ಟಲೊ. ಖೊಟ್ ಮಾರುನ್ ಜಾಗಯಿಲ್ಲ್ಯಾ ಜಿನ್ಸಾರ್ ಉಡೊನ್ ಪಡ್ಲೊಂ ಹಾಂವ್. ಖಿಣಾನ್ ಹಾತ್-ಪಾಂಯ್ ಶೆಳೆಲೆ ಮ್ಹಜೆ. ತಿತ್ಲ್ಯಾರ್, ಮ್ಹಜಾ ಹಿತ್ಲಾ ಬಗ್ಲೆಂತ್ಲ್ಯಾನ್೦ಚ್ ಧಾಂವಾ-ಧಾಂವಿಂ ಚಮ್ಕೊಂಚ್ಯಾ ಸೆಜಾರ್‍ಚ್ಯಾ ಎಕ್ಲ್ಯಾಕ್ ಉಲೊ ಮಾರುನ್ ವಿಚಾರ್‍ಲೆಂ ಹಾಂವೆಂ.
’ಕಿತೆಂ ಜಾಲೆಂ?!’
’ಬೆನ್ನಿಬಾಯ್ ಸರ್‍ಲಿ ಖಂಯ್ ಆಜ್ ಫಾಂತ್ಯಾರ್’ ಮ್ಹಣೊನ್ ಮುಕಾರ್ ಚಲ್ಲೊ ತೊ.
ತಳ್ಮಟ್ಯಾಕ್ ಮಾರ್ ಆಂರ್‍ದಾಲ್ಲೊ ಅನ್ಭೋಗ್ ಜಾಲೊ ಮ್ಹಾಕಾ. ಎಕೆ ಘಡಿಯೆಕ್ ಹಾತ್-ಪಾಂಯ್ ರೂಕ್ ಜಾಲೆ ಮ್ಹಜೆ. ಮ್ಹಜ್ಯಾ ಮೆಂದ್ವಾಕ್ ರಿಗ್‌ಲ್ಲೊ ದುಭಾವ್ ಸಾರ್‍ಕೊ ಆಸ್‌ಲ್ಲೊ.
ಹಾ! ಕಾಲ್‌ಚ್ ತಾಚೆಂ ಪತ್ರ್ ಮ್ಹಜೆ ಹಾತಿಂ ಪಾವ್‌ಲ್ಲೆಂ. ಆನಿಂ ಆಜ್?
ಹಾಂವ್ ಗಾರ್ ಜಾವ್ನ್ ಗೆಲೊಂ. ಉಸ್ವಾಸ್ ಮ್ಹಜೊ ಎಕಾ ಘಡಿಯೆಕ್ ಸ್ಥಬ್ಧ್ ಜಾವ್ನ್ ಗೆಲೊ. ತರಿಪುಣ್....!
ಸಮಾಧಾನಾಚೊ ಸುಸ್ಕಾರ್ ಸೊಡ್ಲೊ ಹಾಂವೆಂ.
ಹಾಂವೆಂ ಕಾಂಟಾಳ್ಚ್ಯಾ ದುಸ್ಮಾನಾಚೆಂ ಅಂತ್ಯ್ ಜಾಲ್ಲೆಂ!.
ಖಬರ್ ಮ್ಹಜೆ ಪತಿಣೆಚ್ಯಾ ಕಾಣಾಂಕ್‌ಯಿ ಆಪ್ಟಾಲಿ. ತಿ ಬೆಜಾರಾಯೆನ್ ಉಸ್ಮಡ್ಲಿ.
"ರಾಗ್, ಧ್ವೇಶ್, ಹಗೆಂ ಹೆಂ ಸರ್ವ್ ಜಿವಂತ್ ಆಸ್ತಾನಾ, ಮೆಲ್ಯಾ ಉಪ್ರಾಂತ್ ನ್ಹಂಯ್. ಯಾ ಆಮಿಯಿ; ಏಕ್ ಘಡಿ ದೀಶ್ಟ್ ಘಾಲುನ್ ಯೆವ್‌ಯಾಂ"
ಪುಣ್?
ಹಾಂವ್ ಹಾಲ್ಲೊಂನಾ.
ಜರ್ ಬೆನ್ನಿಚೆಂ ಪತ್ರ್ ಮ್ಹಾಕಾ ಆಯಿಲ್ಲೆವಿಶ್ಯಾಂತ್ ತಿ ಜಾಣಾ ಆಸ್‌ಲ್ಲಿ ತರ್...? ಬೋವ್ಶಾ ಖಿಣಾಭಿತರ್ ತಾಚ್ಯಾ ಘರಾ ಉಸಾಳ್ತಿ ಆಸ್‌ಲ್ಲಿ.
ಪುಣ್ ಮ್ಹಜೊ ನಿರ್‍ದಾರ್ ದಂಡಳ್ಳೊಚ್ ನಾ. ಬೆನ್ನಿನ್ ಆಪ್ಲ್ಯಾ ಕಾಳ್ಜಾ-ಮತಿಕ್ ವಯ್ಲ್ಯಾ ವಯ್ರ್ ಜಾಗಯ್ಲೆಲಾಗ್ಲಿ, ತರ್‌ಯಿ ಮ್ಹಜಾ ನಿಚೆವಾಂತ್ ಹಾಂವ್ ಥಿರ್ ಉರ್‍ಲೊಂ.
ಕುಡ್ಡ್ಯಾ ಸನ್ನುಕ್ ಕೊಣಾಕ್‌ಯ್ ದೆಕ್ಚೆಂ ಭಾಗ್ ನಾ ತರೀ ಬೆನ್ನಿಚೊ ಕೀಳ್ ಸಭಾವ್ ಆಮ್ಚೆಥಾವುನ್ ಬರ್‍ಯಾನ್ ಕಳಿತ್ ಆಸ್‌ಲ್ಲೊ ತಾಕಾ. ತರ್‌ಯಿ ಮರ್‍ಣಾ ಖಬರ್ ಆಯ್ಕೊನ್ ತೊಯ್ ನಾ ಸಮದಾನೆನ್ ಉಸ್ಮಡ್ಲೊ. "ಡೇಡಿ, ಮೆಲ್ಯಾ ಉಪ್ರಾಂತ್ ರಾಗ್ ದವರ್‍ನ್ ಕಾಣ್ಘೆಂವ್ಕ್ ನಂಯ್. ವ್ಹಚಾ ಪಳೆವ್ನ್ ಯೆಯಾ".
ಸನ್ನುಚಿ ಮ್ಹಾಕಾ ಬಿರ್‍ಮತ್ ದಿಸ್ಲಿ ತರ್‌ಯಿ ಹ್ಯಾ ವಗ್ತಾಯಿ ಮ್ಹಜ್ಯಾ ನಿರ್‍ಧಾರಾಂತ್ ಬದ್ಲಾವಣ್ ಜಾಲಿನಾ. ಘುಂವೊನ್ ಪತಿಣೆಕ್ ಸಾಂಗ್ಲೆಂ ಹಾಂವೆಂ:
"ತುಕಾ ಜರ್ ವಚಜೆ, ವಚ್. ಮ್ಹಜಿ ಅಡ್ಕಳ್ ನಾ. ಪುಣ್ ಮ್ಹಾಕಾ ಹ್ಯೆ ವಿಶಿಂ ಧೊಶಿನಾಕಾ."
ತೆಂ ಮಾವ್ನ್ ಉರ್‍ಲೆಂ. ಉಪ್ರಾಂತ್ ಹ್ಯೆ ವಿಶಿಂ ಸನ್ನುನ್‌ಯೀ ಮ್ಹಾಕಾ ಒತ್ತಾಯ್ ಕೆಲಿನಾ. ತೊ ಆಪ್ಲೆ ಕುಡ್ಡೆ ದೊಳೆ ಪಿಟಿ-ಪಿಟಿ ಕರುನ್ ಬೆನ್ನಿಚ್ಯಾ ಘರಾ ತೆವ್ಶಿಂ ಕಾನ್ ದೀಲಾಗ್ಲೊ.
ಸಾಂಜೆರ್ ಚಾರ್ ವೊರಾಂಚೆರ್ ಬೆನ್ನಿಚೆಂ ಮೋರ್‍ನ್ ಮಾತಿಯೆಕ್ ಪಾವಯ್ಲೆಂ. ಮೊರ್‍ನಾಕ್ ಮ್ಹಜಿ ಪತಿಣ್ ಗೆಲ್ಲಿ. ಪುಣ್, ಹಾಂವೆಂ ತೆ ಕುಶಿಂ ಮ್ಹಜೆಂ ತೋಂಡ್ ಸಯ್ತ್ ದಾಕಯ್ಲೆಂನಾ.
ತಿಸ್ರೊ ದೀಸ್
ದೊನ್ಪಾರ್ ಜಾಲ್ಲೊ.
ಚಡುಣೆಂ ಹ್ಯಾಚ್ ವೆಳಾರ್
ಕಾಂಯ್ ವೀಸ್ ವರ್‍ಸಾಂ ಪ್ರಾಯೆಚೊ ಬೆನ್ನಿಚೊ ಮಾಲ್ಘಡೊ ಪೂತ್ ಮ್ಹಜಾ ಘರ್‍ಚಿಂ ಮೆಟಾಂ ಚಡ್ಲೊ. ತಾಚೆ ಹಾತಿಂ ಏಕ್ ಪತ್ರ್ ಆಸ್‌ಲ್ಲೆಂ.
"ಮಾಮ್ಮಿನ್ ಮರ್‍ಚೆ ಆಧಿಂ ತುಜೆಖಾತಿರ್ ಬರವ್ನ್ ದವರ್‌ಲ್ಲೆಂ ಏಕ್ ಪತ್ರ್ ಮೆಳ್ಳೆಂ ಮ್ಹಾಕಾ. ಘೆವ್ನ್ ಆಯ್ಲೊಂ" ಮ್ಹಣಾಲೊ ತೊ ಆನಿಂ ಪತ್ರ್ ಘೆವ್ನ್ ಎಕಾ ರಿತಿಚ್ಯಾ ಶಿರ್‍ಶಿರ್‍ಯಾಂನಿಚ್ ಉಘಡ್ಲೆಂ ಹಾಂವೆಂ.
ಪತ್ರಾಂತ್ಲೊ ಸಾರಾಂಶ್ ಅಸೊ ಆಸ್‌ಲ್ಲೊ:
".. ಹಾಂವ್ ಜಿವಂತ್ ಆಸ್ತಾನಾ ತುಕಾ ಕೆಲ್ಲ್ಯಾ ಅನ್ಯಾಯಾಖಾತಿರ್ ಪ್ರಾಚಿತ್ ಭೊಗ್ಚೆತಿತ್ಲೊ ಆವ್ಕಾಸ್ ಮ್ಹಾಕಾ ಲಾಬೊಂಕ್ ನಾ. ದೆಖುನ್, ಭರ್‍ಪೂರ್ ಖೊಟೆಪಣಾಂತ್ ಬುಡ್‌ಲ್ಲ್ಯಾ ಮ್ಹಜ್ಯಾ ಹ್ಯಾ ಆತ್ಮ್ಯಾಕ್ ಥೊಡಿ ತರ್‌ಯಿ ಶಾಂತಿ ಮೆಳ್ಚೆ ಉದೆಶಿಂ, ಹಾಂವೆಂ ಅಂತರ್‌ಲ್ಲ್ಯಾ ಉಪ್ರಾಂತ್ ಮ್ಹಜೆ ಹೆ ದೊನೀ ದೊಳೆ ತುಜಾ ಕುಡ್ಡ್ಯಾ ಪುತಾಕ್ ದಾನ್ ಕರುಂಕ್ ಆಶೆಲ್ಯಾಂ."
Tags:
Stanro Ajekar, Konkani Story, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
1/24/2016 1 - ಅಜ್ಜಿಕುಂಜ
-
1/24/2016 2 - ಏಕ್ ಕೋಪ್ ಹುನೊನಿ ಕೊಫಿ
-
1/24/2016 3 - ಪಾಚ್ವೆಂ ಸಿಗ್ನಲ್
-
1/24/2016 4 - ನಿಳ್ಶಿ ಸುಂದರಿ
-
1/24/2016 5 - ವೊಜೆಂ
-
1/24/2016 6 - ಗಡಿ ಭಾಯ್ಲೆ ಸೆಜಾರಿ
-
1/24/2016 7 - ಲಾರ್
-
1/24/2016 8 - ಕೊರ್ಗೊರ್‍ಲೆಂ
-
1/24/2016 9 - ಮರಣ್
-
1/24/2016 10 - ಪರಿಹಾರ್
-
1/24/2016 11 - ರಾನ್ವಟಿ
-
1/24/2016 12 - ಅಶಿಂ ದೋನ್ ಮರಣಾಂ
-
1/24/2016 13 - ಪ್ರತಿಫಲನ್
Our Address
Mangalore
 | Contact Person : Mr. Praveen Tauro |
Email : praveen@maibhaas.com
Phone : +91 99 80 184340
Address :
Daijiworld.com,
Airport Road,
opp. Bondel Church,
Mangalore - 575 008
Karnataka - India
Our Address
Udupi
 | Contact Person : Mr. Joel D'almeida |
Email : joel@maibhaas.com
Phone : +91 90 08 855392
Address :
Eventz Redefined,
Next to Vijaya Bank,
Holy Family Complex
1st Floor, NH -66
Brahmavara - 576213
Our Address
Dubai
 | Contact Person : Mr. Naveen Sequeira |
Email : editor@maibhaas.com
Phone : +97 150 755 4105
Address :
Master Mind IT Solutions,
UBL Building,
#402, 4th Floor
Bank Street - Bur Dubai
Dubai - UAE
4 Comment/s.
ವ್ಹಾವ್... ಕೊಂಕ್ಣೆಂತ್ಲೆಂ ಥೊಡೆ ಉತ್ತೀಮ್ ಕಾಣ್ಯೊ ವಾಚುನ್ ಭಾರಿ ಖುಶಿ ಜಾಲಿ. ಎಕಾ ಪ್ರಾಸ್ ಏಕ್ ಬೊರಿ ಆಸಾ.
ಬೊರಿ ಆಸ್ಸ್
ಬೋವ್ ಆಪುರ್ಬಾಯೆಚ್ಯೊ ಕಾಣ್ಯೊ... ಸರ್ವ್ ಬರಯ್ಣಾರಾಂಕ್ ಆನಿ ವಲ್ಲಿ ಕ್ವಾಡ್ರಸಾಕ್ ಹೊಗ್ಳಿಕ್ ಫಾವೊ.
ಬೊರೀ ಕಾಣಿಂ ಮಾಕಾಂ ಬಾರೀ ರುಚ್ಲಿ. ತುಜಾ ಕಾಣಿಂಯೆಂತ್ ಸತಾಚಿ ಝಳಕ್ ದಿಸ್ತಾ. ಹಾಂವ್ ತುಕಾ ಬೊರ್ಂ ಮಾಗ್ತಾಂ. ಮುಕಾರ್ ಅಸಲ್ಯೊ ಕಾಣ್ಯೊಂ ವಾಚುಂಕ್ ಮೆಳೊಂದಿತ್. ಬಾಪ್ ಜುಜೆ ವಾಸ್ ಎಸ್. ವಿ.ಡಿ. ಇಂದೋರ್ ಮ.ಪ್ರ.