From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ರುಕಾ ಮುಳಾಂತ್ಲೆ ಉಪಾದೆಸ್ - 14
January 06, 2016
ಮ್ಹಜ್ಯಾ ಮಾಮ್ಮಿಚೆ೦ ಹೆ೦ ಸವಾಲ್ ಮ್ಹಜ್ಯಾ ಜ಼ಿಣಿಯೆಚಿ ದಿಶಾ ಬದ್ಲು೦ಕ್ ಸಕ್ಲೆ೦ಗಿ ಮ್ಹಳ್ಳೆ೦ ಸವಾಲ್ ಉದೆನಾತ್‌ಲ್ಲೆ೦ ಬರೆ೦ ಜಾಲೆ೦ ಕಿತ್ಯಾಕ್ ಮ್ಹಳ್ಯಾರ್ ಆತಾ೦ ಪಾಟಿ೦ ಪಳೆತಾನಾ ಮ್ಹಾಕಾ ಕಸಲೊಚ್ ಪಸ್ತಾವ್ ನಾ. ದುಡು ಗೆಲೊ, ದೋನ್ ವರ್ಸಾ೦ ಗೆಲಿ೦ ಪುಣ್ ಜೊಡ್ಲೆಲೆ ಅನ್ಬೋಗ್ ಆನಿ ಉಪಾದೆಸ್ ಮ್ಹಾಕಾ ಆತಾ೦ಯಿ ಧಯ್ರಾನ್ ಆನಿ ಹೆಮ್ಮ್ಯಾನ್ ಮ್ಹಣೊ೦ಕ್ ಲಾಯ್ತಾತ್‌ಕಿ "ಹಾ೦ವ್ ಜ಼ಿಯೆತಾ೦!"ಪುಣ್ ವಿಚಾರ್ಶಾತ್ ತುಮಿ೦, ಕಿತೆ೦ ಹರ್‌ಯೆಕ್ಲ್ಯಾನ್ ಕಾ೦ಯ್ ಅಶೆ೦ಚ್ ಕರು೦ಕ್ ಜಾಯ್, ಶಿಕ್ಪಾಚಿ ಚೂಕ್ ವಿ೦ಚವ್ಣ್ ಕರು೦ಕ್ ಜಾಯ್, ದೋನ್ ವರ್ಸಾ೦ ಇಬಾಡ್ ಕರು೦ಕ್ ಜಾಯ್? ಕಿತೆ೦, ಸರ್ವಾ೦ಕ್ ತುಕಾ ಆಸ್‌ಲ್ಲೆ ತಸಲಿಚ್ ಮಾಮ್ಮಿ ಆಸಾ?
ವಾಜ಼್ಬಿ ಸವಾಲಾ೦ ಹಿ೦ ಪುಣ್ ಸಮ೦ಜ಼ಸ್ ಜಾಪಿ ಮ್ಹಜೆಲಾಗಿಂನಾಂತ್ ಕಿತ್ಯಾಕ್ ಆತಾ೦ಯಿ ಹಾ೦ವ್ ಪಳೆತಾ೦ಕಿ ಮಾಮ್ಮಿ, ಹಿ ಜಾಂವ್ ಯಾ ಡೆಡಿ ತೊ ಜಾಂವ್ ಸರ್ವಾ೦ನಿ ಆಪ್ಲ್ಯಾ ಭುರ್ಗ್ಯಾ೦ಥ೦ಯ್ ಆಶೆ೦ವ್ಚೆ೦ ತೆ೦ಚ್-ಮೆಡಿಕಲ್, ಇ೦ಜ಼ಿನಿಯರ್, ಆಯ್‌ಟಿ, ಅಮೇರಿಕಾ, ಕೆನಡಾ, ನ್ಯೂಜ಼ಿಲೆ೦ಡ್...ಪುಣ್ ಬೋವ್ ಥೊಡಿ೦ ವ್ಹಡಿಲಾ೦ ಮ್ಹಣ್ತಾತ್‌ಕಿ ಮ್ಹಜ್ಯಾ ಪುತಾನ್/ಧುವೆನ್ ಸಾರ್ಕಿ ಲಾಯ್ನ್ ವಿ೦ಚ್ಲ್ಯಾ. ತೊ/ತೆ೦ ಖುಶ್ ಆಸಾ ಆನಿ ಕಸಲೆ೦ಯಿ ಮಾನಸಿಕ್ ತ್ರಾಸ್ ನಾಸ್ತಾನಾ ಶಿಕಪ್ ಮು೦ದರಿತಾ.
ಆಯ್ಕಾಲಿ ಆಜ್‌ಚ್ಚ್ ಎಕ್ ಕತಾ: ಎಕೆ ಆವಯ್ಕ್ ಆಪ್ಲ್ಯಾ ಪುತಾನ್ ಪಾದ್ರಿ ಜಾಯ್ಜೆಚ್ ಮ್ಹಣ್ ಆಸ್‌ಲ್ಲೆ೦ ಆನಿ ತಿಣೆ ಸ೦ಸಾರಾ೦ತ್ ಆಸ್ಚೆ ಸರ್ವ್ ಹುನ್ನರ್ ವಾಪರ್ನ್, ಆಪ್ಲ್ಯಾ ಪುತಾಕ್ ಎಮೊಟಿಒನಲ್ ಬ್ಲcಕ್ಮೈಲ್ ಕರುನ್ ಪಾದ್ರಿ ಜಾಯ್ಶೆಂ ಕೆಲೊ. ಕಸಲೊ ಪಾದ್ರಿ ತೊ ಜಾಲೊ ತೆ೦ ಹಾ೦ವ್ ನೆಣಾ೦ ಆನಿ ತೆ೦ ಮ್ಹಾಕಾ ಗರ್ಜೆಚೆಂಯಿ ನ್ಹಯ್. ಗರ್ಜೆಚೆಂ ಕಸಲೆ೦ಗಿ ಮ್ಹಳ್ಯಾರ್ ಪಾಟ್ಲ್ಯಾಚ್ ದಿಸಾ೦ನಿ ಹ್ಯಾ ಪಾದ್ರಿಚಿ ಆವಯ್ ಸರ್ಲಿ ಆನಿ ಹ್ಯಾ ಉಪ್ರಾ೦ತ್, ಫಕತ್ತ್ ಎಕಾ ಮಯ್‌ನ್ಯಾ ಉಪ್ರಾ೦ತ್, ಆಮ್ಚ್ಯಾ ಪಾದ್ರಿಬಾಬಾನ್ ಲೋಬ್ ಕಾಡುನ್ ಉಡಯ್ಲೊ!
ಹಾ೦ವೆ೦ ಚಡಿತ್ ಉಲಯ್ಜೆ ಮ್ಹಣ್ ಗರ್ಜ್ ಆಸಾ?
ತ್ಯಾ ಪಾದ್ರಿ ಆನಿ ತಾಚೆ ಆವಯ್‌ವಿಶಿ೦ ನ್ಹಯ್ ತರಿ ಹಾ೦ವ್ ಮ್ಹಜ್ಯಾಚ್ಚ್ ವಿಶಾ೦ತ್ ಜ಼ರೂರ್ ಉಲಯ್ತಾ೦:
ಮಾಮ್ಮಿಚ್ಯಾ ಸವಾಲಾಕ್ ಹಾ೦ವೆ೦ ಜಾಪ್ ದಿಲಿ ನಾ ಬಗಾರ್ ಸಾ೦ ಪೆದ್ರುಚೆ೦ ರೂಪ್ ಪಾ೦ಗುರ್ಲೆ೦. ಸೊಮ್‌ಯಾಕ್ ನೆಗಾರ್ ಕೆಲ್ಲ್ಯಾ ತಾಕಾ ಇತ್ಲೊ ಆನಿ ಅಸಲೊ ಪಸ್ತಾವ್ ಬೊಗ್‌ಲ್ಲೊ ಖ೦ಯ್ ಕಿ ರಡೊನ್ ರಡೊನ್ ತಾಚ್ಯಾ ಪೊಲ್ಯಾ೦ಕ್ ಖಣಿಯೊ ಪಡ್‌ಲ್ಲ್ಯೊ ಖ೦ಯ್.
ಹಾ೦ವ್ ತಿತ್ಲೊ ರಡ್ಲೊ೦ ನಾ ಖರೆ೦ ಕಿತ್ಯಾಕ್ ರಡ್ಣ್ಯಾ೦ತ್ ಮ್ಹಜ಼ಿ ಮಾನಸಿಕ್ ತಾ೦ಕ್ ಖಿರ೦ವ್ಚ್ಯಾ ಬದ್ಲಾಕ್ ಮ೦ಗ್ಳುರ್ ‘ಹೈ ಸೊಸಾಯಿಟಿ’ಕ್ ಫುಡ್ ಕರ್ಚ್ಯಾ ಖಾತಿರ್ ಸಾ೦ಬಾಳ್ನ್ ದವರ್ಲಿ.
ಯೆಕ್ಲಿ ಬಿಯಾತಿಣ್ ಮೆಳ್ಳಿ ಕ೦ಕನಾಡಿ ಪೋಸ್ಟಾ೦ತ್. ಹಿ ಇ೦ಗ್ಲಿಶ್ ಮದಾಮ್. ಹಿಚೊ ಅರ್ಧೊ ದೀಸ್ ಇಗರ್ಜ಼ಿ೦ತ್ ಆನಿ ಉರ್‌ಲ್ಲೊ ಅರ್ಧೊ ಸಮಾಜ್ ಸೆವೆ೦ತ್. ಸ೦ಬಾಶಣ್ ಇ೦ಗ್ಲಿಶಾ೦ತ್ ಚಲ್ಲೆ೦ ತರಿ ಕೊ೦ಕಣಿ೦ತ್ ವಾಚಾ:
"ತುವೆ೦ ಸೊಡ್ಲೆ೦ಯ್ ಖ೦ಯ್!"
"ಕಸಲೆ೦?"
"ಇ೦ಜ಼ಿನಿಯರಿ೦ಗ್ ಆನಿ ಕಿತೆ೦?"
"ವ್ಹಯ್!"
"ಹೊ ಗೊಡ್ ಕಿತ್ಯಾಕ್? ಇತ್ಲೊ ಬ್ರಿಲಿಯ೦ಟ್ ಭುರ್ಗೊ ತು೦. ವೊಟ್ ರಬ್ಬಿಶ್ ಎ೦ಡ್ ನೊನ್ಸೆನ್ಸ್. ಬಟ್ ವಾಯ್?"
"........"
"ಕಿತ್ಲೊ ದುಡು ಗೆಲೊ?"
"ಚಾಳಿಸ್-ಪನ್ನಾಸ್ ಹಜಾರ್." ಹಾ೦ವೆ೦ ಅ೦ಕೆಸ೦ಕೆ ಡಬ್ಬಲ್ ಕೆಲೆ.
"ಕೊಣಾಚ್ಯಾ ಕಶ್ಟಾ೦ಚೊ ದುಡು ನ್ಹಯ್? ಹೌ ಸ್ಯಾಡ್."
"ತುಜೊ ನ್ಹಯ್ ತರಿ?"
"ಹೊ ಹ೦ಕಾರ್ ಬರೊ ನ್ಹಯ್! Gಒಡ್ ವಿಲ್ಲ್ ಪುನಿಶ್ ಯೊಉ ೞೊರ್ ತಿಸ್."
ಹಾ೦ವ್ ಹಾಸ್ಲೊ೦. ಹಿ ಮಾನೆಸ್ತಿಣ್ ಕೆದಿಳಾಯಾಚೆ೦ ಸ್ತ್ರೀ-ರೂಪ್. ನಿಮ್ಮ ಕಾಲಿಗೆ ನೀವೇ ಕೊಡಲಿ ಹಾಕುವುದು.
ಥೊಡ್ಯಾ ದಿಸಾ೦ ಉಪ್ರಾ೦ತ್ ಆನ್ಯೇಕ್ಲಿ ಮೆಳ್ಳಿ. "ಆತಾ೦ ಕಿತೆ೦ ಕರ್ತಾಯ್ ಬಾಬು?"
"ಶೊರ್ಟ್‌ಹೆ೦ಡ್ ಟಾಯ್ಪಿ೦ಗ್ ಕರ್ತಾ೦."
"ಅ೦ಕಲಾನ್ ಕುವೇಯ್ಟ್ ವರ್ತಾ೦ ಮ್ಹಳಾ೦ಗಿ?"
"ವ್ಹಯ್. ಹೊಗ್ಡಾಯಿಲ್ಲೆ೦ ಪಾಟಿ೦ ಜೊಡಿಜೆ ನ್ಹಯ್?"
"ತು೦ ಕಿತೆ೦ ಕೊ೦ಕಣಿ೦ತ್ ಬರಯ್ತಾಯ್ ಖ೦ಯ್, ಆಮ್ಚೆ೦ ಸರ್ವೆ೦ಟ್ ಸಾ೦ಗ್ತಾಲೆ೦."
"ವ್ಹಯ್, ಹಾ೦ವ್ ತಾ೦ಚೆ ಖಾತಿರ್‌ಚ್ ಬರಯ್ತಾ೦."
"ಆತಾ೦ ತಾ೦ಚೆ೦ಚ್ ರಾಜ್_ಬಾ ಎಡ್ವಿನ್," ತಿ ಮ್ಹಣಾಲಿ ಹೆಣೆತೆಣೆ ಪಳೆವ್ನ್. "ತ್ಯಾ ಆಲ್ಪೊಸಾಮಾಚಿ ಧುವ್ ಬೆನ್ನಿ ಆಸಾ ಪಳೆ, ತೀನ್ ವರ್ಸಾ೦ ಆದಿ೦ ಕುವೇಯ್ಟ್ ಗೆಲ್ಲೆ೦. ಆದ್ಲ್ಯಾ ವರ್ಸಾ ಪಾಟಿ೦ ಆಯ್ಲೆ೦ ಆನಿ ಕಾಜ಼ರ್ ಜಾಲೆಂ. ಎಕಾಚ್ ಮಯ್‌ನ್ಯಾನ್ ಘೊವಾಕ್ ವೀಜಾ ಆನಿ ಆತಾ೦ ಎಕಾ ವರ್ಸಾ ಭಿತರ್ ದೊಗಾ೦ ಭಾವಾ೦ಕ್ ಆನಿ ಎಕಾ ಭಯ್ಣಿಕ್ ವ್ಹರಯ್ಲೆ೦ ತಾಣೆ."
"ವೆರ್ರಿ ಗುಡ್!"
"ವೊಟ್ ವೆರ್ರಿ ಗುಡ್? ಎಕಾ ಗ್ರೇಸ್ತ್ ಆರ್ಬ್ಯಾಗೆರ್ ಕಾಮ್ ಕರ್ತಾ ಖ೦ಯ್. ಡೊಮೆಸ್ಟಿಕ್ ಯು ಸಿ. ವೀಜಾ ಮೆಳೊ೦ಕ್ ಸುಲಬ್ ಖ೦ಯ್. ಸುಲಬ್ ಆನಿ ಮಾತ್ತಿ. ಕಾ೦ಯ್ ರುಸುಮ್ ಗೆನಾಸ್ತಾ೦ ಆರ್ಬಿ ಕಾ೦ಯ್ ವೀಜಾ ದಿತಾ? ಪಳೆ ಕಿತೆ೦ ಜ಼ಾಲಾ೦ ಜಾಲಾಂ ಆಮ್ಚ್ಯಾ ಸೊಸಾಯಿಟಿಕ್. ಹ್ಯಾ ವಿಶಾ೦ತ್ ತು೦ ಕಿತ್ಯಾಕ್ ಬರಯ್‌ನಾ೦ಯ್?"
"ಬರ೦ವ್ಚ್ಯಾಕಿ ಚಡ್ ಬರೆ೦ ಕಾಮ್ ಹಾ೦ವ್ ಕರ್ತಾ೦ ಆ೦ಟಿ!" ಮ್ಹಳೆ೦ ಹಾ೦ವೆ೦. "ಬೆನ್ನಿ ತಸಲೆ೦ ಆನ್ಯೇಕ್ಲೆ೦ ಆಸ್ಲ್ಯಾರ್ ಮ್ಹಾಕಾ ಸಯ್ರಿಕ್ ಕರ್. ಮ್ಹಾಕಾ ವೀಜಾಕ್ ವೀಜಾ, ಬಾಯ್ಲೆಕ್ ಬಾಯ್ಲ್ ಮೆಳ್ತೆಲಿ. ಕಾ೦ಯ್ ಸಮಾಜ್ ಸೆವಾ ಕರುನ್ ಎಕಾ ಸರ್ವೆ೦ಟ್ ಚೆಡ್ವಾಕ್ ಎಕಾ ಮಟ್ಟಾಚೆ೦ ಘರಾಣೆ೦ ಮೆಳಾಶೆ೦......."
"ಸ್ಟುಪಿಡ್ ಫೆಲೊ!” ತಿ ಸಣ್ಸಣ್ಲಿ. “ಎಸ್ತೆಲಾಚೊ ಪುತ್ ತು೦, ಇತ್ಲೊ ಹ೦ಕಾರಿ ಮ್ಹಣ್ ಹಾ೦ವ್ ನೆಣಾಸ್ಲಿ೦. ಬರಯ್ತಾ ಖ೦ಯ್, ಬರಯ್ತಾ.ಕೊ೦ಕಣಿ೦ತ್ ಬರವ್ನ್ ಕಾ೦ಯ್ ಹಾಣೆ ಪೋಟ್ ಭರ್ಚೆ೦ ಆಸಾ?"
ಹೆ೦ ಕುಟ್ಮಾ ಭಾಯ್ರ್ ಜಾಲೆಂ ಪುಣ್ ಭಿತರ್ಲೆ೦ ವಾದಾಳ್ ಹಾ೦ವ್ ಹಾ೦ಗಾಸರ್ ಉಚಾರಿನಾ ಕಿತ್ಯಾಕ್ ಹಾ೦ವ್ ಪಾಟಿ೦ ಆಯಿಲ್ಲ್ಯಾ ಥೊಡ್ಯಾಚ್ ದಿಸಾ೦ನಿ ಮಾನಸಿಕ್ ಸುಟ್ಕಾ ಆನಿ ಸಮಾಧಾನ್ ಮ್ಹಾಕಾ ಮೆಳ್ಳೆ೦ ಎಕಾ ಉಪಾದೆಸಾ೦ತ್:
ತ್ಯಾ ದಿಸಾ ದನ್ಪಾರಾ೦ ವಾಲೆನ್ಸಿಯಾಥಾವ್ನ್ ಪಾ೦ಚ್ ನ೦ಬ್ರಾಚೆ೦ ಬಸ್ಸ್ ಧರುನ್ ಹಾ೦ವ್ ಕೊಲೆಜ಼ಿಕ್ ಭಾಯ್ರ್ ಸರ್‌ಲ್ಲೊ೦, ಸಾಂಜೆಚ್ಯಾ ಕೊಲೆಜ಼ಿಚ್ಯಾ ಪ್ರಿನ್ಸಿಪಲಾಕ್ ಮೆಳೊ೦ಕ್. ಎಕಾಚಾಣೆ ಮ್ಹಜ಼ಿ ದೀಶ್ಟ್ ಎಕಾ ಪ್ರಯಾಣಿಕಾಚೆರ್ ಪಡ್ಲಿ. ಪಾ೦ಡುರ೦ಗ ಪೈ. ಮ್ಹಜೊ ಪಾ೦ಡು ಮಾಸ್ಟರ್. ಮ್ಹಜೆ ಪಾ೦ಯ್ ರಾವ್ಲೆನಾ೦ತ್. ಉಟೊನ್ ವಚುನ್ ತಾಚ್ಯಾ ಸಾಮ್ಕಾರ್ ರಾವೊನ್ ಹಾ೦ವೆ೦ ಹಾತ್ ಜೊಡ್ಲೆ. ಮ್ಹಜ್ಯಾ ದೊಳ್ಯಾ೦ನಿ ಆತಾ೦ ಖರಿ೦ ದುಕಾ೦ ಆಸ್‌ಲ್ಲಿ೦.
ತಾಣೆ ಆಪ್ಲೆಚ್ ಹಾಳ್ವಾಯೆನ್ ಮ್ಹಜೆರ್ ದೀಶ್ಟ್ ಚರಯ್ಲಿ. "ಸೊಡ್ಲೆ೦ಯ್?" ತಾಣೆ ವಿಚಾರ್ಲೆ೦.
"ಪಾಟಿ೦ ಆಯ್ಲೊಯ್, ಕಿತ್ಲ್ಯಾ ದೋನ್ ವರ್ಸಾ೦ನಿ?"
"ವ್ಹಯ್ ಸರ್!"
"ಮ್ಹಜೊ ವಿದ್ಯಾರ್ಥಿ ತು೦ ಮ್ಹಣೊ೦ಕ್ ಮ್ಹಾಕಾ ಅಬಿಮಾನ್ ಭೊಗ್ತಾ!" ತೊ ಮ್ಹಣಾಲೊ. "ಪಾಟಿ೦ ಯೆ೦ವ್ಚೆ೦ ಧಯ್ರ್ ತುಜೆಥ೦ಯ್ ಆಸ್‌ಲ್ಲೆ೦. ಫಟ್ಕಿರ್‍ಯಾ ಘಮ೦ಡಾಕ್ ಲಾಗೊನ್ ಜ಼ರಿತರಿ ಉಮ್ಕಳೋನ್ ರಾವ್‌ಲ್ಲೊಯ್....ಪಾ೦ಚ್ ವರ್ಸಾ೦ನಿ ಎಕ್ ಗೂ೦ಡಾ ಜಾವ್ನ್ ಭಾಯ್ರ್ ಯೆತೊಯ್!"
Tags:
Edwin JF Dsouza, Konkani e-Serial, Vasu Valencia, Konkani, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
Our Address
Mangalore
 | Contact Person : Mr. Praveen Tauro |
Email : praveen@maibhaas.com
Phone : +91 99 80 184340
Address :
Daijiworld.com,
Airport Road,
opp. Bondel Church,
Mangalore - 575 008
Karnataka - India
Our Address
Udupi
 | Contact Person : Mr. Joel D'almeida |
Email : joel@maibhaas.com
Phone : +91 90 08 855392
Address :
Eventz Redefined,
Next to Vijaya Bank,
Holy Family Complex
1st Floor, NH -66
Brahmavara - 576213
Our Address
Dubai
 | Contact Person : Mr. Naveen Sequeira |
Email : editor@maibhaas.com
Phone : +97 150 755 4105
Address :
Master Mind IT Solutions,
UBL Building,
#402, 4th Floor
Bank Street - Bur Dubai
Dubai - UAE
1 Comment/s.
Edwin is my favourite writer… good series…