+971 50 7554105
ತುಮ್ಚ್ಯಾ ಗಮನಾಕ್:


ಬರಯ್ಣಾರಾ ವಿಶಿಂ
ಜಾಣಾ ಜಾ...

90.0
User Rating

33  -  ಆಮ್ಚೊ ಇನ್ಸ್‌ಪೆಕ್ಟರ್ 'ಟಾಯ್ಟ್'!!



ಹ್ಯಾ ಚೆಡ್ವಾಂಚೆ ಪಾಂಯ್ ಧರ್ನ್ ಪುರೊ ಜಾಲ್ಲ್ಯಾ ಹಾಂವೆ, ಸ್ತ್ರೀ ಪಾತ್ರ್ ನಾತ್ಲಲೊ ಆಡೇಜ್ ಘಂಟ್ಯಾಂಚೊ ಪತ್ತೇದಾರಿ ನಾಟಕ್ ಬರಯ್ಲೊ. ನಾಟಕಾಚೆಂ ನಾಂವ್, 'ದುಬಾವಾಚೊ ಧುಂವೊರ್'. ಕೊಡ್ಯಾಳಾಂತ್ಲ್ಯಾ ಫಾಮಾದ್ ಪಾಂಚ್ ಕಲಾಕರಾಂಕ್ ವಿಂಚುನ್ ತಾಂಚೆ ಸವೆಂ ನಾಟಕಾಚೊ ಅಭ್ಯಾಸ್ ಸುರು ಕೆಲೊ. ಪಾತ್ರ್‌ಧಾರಿ ಎಕ್ಲ್ಯಾ ವರ್ನಿ ಆನ್ಯೇಕ್ಲೊ ಊಂಚಿ.

ಹ್ಯಾ ನಾಟಕಾಚೆಂ ಪ್ರಥಮ್ ಪ್ರದರ್ಶನ್ ಬೆಂಗ್ಳುರಾಂತ್ಲ್ಯಾ 'ಚೌಡಯ್ಯ ಮೆಮೋರಿಯಲ್ ಹೊಲ್' ಹಾಂತುಂ ಆಸ್‌ಲ್ಲೆಂ. ಬೆಂಗ್ಳುರಾಂತ್ಲ್ಯಾ ಎಕಾ ಕೊಂಕ್ಣಿ ಸಂಘಟನಾನ್ ಹಾಚೆಂ ಪ್ರದರ್ಶನ್ ಉಭೆಂ ಕೆಲ್ಲೆಂ. ಬೆನ್ನಾ ರುಜಾಯ್ ತಸಲೆ ನಟ್ ದುಸ್ರ್ಯಾ ಎಕಾ ನಾಟಕಾಂತ್ ವ್ಯಸ್ತ್ ಆಸ್‌ಲ್ಲೆ ಜಾಲ್ಲ್ಯಾನ್ ಹ್ಯಾ ನಾಟಕಾಂತ್ ಮ್ಹಾಕಾ ಚುಕ್ಲೆ.

ಆಮ್ಚ್ಯಾ ನಾಟಕಾಂತ್ ಪಾತ್ರ್ ಘೆಂವ್ಚ್ಯಾ ಎಕಾ ಪಾತ್ರ್‌ಧಾರಿವಿಶಿಂ ಆಮ್ಕಾಂ ಥೊಡಿ ಭಿರಾಂತ್ ಆಸ್‌ಲ್ಲಿ. ಬರೋ ಗಂಭೀರ್, ಅನುಭವಿ ನಟ್ ತೊ. ಮ್ಹಜ್ಯಾ ಆಯ್ಲೆವಾರ್ಚ್ಯಾ ನಾಟಕಾಂನಿ ತಾಕಾ ಹಾಂವೆ ಅವ್ಕಾಸ್ ದಿಂವ್ಕ್ ನಾ ಮ್ಹಳ್ಳೊ ತಾಕಾ ಮ್ಹಜೆರ್ ಬೋರೊ ಶಿಣ್ ಆಸ್‌ಲ್ಲೊ. ತಶೆಂ ನಾಟಕಾಂತ್ಲ್ಯಾ ಇನ್ಸ್‌ಪೆಕ್ಟರಾಚೊ ಪಾತ್ರ್ ತಾಕಾ ಹಾಂವೆ ಹ್ಯೆ ಪಾವ್ಟಿಂ ದಿಲ್ಲೊ. ಹ್ಯಾ ನವ್ಯಾ ನಾಟಕಾಂತ್ಲೆ ಪಾಂಚ್‌ಯೀ ಪಾತ್ರ್ ಎಕಾಚ್ ವಜನಾಚೆ ಮ್ಹಣ್ಯೆತ್.

ಏಕಾಂಕೀ ನಾಟಕ್ - ತೀನ್ ಭಾಗಾಂನಿ ಎಕೆ ಸ್ತ್ರೀಯೆಚ್ಯೆ ಖುನಿಯೆ ಪಾಟ್ಲ್ಯಾನ್ ರೆವ್ಡುನ್ ಆಸಾ. ಹ್ಯಾ ಪ್ರಕರಣಾ ಭಂವ್ತಿಂ ಹಿ ಕಥಾ. ಇನ್ಸ್‌ಪೆಕ್ಟರ್ ತನ್ಖಿ ಕರ್ನ್ ಖುನಿಗಾರಾಚೊ ಪಾತ್ತೊ ಕರುಂಕ್ ಪೆಚಾಡ್ತಾ. ನಾಟಕಾಚ್ಯಾ ನಿಮಾಣ್ಯಾ ವಾಕ್ಯಾಂತ್ ಇನ್ಸ್‌ಪೆಕ್ಟರ್ ತೊ ಖುನಿಗಾರ್ ಕೊಣ್ ಮ್ಹಳ್ಳೆಂ ಸಾಂಗ್ತಾ. ಇನ್ಸ್‌ಪೆಕ್ಟರಾಕ್ ಸೊಡ್ನ್ ಚ್ಯಾರ್ ಪಾತ್ರ್ ಆಸಾತ್. ಹ್ಯಾ ಚೊವ್ಗಾಂ ಮಧೆಂ ತೊ ಖುನಿಗಾರ್ ಆಸಾ. ಚೊವ್ಗಾಂಚೆರ್‌ಯೀ ಪ್ರೇಕ್ಷಕಾಂಕ್ ದುಭಾವ್ ಉಬ್ಜತಾ. ಪುಣ್, ನಿಮಾಣೆ ಖುನಿಗಾರ್ ಕೊಣ್ ಮ್ಹಳ್ಳೆಂ ಕಳ್ತಾನಾ ಪ್ರೇಕ್ಷಕ್ ದಂಗ್ ಜಾತಾ.

ಇನ್ಸ್‌ಪೆಕ್ಟರಾಚೊ ಪಾತ್ರ್ ಖೆಳ್ಚ್ಯಾ ನಟಾಕ್ ಇಲ್ಲೆಂ ಶೆಕ್ಚಿ ಸೊವಯ್ ಚಡ್ ಆಸ್‌ಲ್ಲಿ. ಸೊರೊ ಪಿಯೆವ್ನ್ ಪಾಲ್ಕಾರ್ ಯೆತಚ್ ತ್ಯಾ ಪಾತ್ರ್‌ಧಾರಿಕ್ ಪಾಲ್ಕಾ ವಯ್ಲ್ಯಾ ವೀಜ್ ದಿವ್ಯಾಂಚ್ಯಾ ದೊಳ್ಯಾಂಕ್ ತೊಪ್ಚ್ಯಾ ಪ್ರಕಾಸಾಕ್ ದೊಳೆ ಬಾಂಧ್ತಾತ್, ದಿವ್ಯಾ ಥಾವ್ನ್ ಭಾಯ್ರ್ ಸರ್‍ಚ್ಯೆ ಧಾವೆಕ್ ಏಕ್ ಸಾರ್ಕೊ ಘಾಮ್ ಸುಟುನ್ ತೊ ನಿತ್ರಾಣಿ ಜಾತಾ, ಕಾನ್‌ಯೀ ಮಂದ್ ಜಾತಾತ್. ಹ್ಯಾ ವೆಳಾರ್ ಸಂವಾದ್ ಯಾ ಉತ್ರಾಂ ತಾಚಿಂ ಸಾರ್‍ಕಿಂ ಸುಟಾನಾಂತ್. ಹ್ಯಾ ಆಮ್ಚ್ಯಾ ಇನ್ಸ್‌ಪೆಕ್ಟರ್ ಪಾತ್ರ್‌ಧಾರಿನ್ ಮ್ಹಾಕಾ ಭಾಸ್ ದಿಲ್ಲಿ ಕಿ, ನಾಟಕ್ ಆಖೇರ್ ಜಾತಾ ಪರ್‍ಯಾಂತ್ ಆಪುಣ್ ಸೊರ್‍ಯಾಚೊ ಏಕ್ ಥೆಂಬೊ ಆಪಡ್ನಾ ಮ್ಹಣೂನ್.

ಆಮಿ ಧಾ ಜಣ್ ಫಾಂತ್ಯಾರ್ ಬೆಂಗ್ಳುರ್ ಪಾವ್ಲ್ಯಾಂವ್. ಹೊಟೆಲಾಂತ್ ರೂಮ್ ಕರ್ನ್ ನ್ಹಾವ್ನ್ ವಿಶ್ರಾಂತಿ ಘೆಂವ್ಚ್ಯಾಕ್ ಹಾಂವೆ ಸರ್ವಾಂಕ್ ಸಾಂಗ್ಲೆಂ. ದೊನ್ಪರಾಂ ದೇಡ್ ವೊರಾರ್ ಜೆವಣ್ ಜಾತಚ್ ಫ್ರೆಶ್ ಜಾವ್ನ್ ಸಾಂಜೆರ್ ನಾಟಕ್ ಸಾಲಾಕ್ ವ್ಹೆಚೆಂ ಮ್ಹಳ್ಳೆಂ ಆಮ್ಚೆಂ ಕಾರ್‍ಯಕ್ರಮ್ ಜಾವ್ನಾಸ್‌ಲ್ಲೆಂ.

ಹಾಂವ್ ಉಪ್ರಾಂತ್ ನಿದುಂಕ್ ಗೆಲೊಂ. ಹೆರ್ ಕಲಾಕಾರ್ ಕಾಂಯ್ ಲ್ಹಾನ್ ಭುರ್ಗೆ ನ್ಹಯ್, ತಾಂಕಾಂ ಜವಾಬ್ದಾರಿ ಆಸಾ ನ್ಹಯ್‌ಗಿ? ದೊನ್ಪರಾಂ ಉರ್‌ಲ್ಲ್ಯಾ ದೋನ್ ರೂಮಾಂಕ್ ವೆತಾನಾ ಮ್ಹಾಕಾ ಎಕ್ಲೊಯೀ ಥಂಯ್ಸರ್ ದಿಸ್ಲೊನಾ. ಆಮಿ ತೇಗ್ ಜಣ್ ಮಾತ್ರ್ ಎಕಾ ರೂಮಾಂತ್ ಆಸ್‌ಲ್ಲ್ಯಾಂವ್.

ಆಮಿ ಜೆವಣ್ ಕರ್ನ್ ಪಾಟಿಂ ಯೆತಾನಾ, ದೋನ್ ವೊರಾಂಚೆರ್ ಉರ್‌ಲ್ಲ್ಯಾ ಸಾತ್ ಜಣಾಂಚಿ ಪಾಟ್ಲಾಮ್ ಪಾಟಿಂ ರೂಮಾಕ್ ಆಯಿಲ್ಲಿ. ತೆ ಜೆವಣ್ ಕರ್ನ್ ಆಯಿಲ್ಲೆ. ಆಮ್ಚೊ ಇನ್ಸ್‌ಪೆಕ್ಟರ್ ಮೊವ್ ಪಡ್‌ಲ್ಲೊ ಪಳೆವ್ನ್ ಹಾಂವ್ ಚಿಡ್ಲೊಂ. ತರೀ ಹಾಂವೆ ಸೈರಣ್ ಸಾಂಬಾಳ್ಳೆಂ. ತಾಕಾ ತೆ ಉರ್‌ಲ್ಲೆ ಕಲಾಕಾರ್ ಘೆವ್ನ್ ನಿದುಂಕ್ ಗೆಲೆ.

ಸುಮಾರ್ ಸಾಡೆ ಚ್ಯಾರ್ ವೊರಾರ್ ಸಗ್ಳೆ ಉಠೊನ್ ನ್ಹಾಲೆ. ಆಮ್ಚೊ ಇನ್ಸ್‌ಪೆಕ್ಟರ್ ತಾಂಬ್ಡೊ ಜಾಲ್ಲೊ, ನ್ಹಾವ್ನ್ ಜಾತಚ್ ತಾಚೆಂ ಬಹುತೇಕ್ ಫಿರ್ವಾಲ್ಲೆಂ. ಪಾಂಚ್ ವೊರಾರ್ ಆಮ್ಕಾಂ ನಾಟಕ್ ಸಾಲಾಕ್ ಆಪವ್ನ್ ವ್ಹರ್‍ಚ್ಯಾಕ್ ಬೆಂಗ್ಳುರ್ಚೊ ಆಮ್ಚೊ ಎಕ್ಲೊ ಮಿತ್ರ್ ಆಯಿಲ್ಲೊ. ಆಮಿ ತಾಚ್ಯೆ ಸಂಗಿಂ ಭಾಯ್ರ್ ಸರ್‍ಲ್ಯಾಂವ್. ಆತಾಂ ಸಕ್ಕಡ್ ಸಾರ್ಕೆಂ ಆಸ್‌ಲ್ಲೆಂ.

ಚೌಡಯ್ಯ ಹೊಲಾ ತಸಲೆಂ ಹೊಲ್ ಎದೊಳ್ ವರೇಗ್ ಹಾಂವೆ ಪಳೆಲ್ಲೆಂಚ್ ನಾ. ವ್ಹಡ್ಲ್ಯಾ ಥಿಯೇಟರಾ ಪರಿಂ ದಿಸ್ಲೆಂ ಮ್ಹಾಕಾ. ಸೌಂಡ್ ಆನಿ ವೀಜ್ ದಿವ್ಯಾಂಚೆಂ ನಿಯಂತ್ರಣ್ ಹಾಂಗಾಸರ್ ಸಾಧಾರಣ್ ಜಾವ್ನ್ ಪಾಲ್ಕಾ ದೆಗೆನ್ ಯಾ ಮುಖ್ಲ್ಯಾ ’ಪಿಟ್’ಚೆರ್ ಆಸ್ತಾ. ಪುಣ್ ಹಾಂಗಾಸರ್ ಮುಖಾರ್ ಪ್ರವೇಶ್ ದ್ವಾರಾಚ್ಯಾ ವಯ್ರ್ ಮಾಳಿಯೆರ್. ಸ್ಟೇಜ್ ಇತ್ಲಿ ರೂಂದ್ ಆಸ್‌ಲ್ಲಿ ಕಿ, ಆಮ್ಕಾಂ ಜಾಯ್ ತಿತ್ಲಿ ರುಂದಾಯ್ ಆಸಾ ಕರುಂಕ್ ಬೆಂಗ್ಳುರ್‍ಚೊ ಮಾಹೆತ್‌ವಂತ್ ಮಾಲ್ಗಡೊ ಕಲಾಕಾರ್ ವಾವುರ್‍ಲೊ.

ಲೋಕ್ ಭರ್‍ಲೊ. ಆನಿ ನಾಟಕ್ ಆರಂಭ್ ಜಾಲೊ. ಆಮ್ಚ್ಯಾ ಹೆರ್ ಕಲಾಕರಾಂನಿ ಸುಡ್ಸುಡಾಯೆನ್ ನಟನ್ ಆರಂಭ್ ಕೆಲೆಂ. ಇನ್ಸ್‌ಪೆಕ್ಟರಾನ್ ಮಾತ್ರ್ ಘಾಮೆಂವ್ಕ್ ಸುರು ಕೆಲೆಂ. ತಾಚ್ಯಾ ತೊಂಡಾ ಥಾವ್ನ್ ಉತ್ರಾಂಚ್ ಸುಟಾನಾ ಜಾಲಿಂ. ನಾಟಕಾಚಿ ನಾಕಾದೊರಿ ತಾಚ್ಯಾ ಹಾತಾಂತ್ ಆಸಾ ಮ್ಹಣ್ತಾನಾ ತಾಣೆ ಚಿಂತಿಜಯ್ ಆಸ್‌ಲ್ಲೆಂ ನ್ಹಯ್‌ಗಿ, ಆಪ್ಣೆ ಕಿತ್ಲ್ಯೆ ಚತ್ರಾಯೆನ್ ಆಸಾಜಯ್ ಮ್ಹಣೂನ್?

ಉರ್‌ಲ್ಲ್ಯಾ ಚವ್ಗ್ ಪಾತ್ರ್‌ಧಾರಿಂನಿ ಧಯ್ರಾನ್ ನಾಟಕ್ ವೊಡ್ನ್ ವ್ಹೆಲೊ ಆನಿ ಕಸೊಯೀ ಆಖೇರ್ ಕೆಲೊ. ಇನ್ಸ್‌ಪೆಕ್ಟರಾಕ್ ಘಾಮ್ ಗಳವ್ನ್ ತಂತ್ ನಾತ್‌ಲ್ಲೆಂ. ನಾಟಕಾಚೆಂ ಪ್ರದರ್ಶನ್ ಆಸಾ ಕೆಲ್ಲ್ಯಾ ಸಂಘಟಕಾಂನಿ ಮ್ಹಾಕಾ ತಾಂಚಿ ಅಭಿಪ್ರಾಯ್ ದಿತಾನಾ, ಚಿಕ್ಕೆ ಬೆಜಾರ್ ಜಾಲೆಂ. 'ಇತ್ಲೊ ಬರೊ ನಾಟಕ್ ಎಕಾ ಪಾತ್ರ್‌ಧಾರಿನ್ ಪಾಡ್ ಕರ್ನ್ ಸೊಡ್ಲೊ' ಮ್ಹಳ್ಳೆಂ ಒಕ್ಕಾಣೆ ಆಯ್ಕುಂಕ್ ಮೆಳ್ಳೆಂ. ಮ್ಹಜೆ ಸಾಂಗಾತಿ ಕಲಾಕರಾಂಕ್‌ಯೀ ಮಸ್ತ್ ಬೆಜಾರ್ ಜಾಲ್ಲೆಂ.

ನಾಟಕ್ ಸುರು ಜಾವ್ನ್ ಪಾಂಚ್‌ಚ್ ಮಿನುಟಾಂನಿ ಎಕಾ ಸಂವಾದ್ ಸೂಚಕಾನ್ ಮ್ಹಜ್ಯಾ ಕಾನಾಲಾಗಿಂ ಯೆವ್ನ್ ಸಾಂಗ್ಲೆಂ, 'ಇನ್ಸ್‌ಪೆಕ್ಟರಾನ್ ಆತ್ತಾಂ ದೆಗೆನ್ ರಾವುನ್ ಏಕ್ ಪಾಂಯ್ಟ್ ಖಾಲಿ ಕೆಲೆಂ' ಮ್ಹಣೂನ್. ತ್ಯಾ ಉಪ್ರಾಂತ್ ಹ್ಯಾಚ್ ನಾಟಕಾಚಿಂ ಸಬಾರ್ ಪ್ರದರ್ಶನಾಂ ಆಮಿಂಚ್ ಆಮ್ಚ್ಯಾ ಚೇತನ್ ಕಲಾ ಕೇಂದ್ರಾ ದ್ವಾರಿಂ ಸಾದರ್ ಕೆಲಿಂ ತರೀ, ತ್ಯಾ ಎಕಾ ನಟಾಕ್ ಹಾಂವೆ ಸೊಡ್ನ್ ಸೊಡ್ಲೊ. ತಿತ್ಲೆಂಚ್ ನ್ಹಯ್, ತಾಣೆ ಕಿತ್ಲೆ ಪರಾತ್ಲ್ಯಾರ್‌ಯೀ ಮ್ಹಜ್ಯಾ ಖಂಚ್ಯಾಯ್ ನಾಟಕಾಂತ್ ತಾಕಾ ಉಪ್ರಾಂತ್ ಹಾಂವೆ ಪಾತ್ರ್ ದಿಲೊನಾ. ಕಿತ್ಯಾ ಮ್ಹಳ್ಯಾರ್, ಮ್ಹಜ್ಯಾ 'ವಾಟೆ ವಯ್ಲೊ ಕಾಂಟೊ' ನಾಟಕಾಂತ್ ತಾಕಾ ಹಾಂವೆ ಪಯಿಲ್ಲ್ಯೆ ಪಾವ್ಟಿಂ ಅವ್ಕಾಸ್ ದಿಲ್ಲೊ. ಸುರ್ವೆರ್ ಸಾರ್ಕೊ ಆಸ್‌ಲ್ಲೊ, ಪುಣ್ ನಿಮಾಣ್ಯಾ ದೃಶ್ಯಾಂತ್ ತಾಚಿ ಜೀಬ್ ಸಾರ್ಕಿ ಪರ್ತಾನಾತ್‌ಲ್ಲಿ. ಮ್ಹಾಕಾ ತಾಚೆರ್ ಕಠಿಣ್ ವೀಟ್ ಆಯಿಲ್ಲೊ. ತರೀ ತಾಚಿ ಚೂಕ್ ಹಾಂವೆ ಗುಮಾನಾಂತ್ ಘೆನಾಸ್ತಾನಾ ಪರತ್ ಹ್ಯಾ ಪತ್ತೇದಾರಿ ನಾಟಕಾಂತ್ ಪ್ರಮುಖ್ ಪಾತ್ರ್ ದಿಲ್ಲೊ. ಆನಿ ತಾಣೆ ಮ್ಹಾಕಾ ವಿಕ್ರಿತ್ ಕೆಲ್ಲೊ!!

(ಫುಡ್ಲ್ಯಾ ಆಂಕ್ಡ್ಯಾಂತ್:  'ಚ್ಯಾಲೆಂಜ್ ಆನಿ ಸೆಟ್ಟಿಂಗ್')

Tags:  Dolphy Cascia, Theatre. Konkani Theatre, Konkani Drama in Mumbai, Benna Rujai, Konkani, Mangalore, Mangalorean, Mother Tongue

7 Comment/s.

  1. Marcel Pinto, Moodubelle
    ವ್ಹಾವ್... www.maibhaas.com ಥಾವ್ನ್ ಆನ್ಯೇಕ್ ಆಪುರ್ಬಾಯೆಚೆಂ ಅಂಕಣ್ ವಾಚುಣ್ ಖೂಬ್ ಸಂತೊಸ್ ಭೊಗ್ಲೊಂ... ಭಾರಿ ಬೊರೆಂ ಲಾಗ್ಲೆಂ. ಮುಕ್ಲ್ಯಾ ಅಂಕ್ಯಾಕ್ ಹಾಂವ್ ರಾಕೊನ್ ಆಸಾ.
  2. Emmanuel Pinto, Mangalore
    Nice to read the article/column by my favourite editor/writer. All the best. Kudos to website.
  3. John Serrao, Dubai
    Hi... day by day www.maibhaas.com is coming out with different colours. Many new columns and and valuable writings. God bless you all.
  4. Judith Lewis, United Arab Emirates
    ಡೊಲ್ಫಿಚ್ಯಾ ಅಭಿಮಾನಿಚ್ಯಾ ಪಂಗ್ಡಾಂತ್ಲಿ ಹಾಂವ್‍ಯೀ ಏಕ್. ವಾಚುನ್ ಖುಶಿ ಜಾಲಿ. ಕುರೊವ್ ಕಾದಂಬರಿಚೆ ಮ್ಹಸು ಉಡಾಸ್ ಆಯ್ಲೊ.
  5. Roshan Dsilva, Bahrain
    ಸರà³à²µà³ ಬೊರೆಂ ಮಾಗà³à²¤à²¾à²‚. ವಾಚಂಕೠಬೊರೆಂ ಲಾಗà³à²¤à²¾. ಸà³à²¢à²¾à²³à³ ಭಾಸà³.
  6. Sannu Niddodi, Dubai
    ' ಮà³à²¹à²œà²¿à²‚ ಭಗà³à²£à²¾à²‚, ಮà³à²¹à²œà²¿à²‚ ಚಿಂತà³à²¨à²¾à²‚, ಮà³à²¹à²œà²¿à²‚ ಸಪà³à²£à²¾à²‚ ' - ಭೋವೠಅಪà³à²°à³à²¬à²¾à²¯à³†à²¨à³ ವರà³à²£à²¿à²²à²¾à²‚ಯà³. ವಾಚà³à²‚ಕೠಬರೆಂ ಲಾಗà³à²¤à²¾. ಸà³à²¡à²¾à²³à³ ಭಾಸà³. ಯೆಂವà³à²›à³à²¯à²¾ ಆಂಕà³à²¡à³à²¯à²¾à²•à³ ರಾಕà³à²¨à³ ಆಸಾಂ.
  7. Austin Prabhu, Chicago
    ಬರಯೠಮಿತà³à²°à²¾ ಬರಯà³; ತà³à²œà²¿ ಜಿಣà³à²¯à³† ಚರಿತà³à²°à²¾ ಉರಯà³! ಸರà³à²µà³ ಬರೆಂ ಮಾಗೊನà³, ತà³à²œà³Š ಖಾಲà³à²¤à³Š ಮಿತà³à²°à³, ಆಸà³à²Ÿà²¿à²¨à³ ಪà³à²°à²­à³, ಚಿಕಾಗೊ

Post your comments

Your email address will not be published. Required fields are marked *

Konkani English
Name  : 
Email  : 
Place  : 
Mobile  : 
I Am Human  : 
   Message :

Within a short span of time, www.maibhaas.com made a niche in the hearts of Konkani readers with its clean reading, attracting design in Konkani media. www.maibhaas.com, a dream child of Naveen Sequeira Brahmavar, has able to create its impact and wonders from the day of its inception in Konkani world. As each day passing www.maibhaas.com is growing as a strong pillar of Konkani media.

Our Address
Mangalore

Contact Person :
Mr. Praveen Tauro

 Email : praveen@maibhaas.com

 Phone : +91 99 80 184340

 Address :
          Daijiworld.com,
          Airport Road,
          opp. Bondel Church,
          Mangalore - 575 008
          Karnataka - India

Our Address
Udupi

Contact Person :
Mr. Joel D'almeida

 Email : joel@maibhaas.com

 Phone : +91 90 08 855392

 Address :
          Eventz Redefined,
          Next to Vijaya Bank,
          Holy Family Complex
          1st Floor, NH -66
          Brahmavara - 576213

Our Address
Dubai

Contact Person :
Mr. Naveen Sequeira

 Email : editor@maibhaas.com

 Phone : +97 150 755 4105

 Address :
          Master Mind IT Solutions,
          UBL Building,
          #402, 4th Floor
          Bank Street - Bur Dubai
          Dubai - UAE