+971 50 7554105
ತುಮ್ಚ್ಯಾ ಗಮನಾಕ್:


ಬರಯ್ಣಾರಾ ವಿಶಿಂ
ಜಾಣಾ ಜಾ...

90.0
User Rating

15  -  ಕಲಾಕರಾಂ ಥಾವ್ನ್ ಧೊಸ್



ನಾಟಕಾ ಪಾಟ್ಲಿಂ ಥೊಡಿಂ ಘಡಿತಾಂ ಬೊವ್ ಮಾರ್ಮಿಕ್ ಆನಿ ವಿಚಿತ್ರ್ ಜಾವ್ನಾಸ್ತಾತ್. ಮ್ಹಜೊ ತುಳು ನಾಟಕ್ 'ಏಕ್ ಪಗೆಮಾನಿ' ಬರವ್ನ್ ಜಾಲ್ಲೊ, ಮುಹೂರ್ತ್‌ಯೀ ಜಾಲ್ಲೆಂ, ಹಾತ್-ಪತ್ರಾಂ ಛಾಪುಲ್ಲಿಂ, ನಾಟಕ್ ಖೆಳಂವ್ಚೊ ಜಾಗೊಯೀ ಠರಾವ್ನ್ ಜಾಹೀರ್ ಕೆಲ್ಲೆಂ. ಹರ್ಯೆಕ್ ಪಾವ್ಟಿಂ ಮ್ಹಜ್ಯಾ ನಾಟಕಾಂತ್ ನಾಯಕಾಚೊ ಪಾತ್ರ್ ಖೆಳ್ತಲೊ ತೀನ್ ದೀಸ್ ಅಭ್ಯಾಸಾಕ್ ಆಯ್ಲೊ ಆನಿ ಉಪ್ರಾಂತ್ ಖಬರ್ ಕಾಡ್ತಾನಾ ತಾಚಿ ಭಲಾಯ್ಕಿ ಬರಿನಾ ಮ್ಹಣ್ ತಾಚ್ಯೆ ಆವಯ್ನ್ ಆಮ್ಕಾಂ ಕಳಯಿಲ್ಲೆಂ. ಎಕಾ ಹಪ್ತ್ಯಾನ್ ಅಭ್ಯಾಸಾಕ್ ಯೆತಲೊ ಮ್ಹಣುನ್ ಆಮಿ ಆಮ್ಚಿಂ ಹೆರ್ ಕಾಮಾಂ ಮುಂದರ್ಸುನ್ ವ್ಹೆಲಿಂ.

ನಾಟಕಾಕ್ ಫಕತ್ ವೀಸ್ ದೀಸ್ ಆಸ್‌ಲ್ಲೆ. ನಾಯಕ್ ನಟಾಚೊ ಪಾತ್ತೊ ನಾ! ಘರಾ ಥಾವ್ನ್ ಶೀದಾ ಜಾಪ್ ಮೆಳ್ಳಿನಾ. ಆಮ್ಚೆ ಉರ್ಲಲೆ ಸಾಂದೆ ಘಾಭರ್ಲೆ. ನಾಟಕ್ ಪಾಟಿಂ ಘಾಲ್ಯಾಂ ಯಾ ರದ್ಧ್ ಕರ್ಯಾಂ ಮ್ಹಣಾಲೆ. ಆಮಿ ನಾಟಕಾ ಖಾತಿರ್ 'ಡೊನೇಶನ್' ಜಮವ್ನ್ ಪಯ್ಶೆ ಎಕ್ಟಾಂಯ್ ಕೆಲ್ಲೆ. ನಾಟಕ್ ಖೆಳಯ್ಲೊನಾ ತರ್ ಲೋಕ್ ಕಿತೆಂ ಮ್ಹಣಾತ್?

ಮ್ಹಾಕಾ ತ್ಯಾ ನಾಯಕ್ ಸಟಾಚೊ ಬೋರೊ ರಾಗ್ ಆಯ್ಲೊ. ಹ್ಯೆ ರಿತಿನ್ ತಾಣೆ ವಿಶ್ವಾಸ್ ಘಾತ್/ಮೋಸ್ ಕರ್ಚೊ ನ್ಹಯ್ ಮ್ಹಣ್ ಹಾಂವ್ ಉಗ್ತ್ಯಾನ್ ಮ್ಹಜ್ಯಾ ಮಿತ್ರಾಂ ಮುಖಾರ್ ದುರ್ಸಾಲೊಂ. ನಾಯಕಿಚೊ ಪಾತ್ರ್ ಕರ್ತಲ್ಯಾ ಕಲಾಕರಾಕ್ ಹಾಂವೆ ವಿನಂತಿ ಕೆಲಿ ಆನಿ ತಾಂಚ್ಯಾ ಕ್ಲಬ್ಬಾಚ್ಯಾ ನಾಟಕಾಂನಿ ತಾಚ್ಯೆ ಸಂಗಿಂ ನಾಯಕ್ ಜಾವ್ನ್ ನಟನ್ ಕರ್ತಲ್ಯಾಕ್ ಆಪವ್ನ್ ಹಾಡ್ಚ್ಯಾಕ್ ಹಾಂವೆ ವಿನಂತಿ ಕೆಲಿ. ಆಮಿ ಸರ್ವ್ ತುಳು ರಂಗಭೂಮಿಂತ್ ಸಾಂಗಾತಿ ಕಲಾಕಾರ್. ತೊ ಒಪ್ಲೊ. ಯೆಂವ್ಚೊ ವ್ಹೆಚೊ ತಾಚೊ ಖರ್ಚ್ ಹಾಂವೆ ತಾಕಾ ದಿತಾಂ ಮ್ಹಣ್ ಭಾಸಾಯ್ಲೆಂ. 

ಆಮ್ಚೆಂ ಅಭ್ಯಾಸ್ ಬರ್‍ಯಾನ್ ಚಲಾಲಾಗ್ಲೆಂ. ನಾಟಕ್ ಪ್ರದರ್ಶನಾಚ್ಯಾ (ತಾ. 05.03.1972) ಎಕಾ ಹಪ್ತ್ಯಾ ಆದಿಂ, ದೊಳ್ಯಾಂಚ್ಯೆ ದಿಷ್ಟಿಕ್ ನಾತ್‌ಲ್ಲೊ 'ಆಮ್ಚೊ' ನಾಯಕ್ ನಟ್ ಅಚಾನಕ್ ಆಮಿ ಅಭ್ಯಾಸ್ ಕರುನ್ ಆಸ್ಚ್ಯಾ ಸ್ಥಳಾರ್ ಉದೆಲೊ. ಸದಾಂಚೊ ಸ್ವಾಗತ್ ತಾಕಾ ಆಮಿ ಹಾಸ್ಯಾನ್ ದಿಲೊ. ಪುಣ್ ಹಾಂವೆ ಎಕಾ ಮಹಿನ್ಯಾ ಆದಿಂಚ್ ಹಾಕಾ ಬೂಧ್ ಶಿಕಂವ್ಚ್ಯಾಕ್ ನಿರ್ಧಾರ್ ಘೆತ್‌ಲ್ಲೊ. ತೊ ಖತ್ಕತ್ತಾ ಮ್ಹಳ್ಳೆಂ ಮ್ಹಾಕಾ ಕಳ್ತಾಲೆಂ. ಅಭ್ಯಾಸ್ ಆಖೇರ್ ಜಾತಚ್ ಭಾಯ್ಲೆ ಕಲಾಕಾರ್ ಪಾಟಿಂ ಗೆಲೆ. ಆಮಿ ಥೊಡೆ ಸದಾಂಚ್ಯೆಪರಿಂ ಫುಡ್ಲ್ಯಾ ಕಾರ್ಯಕ್ರಮಾವಿಶಿಂ ತರ್ಕ್ ವಿತರ್ಕ್ ಕರುನ್ ಬಸ್ಲ್ಯಾಂವ್. ತಿತ್ಲ್ಯಾರ್ 'ಆಮ್ಚೊ' ನಾಯಕ್ ನಟ್ ಧಾಂಬುನ್ ದವರ್‌ಲ್ಲೊ ತಾಚೊ ಶಿಣ್ ವೊಂಕ್ಲೊಚ್!!

''ಹಾಂವ್ ನಾಸ್ತಾನಾ ತುಮಿ ಹೊ ನಾಟಕ್ ಕಸೊ ಕರ್ತಾತ್ ಮ್ಹಳ್ಳೆಂ ಹಾಂವ್ ಪಳೆವ್ನ್ ಘೆತಾಂ. ಕ್ಲಬ್ಬಾಚೊ ಕಾರ್ಯದರ್ಶಿ ಹಾಂವ್. ಮ್ಹಾಕಾ ತುಮಿ ಮರ್ಯಾದ್ ದಿನಾಂತ್ ತರ್ ಹಾಂವೆ ಕಿತ್ಯಾ ತುಮ್ಚ್ಯಾ ಕ್ಲಬ್ಬಾಂತ್ ಆಸ್ಚೆಂ?''
ಹಾಂವೆ ರಾಗಾನ್ ತಾಕಾಚ್ ಪಳೆಲೊ. ತಾಕಾ ಹಾಂವೆ ಲಾಗ್ಶಿಲ್ಯಾ ಕದೆಲಾರ್ ಬಸುಂಕ್ ಸಾಂಗ್ಲೆಂ. ತೊ ಆಯ್ಕಾಲೊನಾ. ಹಾಂವೆಂಯೀ ಪರ್ವಾ ಕೆಲಿನಾ.
''ತುಜ್ಯೆ ಶಿವಾಯ್ ಹೊ ನಾಟಕ್ ಜಾತಲೊಚ್. ಹೆಂ ತುಂವೆಂಚ್ ಕರಯ್ಲಾಂಯ್. ತುಕಾ ಆಮಿ ಹರ್ಶೆಂಚ್ಯೆಪರಿಂ ನಾಯಕ್ ನಟಾಚೊ ಪಾತ್ರ್ ದಿಲ್ಲೊ. ತುಂ ಅಭ್ಯಾಸಾಕ್‌ಯೀ ಸಾರ್ಕೆಂ ಆಯ್ಲೊನಾಂಯ್. ಕಾರಣ್ ಕಳಯ್ನಾಸ್ತಾಂ ಆಮ್ಕಾಂ ಸತಾಯ್ಲೆಂಯ್, ಉಲಂವ್ಕ್ ಮೆಳಾನಾಸ್ತಾಂ ಚುಕಾರಿ ಮಾರ್ಲಿಯ್. ನಿಮಾಣೆ, ನಿರ್ವೊಗ್ ನಾಸ್ತಾಂ ಆಮಿ ಭಾಯ್ಲ್ಯಾ ನಟಾಕ್ ಆಪಯ್ಜಯ್ ಪಡ್ಲೆಂ.''
ಹೆಂ ಆಯ್ಕುನ್ ತಾಕಾ ಮ್ಹಜೆರ್ ಆನಿಕೀ ರಾಗ್ ಆಯ್ಲೊ.
''ತಾಕಾ ತುಮಿ ಕಿತ್ಯಾ ಆಪಯ್ಜಯ್ ಆಸ್‌ಲ್ಲೆಂ? ತಾಕಾ ತುಮಿ ಖರ್ಚಾಕ್ ಪಯ್ಶೆ ದಿತಾತ್‌ಮೂ?''
''ಹೊ, ತರ್ ತುಕಾಯ್ ಪಯ್ಶೆ ಜಾಯ್ ಆಸ್‌ಲ್ಲೆಗಿ?'' ಹಾಂವೆ ವ್ಯಂಗ್ಯ್ ತಾಳೊ ವಾಪರ್ಲೊ. ಹಾಂವೆ ತಾಕಾ ಹರ್ಗಿಸ್ ಸೊಡ್ನ್ ದಿಲೊನಾ. ಮ್ಹಜೊ ಆಪ್ತ್-ಖಾಸ್ ಮಿತ್ರ್ ತೊ. ತರೀ ತಾಣೆ ಕೆಲ್ಲೊ ವಿಶ್ವಾಸ್ ಘಾತ್ ಮ್ಹಜ್ಯಾನ್ ಸೊಸುಂಕ್ ಜಾಲೊನಾ.
''ವ್ಹಯ್, ತಾಕಾ ತುಮ್ಕಾಂ ಪಯ್ಶೆ ದಿಂವ್ಕ್ ಜಾತಾ. ಹಾಂವೆ ಕಿತ್ಯಾ ತುಮ್ಚ್ಯಾ ನಾಟಕಾಂತ್ ಫುಕಟಾಕ್ ನಟನ್ ಕರಿಜಯ್?''
''ಜಾಯ್ತ್. ಯೆಂವ್ಚ್ಯಾ ವರ್ಸಾ ತುಕಾ ಪಾತ್ರ್ ದಿತಾಂವ್ ಆನಿ ಪಯ್ಶೆಯೀ ದಿತಾಂವ್. ಹ್ಯೆ ಪಾವ್ಟಿಂ ಮಾತ್ರ್ ಕಿತೆಂಚ್ ಕರುಂಕ್ ಜಾಂವ್ಚೆಂನಾ.'' ಹಾಂವ್ ಖಡಕ್ಕ್ ಉಲಯ್ಲೊಂ.
''ಹ್ಯಾ ಪಾಂಚ್-ಸ ದಿಸಾಂನಿ ಮ್ಹಜೊ ಪಾತ್ರ್ ಶಿಕುನ್ ತುಜೊ ನಾಟಕ್ ಕಸೊ ಹಾಂವ್ ರಾಯ್ಸಾಯ್ತಾಂ ಪಳೆ. ಮ್ಹಜ್ಯೆಪರಿಂ ನಟನ್ ಕರುಂಕ್ ಆತಾಂ ತುಮಿ ಆಪವ್ನ್ ಹಾಡ್‌ಲ್ಲ್ಯಾಕ್ ಜಾಂವ್ಚೆಂನಾ.''
ಮ್ಹಾಕಾ ಹಾಸೊ ಆಯ್ಲ್ಯೊ. ಹಾಂವ್ ಉಠುನ್ ಉಬೊ ಜಾಲೊಂ.
''ಆನಿ ಕಿತೆಂಚ್ ಬದ್ಲಿ ಕರುಂಕ್ ಸಾಧ್ಯ್ ನಾ. ವಾರ್ಷಿಕೋತ್ಸವಾಚೆಂ ಪುಸ್ತಕ್‌ಯೀ ಪ್ರೆಸ್ಸಾಂತ್ ತಯಾರ್ ಜಾವ್ನ್ ಆಯ್ಲಾಂ.'' ಫಟ್ ಮಾರುನ್ ಹಾಂವ್ ಭಾಯ್ರ್ ಸರ್ತಾನಾ ತಾಣೆ ಮ್ಹಾಕಾ ಆಡಾಯ್ಲೊ.
''ಮ್ಹಜಿ ಚೂಕ್ ಜಾಲಿ ಡೊಲ್ಪಿ. ಮ್ಹಾಕಾ ಹ್ಯಾ ನಾಟಕಾಂತ್ ನಟನ್ ಕರುಂಕ್ ಅವ್ಕಾಸ್ ದಿ. ನಾ ತರ್ ಆಮ್ಚ್ಯಾ ಹಾಂಗಾಚ್ಯಾ ಲೊಕಾಕ್ ಹಾಂವ್ ಕಿತೆಂ ಮ್ಹಣ್ ಜಾಪ್ ದಿಂವ್?'' ತಾಳೊ ತಗ್ಸುನ್ ತೊ ಮ್ಹಜ್ಯೆಲಾಗಿಂ ವಿನಂತಿ ಕರಿಲಾಗ್ಲೊ.
''ತುಂ ಗಾಂವಾಂತ್ ನಾತ್‌ಲ್ಲೊಯ್ ಮ್ಹಣ್ ವಿಚಾರ್ಲೆಲ್ಯಾ ಲೊಕಾಕ್ ಸಾಂಗ್ ಯಾ ಭಲಾಯ್ಕಿ ಬರಿ ನಾತ್‌ಲ್ಲಿ ಮ್ಹಣ್ ಸಬಬ್ ದಿ.'' ಹಾಂವ್ ಅಚಲ್ ರಾವ್ಲೊಂ.
ನಾಟಕ್ ಬರ್‍ಯಾನ್ ಜಾಲೊ. ಪುಣ್ ಆಮ್ಚೊ ನಾಯಕ್ ನಟ್ ಮಾತ್ರ್ ತ್ಯಾ ದಿಸಾ ಆಮ್ಚ್ಯೆ ಝಳ್ಕೆಕ್ ಪಡ್ಲೊನಾ. ತಾಚೆಂ ಗಮಂಡ್ ಭೆಸಾಂ ಕೆಲ್ಲ್ಯಾಚೊ ಥೊಡೊ ಸಂತೊಸ್ ಮ್ಹಾಕಾಯ್ ಆಸ್‌ಲ್ಲೊ.

(ಫುಡ್ಲ್ಯಾ ಆಂಕ್ಡ್ಯಾಂತ್: 'ಪರಾಮಸೆ ವಯ್ರ್ ಪರಾಮಸ್') 

Tags:  Dolphy Cascia, Theatre. Konkani Theatre, Konkani, Mangalore, Mangalorean, Mother Tongue

7 Comment/s.

  1. Marcel Pinto, Moodubelle
    ವ್ಹಾವ್... www.maibhaas.com ಥಾವ್ನ್ ಆನ್ಯೇಕ್ ಆಪುರ್ಬಾಯೆಚೆಂ ಅಂಕಣ್ ವಾಚುಣ್ ಖೂಬ್ ಸಂತೊಸ್ ಭೊಗ್ಲೊಂ... ಭಾರಿ ಬೊರೆಂ ಲಾಗ್ಲೆಂ. ಮುಕ್ಲ್ಯಾ ಅಂಕ್ಯಾಕ್ ಹಾಂವ್ ರಾಕೊನ್ ಆಸಾ.
  2. Emmanuel Pinto, Mangalore
    Nice to read the article/column by my favourite editor/writer. All the best. Kudos to website.
  3. John Serrao, Dubai
    Hi... day by day www.maibhaas.com is coming out with different colours. Many new columns and and valuable writings. God bless you all.
  4. Judith Lewis, United Arab Emirates
    ಡೊಲ್ಫಿಚ್ಯಾ ಅಭಿಮಾನಿಚ್ಯಾ ಪಂಗ್ಡಾಂತ್ಲಿ ಹಾಂವ್‍ಯೀ ಏಕ್. ವಾಚುನ್ ಖುಶಿ ಜಾಲಿ. ಕುರೊವ್ ಕಾದಂಬರಿಚೆ ಮ್ಹಸು ಉಡಾಸ್ ಆಯ್ಲೊ.
  5. Roshan Dsilva, Bahrain
    ಸರ್ವ್ ಬೊರೆಂ ಮಾಗ್ತಾಂ. ವಾಚಂಕ್ ಬೊರೆಂ ಲಾಗ್ತಾ. ಸುಢಾಳ್ ಭಾಸ್.
  6. Sannu Niddodi, Dubai
    ' ಮ್ಹಜಿಂ ಭಗ್ಣಾಂ, ಮ್ಹಜಿಂ ಚಿಂತ್ನಾಂ, ಮ್ಹಜಿಂ ಸಪ್ಣಾಂ ' - ಭೋವ್ ಅಪುರ್ಬಾಯೆನ್ ವರ್ಣಿಲಾಂಯ್. ವಾಚುಂಕ್ ಬರೆಂ ಲಾಗ್ತಾ. ಸುಡಾಳ್ ಭಾಸ್. ಯೆಂವ್ಛ್ಯಾ ಆಂಕ್ಡ್ಯಾಕ್ ರಾಕುನ್ ಆಸಾಂ.
  7. Austin Prabhu, Chicago
    ಬರಯ್ ಮಿತ್ರಾ ಬರಯ್; ತುಜಿ ಜಿಣ್ಯೆ ಚರಿತ್ರಾ ಉರಯ್! ಸರ್ವ್ ಬರೆಂ ಮಾಗೊನ್, ತುಜೊ ಖಾಲ್ತೊ ಮಿತ್ರ್, ಆಸ್ಟಿನ್ ಪ್ರಭು, ಚಿಕಾಗೊ

Post your comments

Your email address will not be published. Required fields are marked *

Konkani English
Name  : 
Email  : 
Place  : 
Mobile  : 
I Am Human  : 
   Message :

Within a short span of time, www.maibhaas.com made a niche in the hearts of Konkani readers with its clean reading, attracting design in Konkani media. www.maibhaas.com, a dream child of Naveen Sequeira Brahmavar, has able to create its impact and wonders from the day of its inception in Konkani world. As each day passing www.maibhaas.com is growing as a strong pillar of Konkani media.

Our Address
Mangalore

Contact Person :
Mr. Praveen Tauro

 Email : praveen@maibhaas.com

 Phone : +91 99 80 184340

 Address :
          Daijiworld.com,
          Airport Road,
          opp. Bondel Church,
          Mangalore - 575 008
          Karnataka - India

Our Address
Udupi

Contact Person :
Mr. Joel D'almeida

 Email : joel@maibhaas.com

 Phone : +91 90 08 855392

 Address :
          Eventz Redefined,
          Next to Vijaya Bank,
          Holy Family Complex
          1st Floor, NH -66
          Brahmavara - 576213

Our Address
Dubai

Contact Person :
Mr. Naveen Sequeira

 Email : editor@maibhaas.com

 Phone : +97 150 755 4105

 Address :
          Master Mind IT Solutions,
          UBL Building,
          #402, 4th Floor
          Bank Street - Bur Dubai
          Dubai - UAE