From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
32 - 'ಸಿಪಾಯ್‌ಗಿರಿ' ಪಾಟ್ಲಿ ಕಿರಿಕಿರಿ
Monday, June 29, 2020ಹಾಂವೆ ಪತ್ರಾಂನಿ ಕ್ರಾಂತಿಕಾರಿ ಲೇಖನಾಂಯೀ ಜಾಯಿತ್ತಿಂ ಬರಯ್ಲ್ಯಾಂತ್, ತಶೆಂಚ್ ಕ್ರಾಂತಿಕಾರಿ ನಾಟಕ್‌ಯೀ ಲಿಖ್ಲ್ಯಾತ್. ಹ್ಯಾಂ ಪಯ್ಕಿ, 'ಹಾಂವ್ ಪಾತ್ಕಿ' ಆನಿ 'ಸಿಪಾಯ್‌ಗಿರಿ' - ಬೊವ್ ನಾಂವಾಡ್ದಿಕ್ ನಾಟಕ್. ಹಾಂಕಾಂ ಅಖಿಲ್ ಭಾರತ್ ಮಟ್ಟಾರ್ ಲಿಖಿತ್ ನಾಟಕ್ ಸ್ಪರ್ಧ್ಯಾಂತ್ ದುಸ್ರೆಂ ಬಹುಮಾನ್ 'ಕೊಂಕ್ಣಿ ಭಾಶಾ ಮಂಡಳ್ ಮುಂಬಯ್' ಹಾಂಚ್ಯೆ ಥಾವ್ನ್ ಮೆಳ್ಳಾಂ.
'ಸಿಪಾಯ್‌ಗಿರಿ' ನಾಟಕ್ ಬರವ್ನ್ ಜಾತಚ್ ಆಮ್ಚ್ಯಾ ಕಾಸ್ಸಿಯಾಚ್ಯಾ ವಿಗಾರಾಕ್ ಹಾಂವೆ ವಾಚುಂಕ್ ದಿಲೊ. ಏಕಾಂಕೀ, ಪುಣ್ ತೀನ್ ಭಾಗಾಂಚೊ ನಾಟಕ್ ಹೊ. ಮರಿಯಾಳ್ ಸೊಡೆಲಿಟಿಚ್ಯಾ ವಾರ್ಷಿಕ್ ದಿಸಾ ಹೊ ಖೆಳ್ಚೊ ಆಸ್‌ಲ್ಲೊ. ವಿಗಾರಾನ್ ನಾಟಕ್ ವಾಚುನ್ ಬರೋ ಆಸಾ ಮ್ಹಣ್ ಸಾಂಗುನ್ 'ಸೆನ್ಸಾರ್' ಕೆಲೊ. 'ಪುಣ್ ದುಸ್ರೆಂ ದೃಶ್ಯ್ ಪಳೆವ್ನ್ ಲೋಕ್ ಉಚಾಂಬಳ್ ಜಾಯ್ತ್ ತರ್ ಥೊಡೆ ತೊಂದ್ರೆ ಜಾತಲೆ ಡೊಲ್ಫಿ' ಮ್ಹಣಾಲೊ.
ಹ್ಯಾವಿಶಿಂ ನಾಟಕಾ ಪಯ್ಲೆಂ ಪಾಲ್ಕಾರ್ ಥಾವ್ನ್ ಪ್ರೇಕ್ಷಕಾಂಕ್ ಮುಂಗಡ್ ಕಳವ್ಣಿ ದಿಂವ್ಚ್ಯಾಕ್ ವಿಗಾರಾಕ್ ಹಾಂವೆ ವಿನಂತಿ ಕೆಲಿ ಆನಿ ತೊ ಒಪ್ಲೊ. ಅಭ್ಯಾಸ್ ಬರ್‍ಯಾನ್ ಚಲ್ಲೊ. ಹೃದಯ್‌ಸ್ಪರ್ಶಿ ಬರೀ ಕಾಣಿ ಲಿಸಾಂವಾನ್ ಭರ್‍ಲಲಿ. ಪುಣ್ ಉಚಾಂಬಳಾಯ್ ಆನಿ ಹುತಾವಳ್ ಚಿಕ್ಕೆ ಚಿಕ್ಕೆ ಚಡ್ ಆಸ್ಲಲಿ.
ನಾಟಕ್ ವೆಳಾರ್ ಆರಂಭ್ ಜಾಲೊ. ಹಾಂವೆ ತಾಂತ್ಲ್ಯಾ ಪ್ರಮುಖ್ ಪಾತ್ರ್‌ಧಾರಿ ಮ್ಹಾತಾರ್‍ಯಾಕ್ (ಚೆಡ್ವಾಚೊ ಮಾಂವ್) ಪಯ್ಲೆಂಚ್ ಸಾಂಗ್‌ಲ್ಲೆಂ ಕಿ, ಹಾಂವೆ ಬರಯಿಲ್ಲೆ ಸೊಡ್ನ್ ತಾಚ್ಯಾ ಬೊಲ್ಸಾಂತ್ಲೆಂ ಸಂಭಾಷಣ್ ಹರ್ಗಿಸ್ ಸಾಂಗುಂಕ್ ನೊಜೊ ಮ್ಹಣೂನ್. ಕಿತ್ಯಾ, ತಾಕಾ ತಸಲೊ ಭರ್ಪೂರ್ ಅವ್ಕಾಸ್ ಆಸ್‌ಲ್ಲೊ ಧಾರ್ಮಿಕಾಂಕ್ ಜಾಯ್ ತಶೆಂ ಯೆಟ್ಚೊ.
ಪಯ್ಲೆಂ ದೃಶ್ಯ್ ಬರ್‍ಯಾನ್ ಸಂಪ್ಲೆಂ. ದುಸ್ರೆಂ ದೃಶ್ಯ್‌ಚ್ ಚಡ್ ಅಪಾಯ್‌ಕಾರಿ, ಪ್ರಚೋದನ್‌ಕಾರಿ ಆಸ್‌ಲ್ಲೆಂ. ಹೆಂ ದೃಶ್ಯ್ ಪಳೆವ್ನ್ ಪ್ರೇಕ್ಷಕ್ ಉಚಾಂಬಳ್ ಜಾತಾತ್ ಮ್ಹಳ್ಳೆಂ ಮ್ಹಾಕಾ ಪಯ್ಲೆಂಚ್ ಸ್ಪಷ್ಟ್ ಕಳಿತ್ ಆಸ್‌ಲ್ಲೆಂ. ದುಸ್ರೆಂ ದೃಶ್ಯ್ - ಫಿರ್ಗಜ್ ಸಲಹಾ ಮಂಡಳಿಚಿ ಜಮಾತ್. ಎಕಾ ತಕ್ರಾರಾಚೆರ್ ಭಾಸಾಭಾಸ್ ಚಲ್ತಾಲಿ. ಹಾಂಗಾಸರ್ ದೋನ್ ಪಾಡ್ತಿಂ ಮಧೆಂ ಹುನೊನಿ ಚರ್ಚಾ ಚಲ್ತಾ. ಎಕೆ ಕುಶಿಚೊ ಮುಖೆಲಿ ಮ್ಹಾತಾರೊ ಮಾಂವ್, ಜೊ ಪಾದ್ರಿ-ಮಾದ್ರಿಂಕ್ ಸರ್ಸರಿತ್ ಬೆಂಡ್ತಾ ಆನಿ ದುಸ್ರಿ ಪಾಡ್ತ್ ಹ್ಯಾ ಮಾಂವಾಚ್ಯೆ ವಿಧವ್ ಸುನೆಲಾಗಿಂ ಕಾಜರ್ ಜಾಂವ್ಕ್ ಮುಖಾರ್ ಸರ್‌ಲ್ಲ್ಯಾ, ಕನ್ವಡ್ತರ್ ಜಾಲ್ಲ್ಯಾ ಚೊರಾಚಿ. ಮ್ಹಾತಾರ್‍ಯಾ ಮಾಂವಾ ಪಾಡ್ತಿನ್ ಝುಜೊಂಕ್ ಎಕ್ಲೊ ಮೊವಾಲಿ - ಗೂಂಡಾ ಬೊಂಬಯ್ ಥಾವ್ನ್ ಆಯಿಲ್ಲೊ ಆಸ್ತಾ.
ವಿಗಾರ್ ಹಿ ಜಮಾತ್ ಚಲವ್ನ್ ಆಸ್ತಾಂ, ಉತ್ರಾಂಚೆ ಫಾರ್ ಉಸಾಳ್ತಾತ್, ಹಾತಾಕ್ ಹಾತ್ ಮೆಳ್ಚೆಂ ಸನ್ನಿವೇಶ್ ಉಭೆಂ ಜಾತಾನಾ ವಿಗಾರ್ ಬಾಪ್ ತಾಂಚ್ಯಾ ಮಧೆಂ ಪಡುನ್ ಸಮಾಧಾನ್ ಕರುಂಕ್ ಪೆಚಾಡ್ತಾನಾ, 'ಸಿಪಾಯ್‌ಗಿರಿ' ಗೂಂಡಾನ್ ತ್ಯಾ ಕನ್ವಡ್ತರ್ ಚೊರಾಕ್ ಮಾರ್‌ಲ್ಲೆಂ ಮೆಜಾ ವಯ್ಲೆಂ ಫುಲಾಂಚೆಂ ಕಾಸ್ಯಾಚೆಂ ವಾಜ್ ವಿಗಾರಾಚ್ಯೆ ತಕ್ಲೆಕ್ ಲಾಗುನ್ ಕಪಾಲ್ ಫುಟೊನ್ ರಗತ್ ಭಾಯ್ರ್ ಸರ್‍ತಾ. ಜಮಾತೆಂತ್ ಗಲಾಟೊ ಜಾತಾಸ್ತಾಂ, ಗುಸ್ಪಡಾಯೆನ್ ತೆಂ ದೃಶ್ಯ್ ಅಡ್ಗಂತ್ ಆಖೇರ್ ಜಾತಾ.
ಪುಣ್ ಜಮೊ ಆಸ್ಲಲ್ಯಾ ಪ್ರೇಕ್ಷಕಾಂ ಮಧೆಂ ಗುಸ್ಪಡ್-ಗೊಂದೊಳ್ ಎದೊಳ್‌ಚ್ ಆರಂಭ್ ಜಾಲ್ಲೊ. ಉಚಾಂಬಳಾಯ್ ಸುರು ಜಾಲಿಚ್. 'ಹೊ ಕಸಲೊ ನಾಟಕ್? ಪಾದ್ರ್ಯಾಬಾಚೊ ಮಾಂಡೊ ಫೊಡ್ಚೊ ಮ್ಹಳ್ಯಾರ್ ಕಿತೆಂ? ಕೊಣೆ ಹೊ ನಾಟಕ್ ಪಾಸ್ ಕೆಲ್ಲೊ? ಡೊಲ್ಫಿಚ್ಯಾ ನಾಟಕಾಂಕ್ ಆನಿ 'ಬ್ಯಾನ್' ಕರಿಜಯ್' ಮ್ಹಳ್ಳೆಂ ಉಲೊಣೆಂಚ್ ಸಗ್ಳ್ಯಾನಿತ್ಲ್ಯಾನ್ ಆಯ್ಕಾತಾಲೆಂ. ಪಾಂಚ್ ಮಿನುಟಾಂಚೊ ವಿರಾಮ್ ದಿಂವ್ಚೊಚ್ ಪಡ್ಲೊ, ಹಾಂವೆ ಗ್ರೀನ್‌ರೂಮಾಕ್ ಭಿತರ್ ಸರ್‍ಚೆಂ ಪಾಟ್ಲೆಂ ದಾರ್ ಪಯ್ಲೆಂಚ್ ಬಂಧ್ ಕರ್ನ್ ಖಿಳ್ ಘಾಲಯಿಲ್ಲಿ. ಅಪಾಯಾಚೊ ವಾಸ್ ಎದೊಳ್‌ಚ್ ಮ್ಹಜ್ಯಾ ನಾಕಾಕ್ ಆದ್ಳಾಲ್ಲೊ. ಸಬಾರ್ ಜಣ್ ಭಾಯ್ರ್ ಹಾತ್-ಪಾಂಯ್ ವಯ್ರ್ ಉಡವ್ನ್ ಆಸ್‌ಲ್ಲೆ, ಗಲಾಟೊಚ್ ಚಲ್ತಾಲೊ. ಆಮ್ಚೊ ವಿಗಾರ್ ತಾಂಕಾಂ ಸಕ್ತೆಭಾಯ್ರ್ ವ್ಹಚುನ್ ಸಮಾಧಾನ್ ಕರುನ್ ಆಸ್‌ಲ್ಲೊ.
ತಿತ್ಲ್ಯಾರ್ ಎಕ್ಲೊ ಆಮ್ಚೊ ಪ್ರಾಯ್‌ವಂತ್ ಮುಖೆಲಿ, ಫಿರ್ಗಜ್ ಸಲಹಾ ಸಮಿತಿಚೊ ಪ್ರಾಯ್‌ವಂತ್ ಸಾಂದೊ, ಮುಖ್ಲ್ಯಾ ಪಡ್ದ್ಯಾಕ್ ಕುಶಿಕ್ ಕರುನ್ ಭಿತರ್ ಸರ್‍ಲೊಚ್. ಆಯಿಲ್ಲೊಚ್ ಮ್ಹಜ್ಯೆಕಡೆಂ ತಾಚೆಂ ವೊದ್ದುವಾರಾಂಟ್, ವಾದ್ ಕರಿಲಾಗ್ಲೊ. ಹಾಂವೆ ತಾಕಾ ಇತ್ಲೆಂಚ್ ಸಾಂಗ್ಲೆಂ ಕಿ, 'ಆತಾಂ ನಿಮಾಣೆ ದೃಶ್ಯ್ ಪಳೆವ್ನ್ ಮಾಗಿರ್ ಯೆವ್ನ್ ತುಂವೆ ಕಸಲಿಯೀ ಶಿಕ್ಷಾ ಮ್ಹಾಕಾ ದಿವ್ಯೆತ್. ಹಾಂವ್ ತಿ ಖುಶೇನ್ ಘೆತಾಂ.'
ಕಶೆಂಯೀ ತಾಕಾ ಸಮಾಧಾನ್ ಕರುನ್ ಪಾಟಿಂ ಧಾಡ್ತಚ್ ತಿಸ್ರೆಂ ದೃಶ್ಯ್ ಆರಂಭ್ ಜಾಲೆಂ. ನಿಧಾನ್ ಭಾಯ್ಲೊ ಗಲಾಟೊ ರಾವುನ್ ಆಯ್ಲೊ. ದೃಶ್ಯ್ ಆಖೇರ್ ಜಾತಾನಾ ಚಡಾವತ್ ಪ್ರೇಕ್ಷಕ್ ರಡ್ತಾಲೊ. 'ಸಿಪಾಯ್‌ಗಿರಿ' ಕರ್ನ್ ವಿಗಾರಾಚೊ ಮಾಂಡೊ ಫೊಡ್‌ಲ್ಲೊ ಗೂಂಡಾ ಆಪ್ಲೆ ದೊನ್‌ಯೀ ಹಾತ್ ಎಕೆ ಲಡಾಯೆಂತ್ ಹೊಗ್ಡಾವ್ನ್ ಘೆವ್ನ್ ವಿಗಾರಾಚೆಂ ಭೊಗ್ಸಾಣೆ ಮಾಗುಂಕ್ ಆಯಿಲ್ಲೊ.
ತಾಂಚೆ'ತ್ಲ್ಯಾಕ್ ಉಲವ್ನ್ ಲೋಕ್ ದುಃಖಾಂ ಪುಸುನ್ ಘರಾ ವ್ಹೆತಾನಾ, ಸಭಾರಾಂನಿ ಯೆವ್ನ್ ಮ್ಹಾಕಾ ಉಲ್ಲಾಸ್ ಪಾಠಯ್ಲೆ. ವಿಗಾರಾನ್‌ಯೀ ಪಾಟ್ ಥಾಪುಡ್ಲಿ. ನಿಮಾಣೆ, ತೊಚ್ ಪ್ರಾಯ್‌ವಂತ್ ದಾದ್ಲೊ ಆಯ್ಲೊ ಆನಿ ಮ್ಹಾಕಾ ಹಾತ್ ದಿವ್ನ್ ಮ್ಹಣಾಲೊ, 'ಬರೋ ನಾಟಕ್ ತುಂವೆ ಬರಯ್ಲಾಯ್. ಬರೇಂ ಲಿಸಾಂವ್ ಆಸಾ. ಅಸಲೆಚ್ ನಾಟಕ್ ತುಂ ಆನಿಕೀ ಬರಯ್. ಮ್ಹಜ್ಯೆ ಥಾವ್ನ್ ಸಸಾಯ್ ತುಕಾ ಕೆದಾಳಾಯ್ ಆಸಾ. ವೊಡೊಲ್ ತುಕಾ ಹಾಂವ್ ರಾಗಾನ್ ಉಲಯಿಲ್ಲ್ಯಾಕ್ ಕಾಂಯ್ ಬೆಜಾರ್ ಪಾವಾನಾಕಾ' ಮ್ಹಣೂನ್ ಮ್ಹಜಿ ಪಾಟ್ ಥಾಪ್ಡುನ್ ಗೆಲೊ.
ಹೊಚ್ ನಾಟಕ್ ಮ್ಹಜ್ಯಾ ಹಿಸ್ಪಾ ಪ್ರಕಾರ್ ಪನ್ನಾಸಾಂ ವಯ್ರ್ ಪ್ರದರ್ಶನಾಂ ದೆಖುಂಕ್ ಸಕ್ಲಾ. ಆತಾಂಯ್ ವ್ಹರ್ನ್ ಖೆಳಯ್ತಾತ್. ಆದ್ಲೊ ಆಮ್ಚೊ ಗೊವ್ಳಿ ಬಾಪ್, ಅ| ಮಾ| ದೊ| ಬಾಜಿಲ್ ಸಾಲ್ವದೊರ್ ಸಾಜ್ ಬಾಪಾಚ್ಯಾ ಅಧ್ಯಕ್ಷ್‌ಪಣಾರ್ ಹೊ ನಾಟಕ್ 'ದೇವ್ ಆಪವ್ಣ್ಯಾ ದಿಸಾ' ಆಮಿ ಮ್ಹಜ್ಯಾ ಆನ್ಯೇಕ್ ನಾಟ್ಕುಳ್ಯಾ ಸಂಗಿಂ ಡೊನ್ ಬೊಸ್ಕೊ ಸಾಲಾಂತ್ ಖೆಳವ್ನ್ ದಾಖಯಿಲ್ಲೊ. ನಾಟಕಾಚಿ ಪ್ರತಿ ಗೊವ್ಳ್ಯಾನ್ 'ಸೆನ್ಸಾರ್' ಕೆಲ್ಲಿ. ಹಾಂವ್ ತಾಚ್ಯಾ ಹಾತಾಖಾಲ್ ಕಾಮ್ ಕರ್‍ತಾಲೊಂ.
ಸಾಲ್ ಭರ್ನ್ ಪಾದ್ರಿ-ಮಾದ್ರಿಂ-ಭುರ್ಗಿಂ ಭರ್‌ಲ್ಲಿಂ. ಹ್ಯೆ ಪಾವ್ಟಿಂ ಮ್ಹಾತಾರ್‍ಯಾ ಮಾಂವಾಚೊ ಪಾತ್ರ್ ಹಾಂವೆ ಎಕಾ ನಾಂವಾಡ್ದಿಕ್ ಅನುಭವಿ ತ್ರಿಭಾಷಾ ನಟಾಕ್ ದಿಲ್ಲೊ. ತಾಣೆ ದುಸ್ರ್ಯಾ ದೃಶ್ಯಾಂತ್ ಪಾದ್ರಿ-ಮಾದ್ರಿಂಚೆರ್ ತಾಕಾ ಆಸ್ಲಲೊ ರಾಗ್ ಸಗ್ಳೊ ಉತ್ರಾಂನಿ ಕಾಡ್ನ್ ಮ್ಹಾಕಾ ಮ್ಹಜ್ಯಾ ಧನಿಯಾ ಮುಖಾರ್‌ಚ್ ವಿಕ್ರಿತ್ ಕರ್ನ್ ಸೊಡ್ಲೊ.
ದುಸ್ರ್ಯಾ ದಿಸಾ ಹಾಂವ್ ದಫ್ತರಾಕ್ ಪಾವ್ತಚ್ ಗೊವ್ಳ್ಯಾಚೆಂ ಮ್ಹಾಕಾ ತುರ್‍ತಾಚೆಂ ಆಪವ್ಣೆ ಆಯ್ಲೆಂಚ್!
(ಫುಡ್ಲ್ಯಾ ಆಂಕ್ಡ್ಯಾಂತ್: 'ಆಮ್ಚೊ ಇನ್ಸ್‌ಪೆಕ್ಟರ್ ಟಾಯ್ಟ್!')
Tags:
Dolphy Cascia, Theatre. Konkani Theatre, Konkani Drama in Mumbai, Benna Rujai, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
11/28/2016 ಕಲೆ ಥಂಯ್ ವೋಡ್
-
12/28/2016 ರಾಯ್ ಆನಿ ರಾಕ್ಕೊಸ್
-
2/26/2017 ಜೆಪ್ಪು ಕ್ಲಬ್ಬಾಂತ್ಲೆ ನಾಟಕ್
-
3/21/2017 ಉಲಯ್ನಾತ್ಲ್ಲೊ ಮೊನೊ ಪಾತ್ರ್
-
4/7/2017 ನಾಟಕಾ ಖಾತಿರ್ ಉಪ್ವಾಶಿಂ
-
4/16/2017 ಕರೆಜ್ಮಾಂತ್ಲೊ ನಾಟಕ್
-
4/25/2017 ಮಾರಾಂಚೊ ಪಾವ್ಸ್
-
6/4/2017 ಕೊಂಕ್ಣಿ ರಂಗ್ಮಂಚಾಚೊ ಭೀಷ್ಮ ಪಿತಾಮಹಾ
-
6/27/2017 ರಂಗಸ್ಥಳ್ - ಖಾಲ್ತೆಪಣಾಚೆಂ ಇಸ್ಕೊಲ್
-
7/11/2017 ಹಾಂವೆಂಯೀ ನಟನ್ ಕೆಲೆಂ
-
8/1/2017 ನಾಟಕ್, ಸಾಹಿತ್ಯ್ ಆನಿ ಶಿಕಪ್
-
8/16/2017 ಮ್ಹಜೊ ಪ್ರಥಮ್ ಕೊಂಕ್ಣಿ ನಾಟಕ್
-
9/10/2017 'ಮೊಳ್ಬಾ ವಯ್ಲಿ ದಿವ್ಟಿ'
-
9/26/2017 'ಚೇತನ್ ಕಲಾ ಕೇಂದ್ರ್'
-
10/18/2017 ಕಲಾಕರಾಂ ಥಾವ್ನ್ ಧೊಸ್
-
11/4/2017 ಪರಾಮಸೆ ವಯ್ರ್ ಪರಾಮಸ್
-
12/4/2017 ಮೊಸ್ರಾಕ್ ವಕತ್ ನಾ
-
1/13/2018 ಪಾತ್ರ್‌ಧಾರಿ ಮಾಂಚಿಯೆ ಭಾಯ್ರ್!
-
2/11/2018 ಗಾಗ್ ಆನಿ ಗಾಯಾನ್
-
2/28/2018 ಸೈಕಲ್ ತಳ್ಯಾಂತ್, ಆಮಿ ರಸ್ತ್ಯಾರ್!!
-
4/8/2018 ಮ್ಹಜ್ಯಾ ಕಾಜಾರಾಚೊ ಮಾಟೊವ್
-
4/30/2018 ಹೊಕ್ಲೆಕ್ ತಾಪ್, ಮಾಂಯ್ಕ್ ಕೋಪ್!!
-
6/20/2018 ಮುಂಬಂಯ್ತ್ ಆಮ್ಚೊ ನಾಟಕ್
-
7/17/2018 ರಾಗ್ ಆನಿ ಮೋಗ್
-
8/12/2018 ನಾಟಕಾಂತ್ಲೆಂ ಚೆಡುಂ ಗುಲ್ಲ್!!
-
9/25/2018 ಹಿ ಪಿಸಾಯ್, ಯಾ!?
-
10/22/2018 ಪೊಲಿಸ್ಗಾರಾ ಥಾವ್ನ್ ತನ್ಖಿ/ಜಪ್ತಿ
-
11/14/2018 ಬೊಂಬಂಯ್ತ್ ಪಾವ್ಸ್ ಆನಿ ಹಾಂವ್ ಉದ್ಕಾಂತ್!
-
8/7/2019 ಆಮ್ಚೆ ಕಲಾಕಾರ್ ಬಂಧಿಂತ್!
-
4/24/2020 ಗಾದ್ಯಾಂತ್ಲ್ಯಾ ನಾಟಕಾಚಿ ಫಜಿಂತ್
-
5/24/2020 ಬೆನ್ನಾಚೆಂ ನಾಕ್ ಫುಟ್ಲೆಂ!
-
6/29/2020 'ಸಿಪಾಯ್‌ಗಿರಿ' ಪಾಟ್ಲಿ ಕಿರಿಕಿರಿ
-
8/10/2020 ಆಮ್ಚೊ ಇನ್ಸ್‌ಪೆಕ್ಟರ್ 'ಟಾಯ್ಟ್'!!
-
9/19/2020 ಚ್ಯಾಲೆಂಜ್ ಆನಿ ಸೆಟ್ಟಿಂಗ್
-
10/13/2020 ನಾಟಕ್ಚ್ ಬದ್ಲಿ ಕೆಲೊ!
-
11/15/2020 ಆಡ್ಕಳ್ಯಾಂಚಿ ಶಿಂಕಳ್
Our Address
Mangalore
 | Contact Person : Mr. Praveen Tauro |
Email : praveen@maibhaas.com
Phone : +91 99 80 184340
Address :
Daijiworld.com,
Airport Road,
opp. Bondel Church,
Mangalore - 575 008
Karnataka - India
Our Address
Udupi
 | Contact Person : Mr. Joel D'almeida |
Email : joel@maibhaas.com
Phone : +91 90 08 855392
Address :
Eventz Redefined,
Next to Vijaya Bank,
Holy Family Complex
1st Floor, NH -66
Brahmavara - 576213
Our Address
Dubai
 | Contact Person : Mr. Naveen Sequeira |
Email : editor@maibhaas.com
Phone : +97 150 755 4105
Address :
Master Mind IT Solutions,
UBL Building,
#402, 4th Floor
Bank Street - Bur Dubai
Dubai - UAE
7 Comment/s.
ವ್ಹಾವ್... www.maibhaas.com ಥಾವ್ನ್ ಆನ್ಯೇಕ್ ಆಪುರ್ಬಾಯೆಚೆಂ ಅಂಕಣ್ ವಾಚುಣ್ ಖೂಬ್ ಸಂತೊಸ್ ಭೊಗ್ಲೊಂ... ಭಾರಿ ಬೊರೆಂ ಲಾಗ್ಲೆಂ. ಮುಕ್ಲ್ಯಾ ಅಂಕ್ಯಾಕ್ ಹಾಂವ್ ರಾಕೊನ್ ಆಸಾ.
Nice to read the article/column by my favourite editor/writer. All the best. Kudos to website.
Hi... day by day www.maibhaas.com is coming out with different colours. Many new columns and and valuable writings. God bless you all.
ಡೊಲ್ಫಿಚ್ಯಾ ಅಭಿಮಾನಿಚ್ಯಾ ಪಂಗ್ಡಾಂತ್ಲಿ ಹಾಂವ್‍ಯೀ ಏಕ್. ವಾಚುನ್ ಖುಶಿ ಜಾಲಿ. ಕುರೊವ್ ಕಾದಂಬರಿಚೆ ಮ್ಹಸು ಉಡಾಸ್ ಆಯ್ಲೊ.
ಸರ್ವ್ ಬೊರೆಂ ಮಾಗ್ತಾಂ. ವಾಚಂಕ್ ಬೊರೆಂ ಲಾಗ್ತಾ. ಸುಢಾಳ್ ಭಾಸ್.
' ಮ್ಹಜಿಂ ಭಗ್ಣಾಂ, ಮ್ಹಜಿಂ ಚಿಂತ್ನಾಂ, ಮ್ಹಜಿಂ ಸಪ್ಣಾಂ ' - ಭೋವ್ ಅಪುರ್ಬಾಯೆನ್ ವರ್ಣಿಲಾಂಯ್. ವಾಚುಂಕ್ ಬರೆಂ ಲಾಗ್ತಾ. ಸುಡಾಳ್ ಭಾಸ್. ಯೆಂವ್ಛ್ಯಾ ಆಂಕ್ಡ್ಯಾಕ್ ರಾಕುನ್ ಆಸಾಂ.
ಬರಯ್ ಮಿತ್ರಾ ಬರಯ್; ತುಜಿ ಜಿಣ್ಯೆ ಚರಿತ್ರಾ ಉರಯ್! ಸರ್ವ್ ಬರೆಂ ಮಾಗೊನ್, ತುಜೊ ಖಾಲ್ತೊ ಮಿತ್ರ್, ಆಸ್ಟಿನ್ ಪ್ರಭು, ಚಿಕಾಗೊ