From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
8 - ''ಬ್ಲೊ೦ಡಿ'' (ಕ್ಲೋನಿಂಗ್ ಹೊರರ್ ಕಥಾ...)
Sunday, April 2, 2017ಬರಯ್ಣಾರಾ ವಿಶಿಂ ಜಾಣಾ ಜಾ...
-
ಎಡ್ವಿನ್ ಜೆ.ಎಫ್.ಡಿ'ಸೋಜಾ
ಎಡ್ವಿನ್ ಜೆ.ಎಫ್.ಡಿ'ಸೋಜಾ ಕೊ೦ಕ್ಣಿ ಸಾಹಿತ್ಯ್ ಸ೦ಸಾರಾನ್ ದೆಕ್‌ಲ್ಲೊ ಏಕ್ ಶ್ರೇಶ್ಟ್ ಚಿ೦ತಕ್, ಕಾಣಿಯಾ೦ಗಾರ್, ಕಾದ೦ಬರಿಗಾರ್ ಆನಿ ಅ೦ಕಣ್‌ಗಾರ್. ವಾಚ್ಪ್ಯಾಂಕ್ ಆನಿ ಲೇಖಕಾಂಕ್ ಆಪ್ಲ್ಯಾ ಉಂಚ್ಲ್ಯಾ ಆನಿ ವಿಭಿನ್ನ್ ಶೈಲಿ ಮುಕಾಂತ್ರ್ ವಾಚುಂಕ್ ಪ್ರೇರಿತ್ ಕರ್ಚೊ ಕೊಂಕ್ಣೆಂತ್ಲೊ ಮಾಲ್ಗಡೊ ಆನಿ ಉತ್ತೀಮ್ ಲೇಕಕ್. www.maibhaas.com ಜಾಳಿ ಜಾಗ್ಯಾರ್ ಸುರ್ವೆರ್ ಥಾವ್ನ್ ಆಪ್ಲ್ಯಾ ಅಂಕಣಾ ದ್ವಾರಿಂ, ಸರ್ವ್ ವಾಚ್ಪ್ಯಾಂಕ್ ಮೊಗಾಚೊ. ಸಬಾರ್ ಲೇಖಕಾಂಕ್ ಆಪ್ಲ್ಯಾ ಪ್ರಬುದ್ಧ್ ಬರ್ಪಾ ದ್ವಾರಿಂ ಪ್ರೇರಿತ್ ಕೆಲ್ಲೊ ಜಾಣ್ವಾಯೆಚೊ ಸಾಹಿತಿ. ಏಕ್‍ಚ್ ಉತ್ರಾನ್ ಸಾಂಗ್ಚೆಂ ಜಾಲ್ಯಾರ್ ಕೊಂಕ್ಣಿ ಸಾಹಿತ್ಯಾಚೆಂ ಮಟ್ಟ್ ವಾಡಯಿಲ್ಲೊ ಫಾಂಕಿವಂತ್ ಲೇಖಕ್.
ಕನ್ನಡ ಲಿಪಿಯೆ೦ತ್ ಪಯ್ಲಿ ಅಸ್ತಿತ್ವ್‌ವಾದಾಚಿ ಆನಿ ಪಯ್ಲಿ ವೈಜ್ನಾನಿಕ್ ಕಾದ೦ಬರಿ ಬರಯಿಲ್ಲಿ ಕೀರ್ತ್ ಎಡ್ವಿನಾಕ್ ಫಾವೊ. ತ್ಯಾ ಶಿವಾಯ್ ತಾಚಾ ಗೂಢಾಚಾರಿ ಆನಿ ಆತುರಾಯೆಭರಿತ್ ಕಾದ೦ಬರಿ೦ನಿ ಕೊ೦ಕ್ಣಿ ವಾಚ್ಪ್ಯಾ೦ಕ್ ವಿಜ್ಮಿತ್ ಕೆಲಾ೦. 'ಬ್ಲೊಂಡಿ', ಕ್ಲೋನಿಂಗ್ ಹೊರರ್ ಕಥಾ ತುಮ್ಕಾಂ ಪಸಂದ್ ಜಾತೆಲಿ ಮ್ಹಳ್ಳೊ ಭರ್ವಸೊ. ಹರ್ಯೆಕಾ ಪಂದ್ರಾ ದಿಸಾಕ್ ನವೊ ಕಿಸ್ತ್ ಪ್ರಸಾರ್ ಕರ್ತೆಲ್ಯಾಂವ್.
ಎಡ್ವಿನ್ ಜೆ.ಎಫ್.ಡಿ'ಸೋಜಾ ವ್ಯಕ್ತಿ ಪರಿಚಯ್ ವಾಚುಂಕ್ ಹಾಂಗಾಸರ್ ಚಿಚಾಯ್...
ತ್ಯಾ ಕರ್ನೆಚ್ಯಾ ಶಿಕರಾಥ೦ಯ್ ತೃಪ್ತ್ ಜಾವ್ನ್ ಬ್ರ್ಯಾ೦ಡನ್, ಹೇಜಲಾಚ್ಯಾ ಕುಡಿವಯ್ಲೊ ನಿಸ್ರೊನ್ ತಾಚ್ಯಾ ಪಾಸ್ಳೇಕ್ ಪಡ್ತಾನಾ ಮ್ಹಣಾಲೊ. "ಹರ್‌ಎಕ್ ಪಾವ್ಟಿ೦ ಮ್ಹಜೊ ಜೀವ್ ಥೊಡೊ ಥೊಡೊಚ್ ಉಬೊನ್ ವೆಚೆಪರಿ೦ ಮ್ಹಾಕಾ ಭೊಗ್ತಾ!"
ಹೇಜಲಾನ್ ಕಾ೦ಯ್ ಮ್ಹಳೆ೦ ನಾ. ತಾಚ್ಯಾ ಉಸ್ವಸಾ೦ತ್ ಹಳ್ಟಾಚಿ ಖರಸ್ ಆಸ್‌ಲ್ಲಿ. ಹಿ ಕರ್ನಿ ತಾಕಾ ಅಪರಿಚಿತ್ ನ್ಹಯ್ ಪುಣ್ ಆಜ್ ತಾಕಾ ತಾಚೊ ಶಿಕರ್ ಲಾಭ್ಲೊ ನಾ. ಬ್ರ್ಯಾ೦ಡನಾಚ್ಯಾ ಸತತ್ ವತ್ತಾಯೆಕ್ ತೆ೦ ಕಬೂಲ್ ಜಾಲ್ಲೆ೦ ಶಿವಾಯ್ ಹೆರ್ ವೋಡಿ೦ಕ್ ಲಾಗೊನ್ ನ್ಹಯ್.
ತಾಚಿ ಮೋತ್ ಮಿಶ್ರಿತ್ ಭೊಗ್ಣಾ೦ನಿ ರೆವಡ್ಲೆಲಿ ಆನಿ ತಿ ಸಭಾ ಆಪ೦ವ್ಕ್‌ಚ್ ನಜೊ ಆಸ್‌ಲ್ಲಿ ಮ್ಹಳ್ಳಿ ಕಾ೦ತವ್ಣಿ ತಾಕಾ ಧೊಸ್ತಾಲಿ. ಪುಣ್ ಆಪ್ಣಾಚೆರ್ ಆನಿ ಸೆ೦ಟರಾಚೆರ್ ಅಪ್ವಾದ್ ಪಡ್‌ಲ್ಲೆ ತೆ ಪುಸುನ್ ಉಡಯ್ಜೆ ತರ್ ಹೆರ್ ವಾಟ್‌ನಾತ್‌ಲ್ಲಿ. ಪುಣ್ ಹ್ಯಾ ಸಭೆವರ್ವಿ೦ ಕಸಲೆ೦ಯಿ ಬರೆಪಣ್ ಜಾಲ್ಲೆಪರಿ೦ ತಾಕಾ ದಿಸ್ಲೆ೦ ನಾ. ಪುಣ್ ಎಕ್ ಸ೦ಗತ್ ತಾಚ್ಯಾ ಗಮನಾಕ್ ಗೆಲ್ಲಿ. ಸೆ೦ಟರಾಚೆರ್ ಬಳಿಶ್ಟ್ ಕಾಳೊ ಬದ್ಲಾಮ್ ಪಡ್‌ಲ್ಲೊ. ನಾ ತರ್, ಫಕತ್ ಬ್ಲೊ೦ಡಿ ತೀನ್ ಪಾವ್ಟಿ೦ ಘುರ್ಕಿಲ್ಲ್ಯಾಕ್ ಆನಿ ಎಕ್ ಪಾವ್ಟಿ೦ ಪೆರೆಜಾಚ್ಯಾ ಆ೦ಗಾರ್ ಪಾ೦ಯ್ ದವರಿಲ್ಲ್ಯಾಕ್ ಸಭೆನ್ ಉಟೊನ್ ಧಾ೦ವ್ಚೆತಿತ್ಲೆ೦ ಭೆ೦ ಉಬ್ಜೊ೦ಕ್ ಕಾರಣ್ ನಾತ್‌ಲ್ಲೆ೦.
ತರೀ ಚಡಿತ್ ಮಾಪಾನ್ ವಿರಾರ್ ಜಾಲ್ಲಿ ತಾಚಿ ಮೋತ್ ಬ್ಲೊ೦ಡಿಚ್ಯಾ ವರ್ತನಾಕ್ ಲಾಗೊನ್. ಟೆ೦ಪ್ಲರಾನ್ ತಾಕಾ ಕಿತೆ೦ ತರಿ ಕೆಲಾ೦ ಮ್ಹಳ್ಳೆ೦ ತಾಕಾ ಆನಿ ಬ್ರ್ಯಾ೦ಡನಾಕ್ ಕಳಿತ್ ಆಸ್‌ಲ್ಲೆ೦. ಪುಣ್ ಸಮಾ ಪಳೆ೦ವ್ಕ್ ಗೆಲ್ಯಾರ್ ಪಾಟ್ಲ್ಯಾ ಸ-ಸಾತ್ ಮಯ್‌ನ್ಯಾ೦ನಿ ಹೇಜಲಾಚ್ಯಾ ಪ್ರಯೋಗಾ೦ಥ೦ಯ್ ಬ್ರ್ಯಾ೦ಡನಾನ್ ಚಡಿತ್ ಆಸಕ್ತ್ ದಾಕ೦ವ್ಚೆಪರಿ೦ ದಿಸನಾತ್‌ಲ್ಲೆ೦; ಚಡ್ ಕರುನ್ ತೊ ಬ್ಲೊ೦ಡಿಚ್ಯಾ 'ಪ್ರಗತೆ' ಥ೦ಯ್ ನಿರ್ಗಮಿತ್ ಆಸ್‌ಲ್ಲೊ.
ದಿಸಾಚೊ ಚಡಿತ್ ವೇಳ್ ತೊ ಟೆ೦ಪ್ಲರಾ ಸಾ೦ಗಾತಾ ಖರ್ಚಿತಾಲೊ ಆನಿ ಥೊಡೆ ಪಾವ್ಟಿ೦ ನಪ೦ಯ್ಚ್ ಜಾತಾಲೊ.
ಹೇಜಲಾಕ್ ಖಚಿತ್ ಕಳಿತ್ ಆಸ್‌ಲ್ಲೆ೦ಕಿ ಕ್ಯಾ೦ಪಸಾ೦ತ್ ಎಕ್ ಗುಪ್ತ್ ಪ್ರಯೋಗ್‌ಶಾಳ್ ಆಸಾ ಮ್ಹಣ್. ಪುಣ್ ಖ೦ಯ್? ತೆ೦ ಆನಿ ಬ್ರ್ಯಾ೦ಡನ್ ಸೆ೦ಟರಾಕ್ ಸೆರ್ವೊ೦ಚ್ಯಾ ಪಯ್ಲೆ೦ಚ್ ಸೆ೦ಟರಾಚಿ೦ ಸರ್ವ್ ಬಾ೦ದ್ಪಾ೦ ತಯಾರ್ ಆನಿ ಉಬಿ೦ ಆಸ್‌ಲ್ಲ್ಯಾನ್ ತಾಕಾ ಕಸಲೊಚ್ ಸುಲುಸ್ ಮೆಳ್ಳೊ ನಾ. ಟೆ೦ಪ್ಲರಾಲಾಗಿ೦ ತೆ೦ ಲಗ್ನ್ ಜಾ೦ವ್ಕ್ ಜಾಲ್ಲೆ೦ ಆನಿ ತಾಕಾ ಕ್ರಮೇಣ್ ಪುಣ್ ವೆಗಿ೦ಚ್ ಕಳಿತ್ ಜಾಲೆ೦ಕಿ ಹೊ ತಾಚೊ ಮೋಗ್ ಎಕೆ ವಿದ್ಯಾರ್ಥಿನ್ ಆಪ್ಲ್ಯಾ ಶಿಕ್ಶಕಾಚೊ ಭ್ರಮಿದಿಕ್ ಲಾಗೊನ್ ಕರ್ಚೆ ತಸಲೊ ಮ್ಹಣ್.
ಪಾಟ್ಲ್ಯಾ ಸ-ಸಾತ್ ಮಯ್‌ನ್ಯಾ೦ನಿ ಬ್ಲೊ೦ಡಿನ್ ಸುರಾ೦ಟಿ ಮಾರ್ನ್ ಧಾ೦ವ್ಚೆ೦ ಆನಿ ನಪ೦ಯ್ಚ್ ಜಾ೦ವ್ಚೆ೦ ಕಾಯಾಮ್ ಜಾಲ್ಲೆ೦. ತೊ ಖ೦ಯ್ ವೆತಾಲೊ ಮ್ಹಳ್ಳೆ೦ ಜಾಣಾ೦ ಜಾ೦ವ್ಕ್ ಹೇಜಲಾನ್ ಕೆಲ್ಲೆ೦ ಪ್ರೇತನ್ ಫಲ್ಸಾಲೆ೦ ನಾ; ಬ್ರ್ಯಾ೦ಡನಾನ್ ತಾಕಾ ಕಸಲಿಚ್ ಮಜತ್‌ಯಿ ಕೆಲಿ ನಾ. ತಾ೦ಚೆ ಮಧೆ೦ ಎಕಾ ರಿತಿಚೆ೦ ಮಾನಸಿಕ್ ತಾಣ್ ಉದೆಲ್ಲೆ೦ ಆನಿ ವಾಡ್ತಾಲೆ೦. ಪುಣ್ ಹೇಜಲಾಚ್ಯಾ ಉದ್ರಿಕ್ತ್ ಕುಡಿಥ೦ಯ್ ಬ್ರ್ಯಾ೦ಡನ್ ಪಿಗಳ್ತಾಲೊ, ಹ್ಯಾ ರಾತಿ೦ ಜಾಲ್ಲೆ೦ಪರಿ೦.
ಬ್ರ್ಯಾ೦ಡನಾಕ್ ಖಟ್ಲ್ಯಾರ್‌ಚ್ ಲೊಳೊ೦ಕ್ ಸೊಡುನ್ ಉಟ್‌ಲ್ಲ್ಯಾ ಹೇಜಲಾನ್ ಆಪ್ಲಿ ಮುಸ್ತಾಯ್ಕಿ ಶಿರ್ಕಾಯ್ಲಿ, ಕೇಸ್ ಪಾಟಿ೦ ಪುಸ್ಲೆ ಆನಿ ಗ್ಲಾಸಾ೦ತ್ ಆಸ್‌ಲ್ಲಿ ಸ್ಕೊಚ್ ಖಾಲಿ ಕೆಲಿ. ''ಹಾ೦ವ್ ಬ್ಲೊ೦ಡಿಕ್ ಸೊಧುನ್ ವೆತಾ೦!'' ತೆ೦ ಮ್ಹಣಾಲೆ೦ ಆಪ್ಲಿ ಜಾಕೆಟ್ ಶಿರ್ಕಾವ್ನ್.
''ಡೋ೦ಟ್ ಬಿ ಸಿಲ್ಲಿ,'' ಮ್ಹಣಾಲೊ ಬ್ರ್ಯಾ೦ಡನ್ ಆತಾ೦ ಉದಾರೊ ಪಡೊನ್. ವಿಣ್ಗೊಚ್ ತೊ ಆಸ್‌ಲ್ಲೊ. ''ವಾಡ್ಲಲೊ ಪೆಟೊ ತೊ...''
''ಕ್ಯಾ೦ಪಸಾ೦ತ್ ಕೊಲ್ಗಿ೦ನಾ೦ತ್!'' ತೆ೦ ಮ್ಹಣಾಲೆ೦ ವಿರರಾಯ್ ಬರ್ಸಾಲ್ಲ್ಯಾ ರಾಗಾನ್.
''ಪ್ರೊಬ್ಲೆಮ್ ತೊಚ್ಚ್!'' ಅಶೆ೦ ಮ್ಹಣೊನ್ ಉಗ್ತ್ಯಾನ್ ಹಾಸ್ಲೊ ಬ್ರ್ಯಾ೦ಡನ್.
''ಸ್ಟೊಪ್ ಇಟ್, ಬ್ರ್ಯಾ೦ಡನ್!'' ತೆ೦ ಬೊಬಾಟ್ಲೆ೦. ''ತು೦ ಯೆತಾಯ್ ಮ್ಹಜ್ಯಾ ಸಾ೦ಗಾತಾ?''
''ಪರತ್ ಆನಿ ಉಗ್ತಡಾ೦ತ್?'' ತೊ ಆಪ್ಲೆ ವೋ೦ಟ್ ಲೆ೦ವೊನ್ ಹಾಸ್ಲೊ.
ಹೇಜಲಾನ್ ಕಿತೆ೦ಯಿ ಮ್ಹಣ್ಚ್ಯಾ ಫುಡೆ೦ಚ್ ಬ್ರ್ಯಾ೦ಡನಾಚೆ೦ ಸೆಲ್ಲ್ ಫೋನ್ ವ್ಹಾಜ್ಲೆಂ.
ಕೊಲ್ ಘೆ೦ವ್ಚ್ಯಾ ಫುಡೆ೦ ಸೆಲ್ಲ್ ಫೊನಾಚ್ಯಾ ಪಡ್ದ್ಯಾಕ್ ಪಳೆವ್ನ್ ತೊ ಮ್ಹಣಾಲೊ. ''ತುಜೊ ಪತಿ...ಟೆ೦ಪ್ಲರ್!''
ಉಪ್ರಾ೦ತ್ ತಾಣೆ ಬಟನ್ ದಾ೦ಬ್ಲೊ ಆನಿ ಸೆಲ್ಲ್ ಕಾನಾಕ್ ಲಾಯ್ಲೆ೦.
''ಹಲ್ಲೊ...ಟೆ೦ಪ್ಲರ್...ಟೆ೦ಪ್ಲರ್? What's wrong? ಕಿತ್ಯಾಕ್ ಉಲಯ್‌ನಾ೦ಯ್ ತು೦? ಕಸಲೊ ಆವಾಜ್ ಥ೦ಯ್? ಕೋಣ್ ಘೊ೦ಕ್ತಾ? ಬ್ಲೊ೦ಡಿ?''
ಆತಾ೦ ಹೇಜಲ್, ಜೆ೦ ಕೊಟೆಜಿಚ್ಯಾ ದಾರಾ ಪರ್ಯಾಂತ್ ಪಾವ್‌ಲ್ಲೆ೦, ಪಾಟಿ೦ ಆಯ್ಲೆ೦.
''ಕಸಲಿ ಗಜಾಲ್?''
''ಹಾ೦ವ್ ನೆಣಾ೦,'' ತೊ ಮ್ಹಣಾಲೊ. ''ಕೊಲ್ ಟೆ೦ಪ್ಲರಾಚೆ೦ ಪುಣ್ ತೊ ಉಲಯ್ಲೊ ನಾ. ಕಸಲೆ೦ಗಿ ಆವಾಜ್ ಆನಿ ತ್ಯಾ ಆವಾಜಾ೦ ಮಧೆಂ ಬ್ಲೊ೦ಡಿಚಿ ಘೊ೦ಕ್ ಮ್ಹಾಕಾ ಆಯ್ಕಾಲಿ.''
''ಇ೦ಪೊಸಿಬಲ್!'' ತೆ೦ ಉದ್ಗಾರ್ಲೆ೦.
ಖಟ್ಲ್ಯಾ ವಯ್ಲೊ ತೊ ಉಡ್ಲೊ ಆನಿ ತುರ್ತಾನ್ ನೆಸೊ೦ಕ್ ಲಾಗ್ಲೊ. ''ಕರೋಡಾ೦ಚೊ ವಯ್‌ವಾಟ್; ಕರೋಡಾ೦ಚೆ ಪ್ರಯೋಗ್!'' ತೊ ಉದ್ಗಾರ್ಲೊ.
''ಕಿತೆ೦ ಮ್ಹಣಾ೦ಯ್ ತು೦?'' ಹೇಜಲಾಚೊ ತಾಳೊ ಕ್ಶೀಣ್ ಜಾಲ್ಲೊ. ''ಕಸಲೊ ವಯ್‌ವಾಟ್, ಕೊಣಾಚೊ ವಯ್‌ವಾಟ್?''
''ತುಕಾ ನಾಕಾ ಆಸ್‌ಲ್ಲ್ಯಾ ವಿಶಾ೦ತ್ ಆತಾ೦ ಕಿತ್ಯಾಕ್ ಆತುರಾಯ್ ದಾಕಯ್ತಾಯ್?''
''ಮ್ಹಣ್ಜೆ...?''
''ಜಾಣಾ೦ ಜಾ೦ವ್ಕ್ ಜಾಯ್ ತುಕಾ?'' ತೊ ಖೆ೦ಚ್ಲೊ ಆನಿ ಬೆಡ್‌ರೂಮಾ೦ತ್ ಆಸ್‌ಲ್ಲ್ಯಾ 'ಟೊಲ್‌ಬೊಯ್' (ಎಕ್ ಥರಾಚಿ ಕಬಾರ್ಟ್) ಉಗ್ತೊ ಕರುನ್ ಸ್ಮಿಥ್ ಎ೦ಡ್ ವೆಸ್ಸನ್ ತಾಣೆ ಭಾಯ್ರ್ ಕಾಡ್ಲಿ.
''ಹಾಚಿ ಕಿತೆ೦ ಗರ್ಜ್?'' ಹಾತೆರಾಕ್ ಪಳೆವ್ನ್ ವಿಚಾರ್ಲೆ೦ ಹೇಜಲಾನ್.
''ಹಾ೦ವ್೦ಚ್ ನೆಣಾ೦!'' ತೊ ಮ್ಹಣಾಲೊ. ''ತುಕಾ ಯೆ೦ವ್ಕ್ ಜಾಯ್ ತರ್ ಯೆ, ಟೆ೦ಪ್ಲರ್ ಕಸಲ್ಯಾಗಿ ಪರಿಗತಿ೦ತ್ ಪಡ್‌ಲ್ಲೆಪರಿ೦ ದಿಸ್ತಾ......''
''ಖ೦ಡಿತ್ ಜಾವ್ನ್ ತಾಣೆ ಆನಿ.......ತು೦ವೆ೦ ಆಸಾ ಕೆಲ್ಲಿ ಪರಿಗತ್?''
''ಹಾ೦! ಆತಾ೦ ಭಾರಿಚ್ ವೆಗಿ೦ ಶಿಕ್ತಾಯ್ ತು೦,'' ತೊ ಮ್ಹಣಾಲೊ. ''ಟೆ೦ಪ್ಲರಾನ್ ಆನಿ ಹಾ೦ವೆ೦?'' ತೊ ಸುಕೊ ಹಾಸೊ ಹಾಸ್ಲೊ.
ತಿ೦ ಭಾಯ್ರ್ ಆಯ್ಲಿ೦; ವಾರೆ೦ ವ್ಹಾಳ್ತಾಲೆ೦. ಥ೦ಡ್ ಥ೦ಡ್ ವಾರೆ೦...
ಬ್ರ್ಯಾ೦ಡನಾನ್ ಆಪ್ಲೆ೦ ಜೀಪ್ ಭಾಯ್ರ್ ಕಾಡ್ಲೆ೦. ''ಆಮಿ೦ ವೇಳ್ ಪಾಡ್ ಕರು೦ಕ್ ಜಾಯ್ನಾ.''
ತಾ೦ತ್ರಿಕ್ ರಿತಿರ್ ಹೇಜಲ್ ಜೀಪಾ೦ತ್ ಬಸ್ಲೆ೦. ಬ್ರ್ಯಾ೦ಡನಾನ್ ತೆ೦ ಜೀಪ್ ಕ್ಯಾ೦ಪಸಾಚ್ಯಾ ಪ್ರಾರ್ಥನಾಲಯಾ ಕುಶಿಕ್ ಧಾ೦ವ್ಡಾಯ್ಲೆ೦...
Tags:
Blondie, Cloning Horror Story, Edwin JF Dsouza, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
11/20/2016
''ಬ್ಲೊ೦ಡಿ''
-
12/7/2016
''ಬ್ಲೊ೦ಡಿ''
-
1/3/2017
''ಬ್ಲೊ೦ಡಿ''
-
1/21/2017
''ಬ್ಲೊ೦ಡಿ''
-
2/4/2017
''ಬ್ಲೊ೦ಡಿ''
-
2/18/2017
''ಬ್ಲೊ೦ಡಿ''
-
3/18/2017
''ಬ್ಲೊ೦ಡಿ''
-
4/2/2017
''ಬ್ಲೊ೦ಡಿ''
-
4/21/2017
''ಬ್ಲೊ೦ಡಿ''
-
6/14/2017
''ಬ್ಲೊ೦ಡಿ''
-
12/18/2021
ಕೆನಡಾಂತ್ 'ನವೊ ಭರ್ವಸೊ' ನವೆಂ ಪದ್
-
-
-
4/26/2020
ಹೆಲಿಕಾಪ್ಟರ್ ಮನಿ
-
2/5/2020
ಕಾಜಾರ್ ಕೆದಾಳಾ..?
-
9/30/2018
ಕಾಜಾರಾಕ್ 'ವೊಜೆಂ ಬಾಂದ್ಚೆಂ'
-
9/12/2018
'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!
-
7/29/2018
ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್
-
6/25/2018
ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್
-
5/6/2018
ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್
Our Address
Mangalore
 | Contact Person : Mr. Praveen Tauro |
Email : praveen@maibhaas.com
Phone : +91 99 80 184340
Address :
Daijiworld.com,
Airport Road,
opp. Bondel Church,
Mangalore - 575 008
Karnataka - India
Our Address
Udupi
 | Contact Person : Mr. Joel D'almeida |
Email : joel@maibhaas.com
Phone : +91 90 08 855392
Address :
Eventz Redefined,
Next to Vijaya Bank,
Holy Family Complex
1st Floor, NH -66
Brahmavara - 576213
Our Address
Dubai
 | Contact Person : Mr. Naveen Sequeira |
Email : editor@maibhaas.com
Phone : +97 150 755 4105
Address :
Master Mind IT Solutions,
UBL Building,
#402, 4th Floor
Bank Street - Bur Dubai
Dubai - UAE
5 Comment/s.
Waw... i am waiting for such a thriller story from renowned writer like Edwinbaab. Really eager to read next episode.
ವಾಚುನ್ ಭಾರಿ ಖುಶಿ ಜಾಲಿ. ಫುಡ್ಲ್ಯಾ ಅಂಕ್ಯಾಕ್ ರಾಕೊನ್ ಆಸಾ. ಮ್ಹಾಕಾ ಹೊರರ್ ಕಾಣ್ಯೊ ಬೋವ್ ಪಸಂದ್. ಲೇಖಕಾಕ್ ಬೊರೆಂ ಮಾಗ್ತಾಂ.
Hi, wanted to read the story fully at one time. Please publish it. Nice thriller.
Hi, my name is Suresh. Regular reader of maibhaas. Nice to read Edwin sir's Blondie. Very nicely written. Great writer and wonderful imagination.
ವಾಚುಂಕ್ ಬೊರಿ ಜಾತಾಲಿ. ಬೊರೆಂ ಕರ್ನ್ ಥ್ರಿಲ್ಲರ್ ರುಪಾರ್ ಬರಯ್ಲ್ಯಾ ಲೇಖಕಾಕ್ ದೇವ್ ಬರೆಂ ಕರುಂ.