ಪ್ರವೀಣ್ ತಾವ್ರೊ, ಕುಲ್ಶೇಕರ್
             
+971 50 7554105
ತುಮ್ಚ್ಯಾ ಗಮನಾಕ್:
Best be viewed in 1366 X 768 screen resolution and in Google Chrome
You are here:   /  ಕಾತ್ಕುತ್ಲಿ

ಕಾತ್ಕುತ್ಲಿ - ಗರ್ಮಿ

December 20, 2015  /  By Admin

ಬರಯ್ಣಾರಾ ವಿಶಿಂ ಜಾಣಾ ಜಾ...

81.8
User Rating
ಕರ್ಮಿ ಮ್ಹನ್ಶಾಚಿ ಜೀಣ್ ಉದೆತಾ ಗರ್ಮೆಕ್ ಲಾಗೊನ್.

ಸಂಸಾರಾಚಿ ಗರ್ಮಿ ಉಣೆ ಕರ್‍ಯಾಂ, ಉಣೆ ಕರಿಜೆ, ಕಶೆಂ ಆನಿಂ ಕೊಣೆ ಕರಿಜೆ ಮ್ಹಳ್ಳ್ಯಾ ಸವಾಲಾಂಕ್ ಲಾಗೊನ್ ಖರಾರ್, ಸೊಲ್ಲೊ ಆನಿಂ ಮತ್ತಿಗೊಬೊರ್ ಮ್ಹಣ್ ಆದ್ಲ್ಯಾ ವರ್ಸಾಚ್ಯಾ ನವೆಂಬರಾಂತ್ ಪ್ಯಾರಿಸಾಂತ್ ಎಕ್ ಸಭಾ ಚಲ್ಲಿ. ಅಸಲ್ಯೊ ವಿವಿಧ್ ರಿತಿಚೆಂ ಸಭಾ ಉಲೊವ್ಪ್ ವರ್ಸಾಕ್ ಎಕ್ ಪಾವ್ಟಿಂ ಜಾತಾತ್ ಆನಿಂ ಆಮ್ಕೊ ವರ್ಸಾಚೊ ಎಕ್ ದೀಸ್ ಅಮಾನತ್ ಕರ್ತಾತ್. ಪುಣ್ ಆಯಿಲ್ಲೆ Super Power / Heavy Weight ಗರಮ್ ತಕ್ಲೆಚೆ ಮುಕೆಲಿ, ಎಸೀ ರೂಮಾಂತ್ ಜಾಂವ್ಚ್ಯಾ ಅಸಲ್ಲ್ಯಾ ಸಭೆಂತ್, ನಿಮಾಣೆ ಗರ್ಮಿ ವಾಡೊನ್ ಕಾಂಯ್ಚ್ ಫಾಯ್ದೊ ನಾ ಮ್ಹಣ್ ಸಾಂಗೊನ್, ರಿಜಾಲ್ಟ್ ನಾಸ್ತಾ ಭಾಯ್ರ್ ವೆತಾತ್. ತರ್ ಮಾಜ್ರಾಕ್ ಘಾಂಟ್ ಬಾಂದ್ಚಿ ಕೊಣೆ?

"ಆಮ್ಚ್ಯಾ ಕಾಲಾರ್ ಅಸಲಿ ಗರ್ಮಿ ನಾತ್ ಲ್ಲಿ. ಗರ್ಮಿ ಕಿತ್ಯಾಕ್, ಪಾವ್ಸ್ ಯಾ ಹಿಂವ್ ಹ್ಯಾ ರಿತಿಚೊ ಆಮಿ ಪಳೆಲೊಚ್ ನಾ" ಮ್ಹಣ್ ಮಾಲ್ಘಡಿಂ ದೊಳೆ ರುಂದಾಯ್ತಾತ್. ತೀನ್ ಕಾಳ್ ಮ್ಹಣ್ ಭುರ್ಗ್ಯಾಂಕ್ ಶಿಕೊಂಕ್ ಆಸಲ್ಲೆಂ, ತೊ ವೇಳ್ ಕಾಳ್ ಚುಕೊನ್ ಸಗ್ಳೆಂ ಉಲ್ಟೆಂ ಜಾಲಾ. ಪ್ರಕೃತೆಕ್ ಜಾಂವ್ಚೊ ಜುಲುಮ್ ಹಿ ಭುಂಯ್ ಕಿತ್ಲಿ ಮ್ಹಣ್ ಸೊಸಿತ್?

ಖಾಡಿ ಗಾಂವಾತ್ ಕಠಿಣ್ ಧಗ್, ನಿರ್ವೊಗ್ ನಾಸ್ತಾ ಎರ್ ಕಂಡೀಶನಾಚೊ ವಾಪರ್ ಗರ್ಜೆಚೊ. ಯುರೊಪಾಂತ್ ಥಂಡಿಯೆ ಥಾವ್ನ್ ಸುಟ್ಕಾ ಜೊಡ್ಚ್ಯಾಕ್ ಹಿಟಾರಾಚೊ ವಾಪರ್ ಜಾತಾ. ಹ್ಯಾ ಪ್ರಕ್ರಿಯೆಂತ್ ಜಾಯ್ತೆಂ ಕಾರ್ಬನ್ ಡೈಆಕ್ಸೆಡ್ ಆನಿಂ ಮೀಥೆನ್ ಅನಿಲಾಂ ಭಾಯ್ರ್ ವೊಂಕ್ತಾತ್. ಅಶೆಂ ಗರ್ಮಿ ವಾಡೊಂಕ್ ಕುಮೊಕ್ ಜಾತಾ. ಸ್ಕೂಟಾರ್ - ಬಸ್ - ಕಾರ್ ಥಾವ್ನ್ ವಿಮಾನ್ ಪರ್‍ಯಾಂತ್ ಭಾಯ್ರ್ ಪಡ್ಚೊ ಧುಂವೊರ್ ಆನಿಂ ಕಾರ್ಕಾನಾ ಥಾವ್ನ್ ಭಾಯ್ರ್ ಪಡ್ಚಿಂ ಅನಿಲಾಂ, ವಾತಾವರಣಾಚ್ಯಾ ಸಮತೊಲನಾಕ್ ಪಾಡ್ ಕರ್ನ್, ಸೆಂವ್ಚೆಂ ವಾರೆಂ ವಿಕಾಳ್ ಕರ್‍ತಾತ್. ಅಶೆಂ ಮ್ಹನಿಸ್ ಅಸ್ವಸ್ತ್ ಜಾಲಾ.

ಆಮ್ಚ್ಯಾ ದೇಶಾಚೆಂ ಕಾಳಿಜ್ ಡೆಲ್ಲಿಂತ್, ಧುವ್ರಾನ್ ಬುಡ್ ಲ್ಲೊ ಹಾವೊ! ಚೆನ್ನೈಂತ್ ಅಚಾನಾಕ್ ವ್ಹಾಳ್ ಲ್ಲೊ ಪಾವ್ಸ್, ಉತ್ತರ್ ಖಾಂಡ್ ಜಾಂವ್ ವ ಕಾಶ್ಮಿರಾಂತ್ ಜಾಂವ್ ಆಯ್ಲೆವಾರ್ಚ್ಯಾ ದಿಸಾಂನಿ ಪಡ್ ಲ್ಲೊ ಮೊಡಾಂ ಪಾವ್ಸ್, ಬರಫ್ ಕರ್ಗೊನ್ ಉದೆಲ್ಲೆಂ ಅಚಾನಕ್ ಆವ್ರ್ ಆನಿಂ ಭುಂಯ್ ಕಾಂಪ್ಣಿ, ಆನಿಂ ನವ್ಯಾನ್ ಉದೆಂವ್ಚಿ ಘಡಿತಾಂ, ಫಕತ್ ವಾತಾವರಣಾಚ್ಯಾ ಅಸಮತೋಲನಾಕ್ ಸಾಕ್ಸ್ ಮಾತ್ ನೈಂಯ್ - ಮ್ಹನ್ಶಾ ಕುಳಾಕ್ ಜಾಗ್ವಣ್ ದೀಂವ್ನ್ ಆಸಾತ್!!

ಸಂಸಾರ್ ಆನಿಂ ದೇಶಾಚ್ಯಾ ಗರ್ಮೆಚ್ಯಾಕೀ ಘರಾಂತ್ ಉದೆಂವ್ಚಿ ಗರ್ಮಿ ವೆಗ್ಳಿಚ್. ಎಸಿ ನಾಸ್ತಾಂ, ವೀಜ್ ಸಕ್ತೆಚೆಂ ವಾರೆಂ ನಾಸ್ತಾಂ, ಗಾಡ್ ಸುಶೆಗಾತ್ ನೀದ್ ಆಮ್ಕಾಂ ಪಡನಾ. ಆದಿಂ ಜಾಲಾಂತ್ ಮಡ್ಲಾ ವಯ್ರ್ ಮಾಂದ್ರಿ ಘಾಲುನ್, ಚಾನ್ನ್ಯಾಚ್ಯಾ ಉಜ್ವಾಡಾಕ್ ಜಾಗೆ ರಾವ್ತೆಲ್ಯಾಂವ್... ತೆದ್ನಾಂ ಕುಡಿಂತ್ ಥಂಡಾಯ್ ವ್ಹಾಳ್ತಾಲಿ. ಆಬ್ ಕಾಶ್ಟೆರ್ ಶೆತಾಕ್ ವೆತಾನಾ, ವ್ಹಡ್ಲಿ ಮಾಂಯ್ ಬಾಜು ನಾಸ್ತಾಂ ಚೊವ್ಕೆಂತ್ ಪೊಡ್ ಚಾಬ್ತಾಲಿ. ಲಜ್ ನಾಸ್ತಾಂ ವಾಯ್ ಸುಟ್ತಾಲೆ... ಪುಣ್ ಆತಾಂ ಹಿ ಗರ್ಮಿ ವಿಶೇಷ್ ರಿತಿನ್ ವಾಡ್ಲ್ಯಾ. ದುಡ್ವಾಚಿ ಗರ್ಮಿ ಮಾರ್ಗಾಯೆನ್ ಬದಲ್ಲ್ಯಾ. ದಾದ್ಲ್ಯಾನಿ ಪಳೊಂವ್ಚಿ ನಿಳ್ಶಿ ಪಿತುಂರಾಂ, ಪೆಲ್ಯಾಚ್ಯಾ ಚಲ್ಯೆಕ್ ಆಶೆತಾನಾ ಚಡ್ಚಾ ಗರ್ಮೆಕ್ ನಿವ್ಸಾಣ್ ನಾ. ಶೆರಾಂತ್ ವಾಗ್ ಜಾಂವ್ಚ್ಯಾ ದಾದ್ಲ್ಯಾಕ್, ಘರಾಂತ್ ಬಾಯ್ಲೆನ್ ದೊಳೆ ವಾಟಾರ್ನ್ ದಿಂವ್ಚಿ ಗರ್ಮಿ, ಹರ್ಯೆಕಾ ಘರ್‍ಚಿ ಕಾಣಿ!

ಏಕ್ ಕವಿತಾ ಆಶಿ ಆಸಾ:

ತೊ, ಗ್ಲೊಬಲ್ ವೊರ್‍ಮಿಂಗಾಚಿ ಭಾಶಣಾ ಬಿಗ್ದಿತಾಲೊ
ಧರ್ತೆಚಿ ಗರ್ಮಿ ನಿವಾರ್ಚ್ಯಾಕ್ ಉಪಾವ್ ಸಾಂಗ್ತಾಲೊ
ತೊ ಘರಾಂತ್ ಬಾಯ್ಲ್ ರಾಗಾನ್ ಗರಮ್ ಜಾಲ್ಯಾರ್
ಆವಾಜ್ ಕಾಡಿನಾಸ್ತಾ ವೊಗೊ ಬೊಸ್ತಾಲೊ.

ಹಿಶಾರೊ : ನಶೀಬ್ ಆಮ್ಚ್ಯಾ ಪ್ರಧಾನಿಚೆಂ, ತಾಣೆಂ ಗರ್ಮೆ ವಿಶಿಂ ದೇಶಾ ಭಾಯ್ರ್ ಕಿತ್ಲಿಯೀ ಭಾಶಾಣಾ ದಿವ್ಯೆತ್, ತಾಚೆಂ ಕಾನ್ ವೊಳಾಯ್ತೊಲೊ ಕೊಣೀ ನಾ.

Tags:  Vincy Pinto, Vincent Pinto, Konkani Humour, Global Warming, Konkani, Mangalore, Mangalorean, Mother Tongue

6 Comment/s.

  1. Praveen, Mumbai
    ವಿನ್ಚಿಚೆ ಸಾಹಿತ್ಯ್ ಬರೆಂ ಆಸ್ತಾ.... ಮ್ಹಾಕಾ ಭಾರಿ ಖುಶಿ ಜಾಲಿ... ಬರೆಂ ಮಾಗ್ತಾ,,,
  2. joyce, canada
    Good one Vincy...keep writing.
  3. Praveen Pinto, Mulky
    I always like to read Vincy writings, crispy and short. All the best to Vincy.
  4. Arun Lewis, Qatar
    ಸಕಾಲಿಕ್ ಲೇಕನ್. ಭುರ್ಗ್ಯಾಪಣಾಲೆ ದೀಸ್ ಉಡಾಸಾಕ್ ಆಯ್ಲೆ. ಆತಾಂ ತ್ಯಾಕಾಳಾಚೊ ಚಾರ್ಮ್ ನಾ ಮ್ಹಣ್ಯೆತಾ!
  5. Shanthi Dalmeida, Sharjah
    Thanks Vincy for taking back to us for our childhood days. I liked this sentence: ಕಿರಿಸ್ತಾಂವಾ ಕಳ್ಯಾಚಿ ಕೃಶಿ ಕೆಲ್ಯಾರ್, ಮಾಪ್ಳಿ ವ್ಯಾರ್ ಕರ್ತಾತ್ ಆನಿಂ ಹಿಂದು ಭಾವ್ ಕಳೆ ವಿಕ್ತೆ ಘೆತಾತ್. ಹ್ಯಾ ಫುಲಾನ್ ತೀನ್ ಧರ್ಮಾಚೊ ಸಂಕೇತ್ ಎಕ್ವಾಟಾಚೊ.
  6. VINCY PINTO DANIEL PINTO, pintovincy@yahoo.com
    ಸುಫರ್ ವಿನ್ಸಿ..ಬೂದ್ ಸಾಂಗ್ತೆಲ್ಯಾ ಮ್ಹಕಾ ತೆಗಾಂ ಭುರ್ಗಿ. ತೆಂಚ್ ಮ್ಹಜೆ ದಾಯ್ಜ್ ಆನಿಂ ಭಂಡಾರ್.

Post your comments

Your email address will not be published. Required fields are marked *

Konkani English
Name  : 
Email  : 
Place  : 
Mobile  : 
I Am Human  : 
   Message :


Connect

Maibhaas

Within a short span of time, www.maibhaas.com made a niche in the hearts of Konkani readers with its clean reading, attracting design in Konkani media. www.maibhaas.com, a dream child of Naveen Sequeira Brahmavar, has able to create its impact and wonders from the day of its inception in Konkani world. As each day passing www.maibhaas.com is growing as a strong pillar of Konkani media.

Our Address
Mangalore

Contact Person :
Mr. Praveen Tauro

 Email : praveen@maibhaas.com

 Phone : +91 99 80 184340

 Address :
          Daijiworld.com,
          Airport Road,
          opp. Bondel Church,
          Mangalore - 575 008
          Karnataka - India

Our Address
Udupi

Contact Person :
Mr. Joel D'almeida

 Email : joel@maibhaas.com

 Phone : +91 90 08 855392

 Address :
          Eventz Redefined,
          Next to Vijaya Bank,
          Holy Family Complex
          1st Floor, NH -66
          Brahmavara - 576213

Our Address
Dubai

Contact Person :
Mr. Naveen Sequeira

 Email : editor@maibhaas.com

 Phone : +97 150 755 4105

 Address :
          Master Mind IT Solutions,
          UBL Building,
          #402, 4th Floor
          Bank Street - Bur Dubai
          Dubai - UAE