From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
12 - ಇಲ್ಲೆಂ ಇಲ್ಲೆಂ ಇಲ್ಲಿಲ್ಲೆಂ... : ಭಾಸಾಯಣ್
Wednesday, September 20, 2017
ಭಾಸ್ ಮನ್ಶಾಚೆಂ ಉಲೊವ್ಪ್, ಚಿಂತ್ನಾಂ ಜಾಯ್ರ್ ಕರ್ಚೆಂ ಮಾಧ್ಯಮ್. ಮನಿಸ್ ಖಂಚ್ಯಾ ದಿಸಾ ಉಲೊಂವ್ಕ್ ಶಿಕ್ಲೊ ತ್ಯೆ ದಿಸಾ ಭಾಶೆಚೊ ಉಗಮ್ ಜಾಲೊ. ಶೆಕ್ಡೆ ಉತ್ರತಾನಾ, ವಿವಿಧ್ ಪ್ರಭಾವಾಂಕ್ ಆನಿ ದಬಾವಾಂಕ್ ಖಾಲ್ ಜಾವ್ನ್, ಭಾಸ್ ಸುಧಾರಿತ್ ರುಪಾಕ್ ಪಾವ್ಲ್ಯಾ. ಖಂಚಿಯ್ ಭಾಸ್ ಆಪ್ಲೆಸ್ತಕಿಂ ಸಂಪೂರ್ಣ್ ನ್ಹಯ್. ತಿ ವಾಡೊಂಕ್ ಹೆರ್ ಭಾಸಾಂಚೊ ಆಧಾರ್ ಜಾಯ್ಜೆ. ಧಾಕ್ಲ್ಯಾಕ್, ಇಂಗ್ಲೀಶ್ ಭಾಸ್. ತಿಚಿ ಲಿಪಿ ರೋಮಿ, ಆನಿ ತಾಂತು ಭರ್ಸಾಲ್ಲೆ ಗ್ರೀಕ್, ಲ್ಯಾಟಿನ್ ಆನಿ ಹೆರ್ ಯುರೊಪಿ ಭಾಶೆಚೆ ಸಬ್ದ್ ಕಾಡ್ಲ್ಯಾರ್, ಇಂಗ್ಲೀಶಾಚೆಂ ಆಸ್ತಿತ್ವ್ಚ್ ಉರಾನಾ.
ಭಾಸ್ ಉಲೊಂವ್ಕ್, ಬರೊಂವ್ಕ್ ಮಾತ್ರ್ ನ್ಹಯ್, ದೋನ್ ಪಿಳ್ಗೆ ಮಧೆಂ ಏಕ್ ಸಾಂಕ್ಯಾ ಭಾಶೆನ್ ವಾವುರ್ತಾ. ಫುಡ್ಲೆ ಪಿಳ್ಗೆಕ್, ಆತಾಂಚಿ ಸಂಸ್ಕೃತಿ, ಸಂಪ್ರದಾಯ್, ಸಾಹಿತ್ಯ್ ಇತ್ಯಾದಿ, ಲಿಕಿತ್ ಆನಿ ಜಾನ್‍ಪದ್ ರುಪಾರ್ ಪಾವಯ್ತಾ.
ಉತ್ಪತ್ತಿ ಗ್ರಂಥಾಂತ್ಲ್ಯಾ ಇಕ್ರಾವ್ಯಾ ಅಧ್ಯಾಯಾಂತ್, ಏಕ್ ಭಾಸ್ ಸಬಾರ್ ಜಾಲ್ಲಿ ಕಾಣಿ ಆಸಾ. ಶಿನಾರ್ ಗಾಂವಾಂತ್, ಲೊಕಾನ್ ದೆವಾಖಾತಿರ್ ಏಕ್ ಬುರುಜ್ ಬಾಂದುಂಕ್ ಧರ್ಲೊ. ಮನ್ಶಾನ್ ದೆವಾಲಾಗಿಂ ವಚೊಂಕ್ ನ್ಹಯ್, ಬಗಾರ್ ದೆವಾನ್ ಮನ್ಶಾಲಾಗಿಂ ಯೇಂವ್ಕ್. ಹಾಂಗಾ ಮನ್ಶಾಚೆಂ ವ್ಹಡ್ಪಣ್, ಮನ್ಶಾನ್ ದೆವಾ ಸಮಾನ್ ತಾಚ್ಯಾಕ್‍ಯೀ ವ್ಹಡ್ ಜಾಂವ್ಚೆಂ ಚಿತ್ರಣ್ ಆಸಾ. ಪೂಣ್ ದೆವಾಕ್ ಸಕ್ಲಾ ಯೇಂವ್ಕ್ ಹ್ಯಾ ಬುರುಜಾಚಿ ಗರ್ಜ್ ನಾ. ತೊ ಮನ್ಶಾಂಕ್ 'ಡೋಂಟ್ ಕೇರ್' ಕರ್ನ್ ಸಕ್ಲಾ ಯೆತಾ. ಆನಿ ತಾಂಚಿ ಏಕ್ ಆಸ್‍ಲ್ಲಿ ಭಾಸ್ ಘುಸ್ಪಡಾಯ್ತಾ. ಅಶೆಂ ವಿವಿಧ್ ಭಾಸೊ ಉಬ್ಜಾತಾತ್. ಬಾಬೆಲ್ ಮ್ಹಳ್ಳ್ಯಾ ಸಬ್ದಾಚೊ ಅರ್ಥ್'ಚ್ ಘುಸ್ಪಡ್.
ಭಾಸ್ ಮನ್ಶಾ ಖಾತಿರ್ ಆಸ್ಚಿ. ಮನ್ಶಾ ಥಾವ್ನ್ ಪಯ್ಸ್ ದವರ್ಲೆಲ್ಯೊ ಭಾಸೊ ಬಾಳ್ವನಾಂತ್. ಧಾಕ್ಲ್ಯಾಕ್ ಲಾತೆಂ ಆನಿ ಸಂಸ್ಕೃತ್, ದೆವಾಚಿ ಭಾಸ್ ಮ್ಹಣ್ ಪಂಡಿತಾಂನಿ ಸಾದ್ಯಾ ಲೊಕಾ ಥಾವ್ನ್ ಪಯ್ಸ್ ದವರ್‍'ಲ್ಲಿ. ಪರಿಣಾಮ್ ಆಜ್ ದೊನ್‍ಯೀ ಭಾಸೊ 'ಮೆಲ್ಯಾತ್'. ಆಜ್ ಸಂಸಾರಾಂತ್ ಲಗ್ಭಗ್ 3000 ಭಾಸೊ (ಹೊ ಸಂಕೊ ಅಸ್ಪಷ್ಟ್ ಆಸಾ) ಆನಿ ತ್ಯೊ ಬರಂವ್ಕ್ 65 ಲಿಪಿ ವಾಪರ್ತಾತ್. ಅರ್ಧ್ಯಾ ವರ್ನಿ ಚಡಿತ್ ಭಾಸೊ ಮ್ಹಣ್ಜೆ 1650 ಆಮ್ಚ್ಯಾ ಭಾರತಾಂತ್ ಆಸಾತ್ ಆನಿ ಪಂದ್ರಾ ಲಿಪಿಂನಿ ಬರಯ್ತಾತ್. ಚೀನಾಚಿ 'ಮಾಂಡರೀನ್' ಭಾಸ್ ಸಂಸಾರಾಂತ್ ಚಡ್ ಲೋಕ್ ವಾಪರ್ತಾ. ದುಸ್ರೆಂ ಸ್ಥಾನ್ ಇಂಗ್ಲೀಶಾಕ್. ಭಾರತಾಚ್ಯಾ ಸಂವಿಧಾನಾಚ್ಯಾ ಆಟ್ವ್ಯಾ ವೊಳೆರಿಂತ್ 18 ಭಾಸೊ ಆಸಾತ್. ತಾಂತುಂ ಆಮ್ಚಿ ಕೊಂಕ್ಣಿಯಿ ಏಕ್. (ಆತಾಂ 22 ಭಾಸೊ ಆಸಾತ್).
ಹಾಂವೆಂ ವಯ್ರ್ ಸಾಂಗ್‍ಲ್ಲಿ ಖಂಚಿಯ್ ಭಾಸ್ ಆಪ್ಲೆಸ್ತಕಿಂ ಸಂಪೂರ್ಣ್ ನ್ಹಯ್. ತಿ ವಾಡೊಂಕ್, ಫುಲೊಂಕ್ ಹೆರ್ ಭಾಸಾಂಚೊ ಆಧಾರ್ ಜಾಯ್ಜೆ. ಥೊಡೆ ಧಾಕ್ಲೆ ಪಳೆವ್ಯಾ. ಗಾಂವ್ಕಾರ್ ಎಕ್ಲೊ ಕಾಜ್ ಖಾತಾಲೊ. ತೆಣೆ ಪಾಶಾರ್ ಜಾಂವ್ಚ್ಯಾ ಗೊರ್ಯಾನ್ ವಿಚಾರ್ಲೆಂ: ಹೆಂ ಖಂಚೆ ಫಳ್? ಹಾಣೆ ಜಾಪ್ ದಿಲಿ ಕಾಜು. ಗೊರ್ಯಾಚ್ಯಾ ತೊಂಡಾಂತ್ ಕಾಜು-ಕಾಶು ಜಾಲಿ. ಬರಯ್ತಾನಾ 'ಕ್ಯಾಶ್ಯೂ' ಜಾಲಿ. ಲಾತ್ಯಾಂತ್ಲೆ ಮಾತೆರ್, ಇಂಗ್ಲೀಶಾಂತ್ ಮದರ್ ಜಾಲೆಂ. ಪೂಣ್ ತುಳ್ವೆಂತ್ ಮಾತೆರ್ ಮ್ಹಳ್ಯಾರ್ `ಸರ್ವಾಂ' ಜಾತಾ. ತಶೆಂಚ್ ಲಾತ್ಯಾಂತ್ಲೆಂ ಪಾತೆರ್ ಇಂಗ್ಲೀಶಾಂತ್ ಫಾದರ್ ಜಾಲಾಂ. ಪೂಣ್ ತುಳ್ವ್ಯಾಂತ್ ಪಾತೆರ್ ಮ್ಹಳ್ಯಾರ್ ಉಲಯ್. ಸಬ್ದ್ ಎಕ್‍ಚ್ ಪೂಣ್ ಅರ್ಥ್ ವಿವಿಂಗಡ್.
Mistake ಮ್ಹಳ್ಯಾರ್ ಚುಕಿನ್ ಘೆಂವ್ಚೆಂ. ಚೂಕ್ ಅರ್ಥ್ ಕರ್ನ್ ಕಾಣ್ಘೆಂವ್ಚೊ. ಥೊಡ್ಯಾಂನಿ, by mistake ಆಸ್ಲ್ಲೆಂ, ಮಸ್ಕಿರ್‍ಯಾಂನಿ 'ಬಾಯ್-ಬಿಸ್ಕುಟ್' ಕರ್ಚೆಂ ಆಸ್ತಾ. ದಾಕ್ತೆರಾನ್ ಗೋಚುಕ್ ಸಾಂಗ್ಲೆಂ, 'ತುಜೆ ಮೂತ್ ‘test’ ಕರಿಜೆ. ಸಿಸ್ಲೆಂತ್ ಭರ್ನ್ ಹಾಡ್ನ್ ಯೇ.' ಗೋಚು ಬಿಯೆರಿಚ್ಯಾ ಬೊತ್ಲಿಂತ್ ಮೂತ್ ಭರ್ನ್ ಹಾಡ್ನ್ ಆಯ್ಲೊ ಆನಿ ಮ್ಹಣಾಲೊ, 'ಧರ್ ದಾಕ್ತೆರಾಬಾ, ಮ್ಹಜೆಂ ಮೂತ್ taste' ಕರ್ನ್ ಸಾಂಗ್.'
ಕೂಡ್ ಮ್ಹಳ್ಯಾರ್ ಶರೀರ್‍'ಯೀ ಜಾತಾ. ಘರ್ಚೆಂ ಕೂಡ್‍ಯೀ ಜಾತಾ. 'ಹಾಂವ್ ಕೂಡ್ ವಿಕ್ತಾಂ' ಮ್ಹಣ್ ಖಂಚಿಯ್ ಸ್ತ್ರೀ ಸಾಂಗತ್ ತರ್, ತುಮಿ ಕಿತೆಂ ಅರ್ಥ್ ಕರ್ಶಾತ್? To let ಮ್ಹಣ್ ಆಸ್ಲ್ಲೆಂ ಆಂವ್ಸರಾಕ್ toilet ಮ್ಹಣ್ ವಾಚ್ಲ್ಯಾರ್, ಆನಿ ಸೊಧುನ್ ಗೆಲ್ಯಾರ್ ಮಾಂಗೊ ಜಾಂವ್ಚೆಂ ಖಂಡಿತ್.
'ಚಿತ್ರ ನಟಿಗೆ ಮೈಮೇಲೆ ಅರಿವೇ ಇಲ್ಲ' ಮ್ಹಣ್ ಎಕ್ಲ್ಯಾನ್ ಸಾಂಗ್ಚೆಂ ಆಯ್ಕೊನ್ ಗೋಚು ವೆಗ್ಗಿಂ ಧಾಂವ್ಲೊ. ವಚುನ್ ಪಳೆತಾನಾ, ನಟಿಕ್ ಮತ್ ಚುಕ್ಲ್ಯಾ. 'ಅರಿವೇ' ಮ್ಹಳ್ಯಾರ್ 'ಮತ್'ಯಿ ಜಾತಾ ವಾ 'ವಸ್ತುರ್' ಮ್ಹಳ್ಳೊ ಅರ್ಥ್‍ಯೀ ಜಾತಾ. ಗೋಚುನ್ ಮಾತ್ರ್ ದುಸ್ರೊ ಅರ್ಥ್ ಕೆಲ್ಲೊ.
Miss ಮ್ಹಳ್ಯಾರ್'ಯೀ ದೋನ್ ಅರ್ಥ್ ಆಸಾತ್. ಏಕ್ ಆಂಕ್ವಾರ್ ಚಲಿ. ದುಸ್ರೆಂ ಚುಕ್ಚೆಂ, ಬಸ್ಸ್ miss ಜಾಲೆಂ. ಪೂಣ್ miss ಪಾಟ್ಲ್ಯಾನ್ ಗೆಲ್ಲೆ miss ಜಾಂವ್ಚೆ ಸಂದರ್ಭ್‍ಚ್ ಚಡ್.
ತುಳ್ವೆಂತ್ಲೊ ಕೆಪ್ತಂಡೆ ಸಬ್ದ್ ಕೆಬಿತ್ತ ದಂಡೆ ಥಾವ್ನ್ ಉಬ್ಜಾಲಾ. ತಶೆಂ ಮ್ಹಳ್ಯಾರ್ ಕಾನಾಚೊ ಪಾಟೊ-ಕಾನ್ಪಟೊ. ಮಲಯಾಳಂತ್ಲೆ ಎವ್ಡೆ, ಇವ್ಡೆ, ಆವ್ಡೆ, ಪೋ, ತುಳ್ವೆಂತ್ ವೊಡೆ, ಇಡೆ, ಆಡೆ, ಪೋ, ಜಾಲ್ಯಾತ್. ಪೂಣ್ ಮಲ್ಬಾರಿಂತ್ ಮೋನೆ ಮ್ಹಳ್ಯಾರ್ 'ಪುತಾ', ತರ್ ತುಳ್ವೆಂತ್ ತೋಂಡ್.
ಕನ್ನಡಾಚೆಂ 'ಮೂಗು' ಕೊಂಕ್ಣೆಂತ್ 'ಮೂಗ್' ಜಾಯ್ನಾ. 'ನಾಕ್' ಜಾತಾ. ಕಿವಿ ತಮಟೆ ಆಸ್ಲ್ಲೆಂ ಕಾನಾಚೊ ಟೊಮ್ಯಾಟೊ ಜಾಯ್ನಾ, ಕಾನಾಚಿಂ ಫುಲಾಂ ಜಾತಾತ್. ಮ್ಹಜ್ಯಾ ಎಕಾ ಮಿತ್ರಾಚೆಂ ನಾಂವ್ ಸಾತು. ಸಗ್ಳ್ಯಾನಿ ಸತ್ತು ಮ್ಹಣ್ ಆಪಂವ್ಚೆಂ ಆಸ್ಲ್ಲೆಂ. ಹಾಂವೆಂ ತಾಕಾ ಚಿಡಾಂವ್ಕ್, ಸಾತು ಆಯ್ಲೊ, ಸಾತು ಗೆಲೊ ಮ್ಹಣೊಂಕ್ ಕನ್ನಡಾಂತ್ ಸತ್ತು ಬಂದರು, ಸತ್ತು ಹೋದರು ಮ್ಹಣ್ಚೆಂ ಆಸ್ಲ್ಲೆಂ.
ಸಾಹಿತ್ಯ್ ಭಾಸಾಂ ಮಧೆಂ ವಿನಿಮಯ್ ಜಾತಾ. ಮ್ಹಣ್ಚೆ ಭಾಶಾಂತರ್, ಲಿಪ್ಯಾಂತರ್ ಆನಿ ರೂಪಾಂತರ್ ಜಾತಾ. ಥೊಡ್ಯಾ ತೆಂಪಾ ಆದಿಂ ಹಾಂವೆಂ ಏಕ್ ವಾಕ್ಯೆಂ ವಾಚ್ಲೆಂ. ಕನ್ನಡಾಂತ್ 'ಮರದ ಕೊಂಬೆಗೆ ನೇತಾಡಿದರು' ಆಸ್ಲ್ಲೆಂ ಕೊಂಕ್ಣೆಕ್ ಯೆತಾನಾ, 'ರುಕಾಚ್ಯಾ ಫಾಂಟ್ಯಾಕ್ ನೇತಾಡ್ಲೆಂ' ಜಾಲ್ಲೆಂ. ಕನ್ನಡಾಂತ್ ನಿಧನ ಮ್ಹಳ್ಯಾರ್ ಕೊಂಕ್ಣೆಂತ್ ನಿದಾನಾ ನ್ಹಯ್, ಮೆಲೊ. ತುಳ್ವೆಂತ್ ಪಡ್ಕೆ ಆನಿ ಕೊಂಕ್ಣೆಂತ್ ಪಾಡ್ಕೆ ಅರ್ಥ್ ವಿವಿಂಗಡ್ ಆಸಾ.
ಹಾಂವ್ ಶಾರ್ಜಾಂತ್ ಕಾಮ್ ಕರ್ನ್ ಆಸ್ತಾನಾ, ಶಾರ್ಜಾಂತ್ಲೊ ದಾಯ್ಜಿ ಆಂಡ್ರೂ ಲಾಗಿಂ ಫೊನಾರ್ ಬರೊವ್ಪಿ ಆನಿ ಸಂಭಾವನಾ ವಿಶ್ಯಾಂತ್ ಉಲೊವ್ನ್ ಆಸ್‍ಲ್ಲೊ. ಉಲಯ್ತಾನಾ ಆಂಡ್ರೂ ಮ್ಹಣಾಲೊ, ''ರಾಕ್ಣೊ' ಪತ್ರ್ ಸಂಭಾವನ್ ದಿತಾಲೆಂ ತೆಂ ಮ್ಹಾಕಾ ಗೊತ್ತಾ'ಸಾ. ಪೂಣ್ ತೆ ಫಾಯ್ಸ್ ಜಾಲ್ಲ್ಯಾ ಹರ್ಯೆಕಾ ಬರ್ಪಾ ಪಾಟ್ಲ್ಯಾನ್ ಧಾಡಿನಾತ್‍ಲ್ಲೆ. ಕೊಟಾರ್ಲಿ ದಿತಾಲೆ.'
ಹಾಂವ್ ಘುಸ್ಪಡ್ಲೊಂ. ಸಂಭಾವನ್ ಜಾವ್ನ್ ಕೊಟಾರ್ಲಿ!? ಹಾಂವೆಂ ವಿಚಾರ್ಲೆಂ, 'ಕಾಲೆಂ ಆಂಡ್ರೂ, ಭಾರಿ ವಿಚಿತ್ರ್, ಸಂಭಾವನ್ ಜಾವ್ನ್ ಕೊಟಾರ್ಲಿ ದಿತಾತ್ ಮ್ಹಳ್ಯಾರ್...? ಕೊಟಾರ್ಲಿ....?!'. ಎಕ್ಯೆ ಘಡ್ಯೆಕ್ ಆಂಡ್ರೂಯ್ ಘುಸ್ಪಡ್ಲೊ. 'ಕೊಟಾರ್ಲಿ ನ್ಹಯ್ ಸಾಯ್ಬಾ, quarterly ಮ್ಹಳ್ಯಾರ್ ತೀನ್ ಮ್ಹಯ್ನ್ಯಾಂತ್ ಏಕ್ ಪಾವ್ಟಿಂ ಫಾಯ್ಸ್ ಜಾಲ್ಲ್ಯಾ ಬರ್ಪಾಂಕ್ ಸಾಂಗಾತಾ ಸಂಭಾವನ್ ದಿತಾಲೆ.'
ತಶೆಂ ಘುಸ್ಪಡ್ ಮ್ಹಳ್ಯಾರ್ ಘುಸ್, ಪಡ್ ಮ್ಹಣ್ ವಿಂಗಡ್ಸುಂಚೆ ನಾಕಾ. ಪೂಣ್ ಬಂಧ್+ಖಣಿ = ಬಂಧ್ಖಣಿ ಜಾತಾ. ಬಂಧ್ ಆನಿ ಆಡ್ ಬಂಧಡ್ ಜಾತಾ.
ರೊಮಾಂತ್ ಆಸ್ತಾನಾ, ರೊಮಾಗಾರಾಪರಿಂ ಜಿಯೆ ಮ್ಹಳ್ಳಿ ಸಾಂಗ್ಣಿ, ಆಮ್ಕಾಂ ಮಂಗ್ಳುರಿ ಕ್ರಿಸ್ತಾಂವಾಂಕ್ ಸಾರ್ಕಿ ಲಾಗು ಜಾತಾ. ಆಮಿ ಆಮ್ಚೊ ಗಾಂವ್ ಸಾಂಡುನ್ ಪರ್ಗಾಂವಾಂತ್ ಪಾವ್ತಾಂವ್. ಥಂಯ್ಚ್ಯಾ ಭಾಶೆಕ್, ಸಂಸ್ಕೃತೆಕ್ ಸುಲಭಾಯೆನ್ ವೆಂಗ್ತಾಂವ್ ಆನಿ ಮಾಂಯ್ಭಾಸ್ ಕೊಂಕ್ಣೆಕ್ ಕೊನ್ಶಾಕ್ ಲೊಟ್ತಾಂವ್. ಪೂಣ್ ತಸಲೆ, ನಾ ತೆವ್ಶಿನ್ ವಾ ಹೆವ್ಶಿನ್, ವಿಶ್ವಾಮಿತ್ರ ಆನಿ ಇಂದ್ರ ಮಧೆಂ ಶಿರ್ಕಾಲ್ಲ್ಯಾ ತ್ರಿಶಂಕು ಮಹಾರಾಜಾಪರಿಂ ಮಧೆಂ ಉಮ್ಕಳ್ತಾತ್.
ದೆವಾಕ್ ಭಾಸ್ ನಾ.
ಕಿತ್ಯಾಕ್ ಹರ್ಯೆಕ್ ಭಾಸ್ ತಾಚಿ ಮಾಂಯ್ಭಾಸ್ ಜಾಂವ್ಕ್ ಸಕ್ತಾ. ಮಾಗ್ಣ್ಯಾಚಿ ಭಾಸ್ ಕಾಳ್ಜಾಚಿ ಭಾಸ್. ಕಾಳ್ಜಾಚ್ಯಾ ಭಾಶೆಕ್, ಮನ್ಶಾನ್ ರಚ್‍ಲ್ಲ್ಯಾ ಸಬ್ದಾಂಚೊ ಆಧಾರ್ ಗರ್ಜ್ ನಾ. ಪೂಣ್ ಹೆಂ ಸಮ್ಜಾನಾತ್ಲೊ ಭಾಸ್ ನಾತ್‍ಲ್ಲೊ ಮನಿಸ್, ದೆವಾಚ್ಯಾ ನಾಂವಿಂ, ಭಾಶೆಚ್ಯಾ ನಾಂವಿಂ ಝುಜ್ತಾ. ಆಯ್ಲೆವಾರ್ ಜಾಂವ್ಚಿ ಘಡಿತಾಂ ಆಮ್ಕಾಂ ಚತ್ರಾಯ್ ದಿತಾತ್. ತಿ ಚತ್ರಾಯ್ ಗುಮಾನಾಕ್ ಘೆತ್ಲ್ಯಾರ್ ಮಾತ್ರ್.
ಭಾಶೆ ವಿಶ್ಯಾಂತ್ ಮನ್ಶಾನ್ ಮೊನ್ಜಾತಿ ಥಾವ್ನ್ ಶಿಕ್ಚೆಂ ಜಾಯ್ತೆಂ ಆಸಾ. ಮನ್ಶಾಕ್ ಮಾತ್ರ್ ಭಾಶೆಚೆಂ ಪಿಶೆಂ, ಮೊನ್ಜಾತಿಂಕ್, ಸುಕ್ಣ್ಯಾಂಕ್ ನಾ. ಖಂಯ್ಚ್ಯಾಯ್ ಜಾತಿಚೊ ಜಾಂವ್, ಬ್ಲಡ್ಹಾಂವ್ಡ್ , ಪೊಮೆರಿಯನ್, ಡಾಬರ್ಮನ್, ಆಲ್ಶೇಶಿಯನ್ ವಾ ಆಲ್ಪೇಶಿ (ಕಾಟ್) ಪೆಟೊ, ಕುಂಯ್ ಕುಂಯ್ ಕರ್ತಾ ನಾ ತರ್ ಬೌ ಬೌ ಕರ್ತಾ. ಮಾಜ್ರಾಂ ಮಿಯ್ಯಾಂವ್ ಕರ್ತಾನಾ, ಗೊರ್ವಾಂ ಆಂಬಾ ಕರ್ತಾತ್. ತಶೆಂಚ್ ಕಾವ್ಳೆ ಭಾರತಾಂತ್ ಆಸುಂ, ಗಲ್ಫಾಂತ್ ವಾ ಆಮೇರಿಕಾ, ಇಂಗ್ಲೆಂಡ್, ಪಾಕಿಸ್ತಾನ್ ವಾ ಆಫ್ರಿಕಾಂತ್ ಆಸುಂ ಸಕಾಳಿಂ ಫುಡೆಂ ಕಾಕಾ ಮ್ಹಣ್‍ಚ್ ಆವಾಜ್ ಕರ್ತಾತ್.
Tags:
Vithori Karkal, Mithr, Language Issues, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
2/5/2017 ಪ್ರಸ್ತಾವನ್
-
2/23/2017 ಜುಜೆಫಾತ್ ಫಾಲ್ಕ್ಯಾಂತ್
-
3/16/2017 ಭಂಗಸ್ತಳ್
-
3/30/2017 ಜೀಬ್ ಸಾಂಬಾಳ್
-
4/17/2017 ಲವೇರಿಯಾ
-
5/4/2017 ದೆವಾಯಣ್
-
5/24/2017 ದಾಯ್ಜಾಯಣ್
-
6/20/2017 ನಾಂವಾಯಣ್
-
7/13/2017 ಫೆಸ್ತಾಯಣ್
-
7/27/2017 ಭುರ್ಗ್ಯಾಯಣ್
-
8/24/2017 ಪೊಟಾಯಣ್
-
9/20/2017 ಭಾಸಾಯಣ್
-
10/11/2017 ಕಾಗ್ದಾಯಣ್
-
11/20/2017 ಪಿಸಾಯಣ್
-
1/25/2018 ತುಂ ಮೊಟೊ ಜಾ
-
3/8/2018 ಪೊಟಾಂತ್ಲಿ ಪಿಡಾ
-
4/11/2018 ಕಾಜಾರಾಚ್ಯಾ ದುಸ್ರ್ಯಾ ದಿಸಾ
-
5/3/2018 ಮಾಂಯ್ ಕೆಟರಿಂಗ್
-
5/28/2018 ನ್ಯೂಟನಾಚೆಂ ತಿಸ್ರೆಂ ನಿಯಮ್ ಆನಿ ನಾಗಬೇತ್
-
6/27/2018 ಹೆಂ ನಾತೆಂ ಸತ್ರೆಚೆಂ
-
8/2/2018 ಭುರ್ಗಿಂ ಮನಾಂ ವೊಡಿಂ ಸರ್ಗಿಂ
-
9/21/2018 ಖಂಯ್ ಗೆಲ್ಯಾಂತ್ ಕ್ಲಾಸ್‌ಮೆಟಾಂ...?
-
10/30/2018 ಅಬ್ಬಾ ಬಾಪಾ...
-
4/29/2020 ನಾಂವ್ ನಾತ್‌ಲ್ಲಿಂ ನಾತಿಂ
-
6/5/2020 ಇಸ್ಕೊಲ್, ಪಾವ್ಸ್ ಆನಿ ಕೊಂಕ್ಣಿ
-
8/31/2020 ಫ್ರೇಮ್
-
9/30/2020 ಲ್ಹಾನ್ ಸಂಗ್ತಿ ವ್ಹಡ್ ಸಂತೊಸ್
-
12/9/2020 ನತಲಾಂಚ್ಯೊ ಗಜಾಲಿ
Our Address
Mangalore
 | Contact Person : Mr. Praveen Tauro |
Email : praveen@maibhaas.com
Phone : +91 99 80 184340
Address :
Daijiworld.com,
Airport Road,
opp. Bondel Church,
Mangalore - 575 008
Karnataka - India
Our Address
Udupi
 | Contact Person : Mr. Joel D'almeida |
Email : joel@maibhaas.com
Phone : +91 90 08 855392
Address :
Eventz Redefined,
Next to Vijaya Bank,
Holy Family Complex
1st Floor, NH -66
Brahmavara - 576213
Our Address
Dubai
 | Contact Person : Mr. Naveen Sequeira |
Email : editor@maibhaas.com
Phone : +97 150 755 4105
Address :
Master Mind IT Solutions,
UBL Building,
#402, 4th Floor
Bank Street - Bur Dubai
Dubai - UAE
4 Comment/s.
à²à²¾à²°à²¿ ಬೊರೆ ಲೇಕನà³, ವಿತೊರಿಕೠಆà²à²¿à²¨à²‚ದನೠ.... ಪà³à²°à²µà³€à²£à³ ತಾವà³à²°à³Š ಕà³à²²à³à²¶à³‡à²•à²°à³
ವಿತೊರಿಚà³à²¯à²¾ ಬರà³à²ªà²¾à²‚ಚೊ ಹಾಂವೠಎಕà³à²²à³Š ಅà²à²¿à²®à²¾à²¨à²¿. ವಾಚà³à²¨à³ ಖà³à²¶à²¿ ಜಾಲಿ. ಚಡಿತೠಬರಯಿತà³à²¤à³ ರಾವà³. ಸರà³à²µà³ ತà³à²œà³à²¯à²¾ ಕಾಮಾಕೠಆನಿ ರಾಟಾವಳಿಂಕೠಬೊರೆಂ ಮಾಗà³à²¤à²¾.
ಹಾಂವ್ ಮಾಯ್‍ಭಾಸ್.ಕೊಮ್ -ಕ್ ಆಬಾರ್ ಮಾಂದ್ತಾ. ವಾಚ್ಪ್ಯಾಂಕ್ ಕಿತೆಂ ಜಾಯ್ ತೆಂಚ್ ಪ್ರಗಟ್ ಕರ್ತಾತ್. ಸರ್ವ್ ಬೊರೆಂ ಮಾಗ್ತಾಂ.
Very nice contents and great writing. Really looking forward to the articles more.