From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
47 - ಏಕ್ ಖಡೊ ಮೀಟ್
Wednesday, May 4, 2016
"ದುಬ್ಳ್ಯಾಂನಿ ಮಾತ್ ದಿಸಾಕ್ ಸಪಣ್ ಪಳೆಂವ್ಚೆಂ. ಹಾತಾಂತ್ ಕಿತೆಂಯ್ ದೀಂವ್ಕ್ ನಾತ್‌ಲ್ಲ್ಯಾ ವಗ್ತಾ ಆಮಿ ಜಿಣ್‌ಯೆಂತ್ ಕಿತೆಂಯ್ ಹೊಗ್ಡಾಯ್ನಾಂವ್!" ಕಸಲಿಂ ಗಂಭೀರ್ ಉತ್ರಾಂ. ಹೆಂ ಉತರ್ ಚಿಂತುನ್ ಚಿಂತುನ್, ದುಬ್ಳೊ ಜಾವ್ನ್ ಜಲ್ಮಾಲ್ಲ್ಯಾ ಮ್ಹಾಕಾ ಎಕಾ ಘರಾಚೊ ಉಜ್ವಾಡ್ ಪಳೆಂವ್ಕ್ ಮೆಳ್ಳೊ. ಜಿಣ್‌ಯೆಂತ್ ಆಶಾ ಆನಿ ಅತ್ರೆಗ್ ನಾ ತರ್ ತೆ ಜಿಣ್‌ಯೆಕ್ ಅರ್‍ತ್ ನಾ, ಮೋಲ್ ನಾ. ಹೆಂ ಸತ್. ಕಾಳ್ಜಾಚಿ ಉಡಿ ಆನಿ ಚಿಂತ್ಪಾಚೊ ವೇಗ್ ಸಾಂಗಾತಾ ವಚನಾ. ದೆಕುನ್ ಆಮಿ ಧಾಂವ್ತಾಂವ್, ಉಡ್ತಾಂವ್.
ಮೀಟ್...
ದರ್‌ಯಾಚೆಂ ಉದಕ್ ಸುಕಯ್ತಾನಾ ಮೆಳ್ಚ್ಯಾ ಧವ್ಯಾ ಕುಡ್ಕ್ಯಾಕ್ ಆಮಿ ಮೀಟ್ ಮ್ಹಳ್ಳೆಂ ನಾಂವ್ ದಿಲಾಂ. ಮೀಟ್ ನಾಸ್ತಾಂ ಖಂಚೆಯೀ ನಿಸ್ತೆಂ ರುಚನಾ.
ಏಕ್ ಖಡೊ ಮೀಟ್...
ಏಕ್ ಲ್ಹಾನ್ ಕುಡ್ಕೊ ಕಸಲೆಂ ವಿಚಿತ್ರ್ ಕರ್‍ತಾ? ನಿಸ್ತೆಂ ಬರೆಂ ಪರ್‍ಮಳ್ತಾ ತರ್‌ಯಿ ತಾಕಾ ರೂಚ್ ಯೇಜೆ ತರ್ ಮಿಟಾ ಶಿವಾಯ್ ದುಸ್ರೆಂ ಒಕತ್ ನಾ.
ಏಕ್ ಕುಡ್ಕೊ ವಾ ಖಡೊ ಘಾಲಿನಾಸ್ತಾಂ ಏಕ್ ಮೂಟ್ ಮೀಟ್ ಘಾಲ್ಯಾರ್ ನಿಸ್ತೆಂ ಕಿತ್ಲೆಂ ಖಾರ್ ಜಾತಾ ತೆಂ ಆಮ್ಚೆ ಜಿಬೆಕ್ ಕಳ್ತಾ. ದೆಕುನ್ ಜಾವ್ಯೆತ್ ವ್ಹಡ್ಲ್ಯಾ ವ್ಹಡ್ಲ್ಯಾ ರಾಂದ್ಪಾ ಬುಕಾಚೆ ಬರಯ್ಣಾರ್ ಮಿಟಾ ವಿಶ್ಯಾಂತ್ ಬರಯ್ತಾನಾ ’ರುಚಿ ತೆಕಿದ್ ಮೀಟ್ ಘಾಲ್’ ಮ್ಹಣ್ ಬರಯ್ತಾತ್.
ಮೀಟ್ ಆಮ್ಕಾಂ ಜಾಯ್. ಅಭಿವೃದ್ಧೆಂತ್ ಸಂಸಾರ್ ಮುಕಾರ್ ವೆತಾನಾ, ಮಿಟಾಚ್ಯಾ ಖಡ್ಯಾ ಬದ್ಲಾಕ್ ಆಜ್‌ಕಾಲ್ ಆಮ್ಕಾಂ ಮಿಟಾ ಪಿಟೊ, ’ಟೇಬಲ್ ಸೊಲ್ಟ್’ ಮೆಳ್ತಾ.
ಏಕ್ ಖಡೊ ಮೀಟ್...
ನಿಸ್ತ್ಯಾಕ್ ಘಾಲ್ಯಾರ್ ಜೇಂವ್ಕ್ ರುಚ್ತಾ. ಕಾಂಯ್ ಫರಾಮಸೆನ್ ಚಡ್ ಘಾಲೆಂ, ತೆಂ ನಿಸ್ತೆಂ ಉಪ್ಕಾರಾಕ್ ಪಡನಾ. ಎಕೆ ಲ್ಹಾನ್ಶೆ ಚುಕಿನ್, ಫರಾಮಸೆನ್ ಏಕ್ ಬರೆಂ ಜೆವಣ್ ಪಾಡ್ ಆನಿ ವಿಬಾಡ್ ಜಾಂವ್ಕ್ ವೇಳ್ ವಚನಾ.
ಜೀವನ್ ಆಮ್ಚೆಂ ಏಕ್ ಸುಂದರ್ ಸಪಣ್. ಹ್ಯಾ ಸಪ್ಣಾಕ್ ಥರಾವಳ್ ರಂಗ್, ಭೊಗ್ಣಾಂ, ದುಕಾಂ ಆನಿ ಹಾಸೊ ಏಕ್ ಸಾಂಗಾತ್. ಹೊ ಸಾಂಗಾತ್ ಆಮ್ಕಾಂ ನವ್ಯೆ ವಾಟೆಕ್ ಪಾಯ್ತಾ.
ಜೀವನ್ ಏಕ್ ನಿಸ್ತ್ಯಾಬರಿಂ. ಬರೆಂ ಜೀವನ್ ಸಾರುಂಕ್ ಆಮಿ ಪಳೆತಾಂವ್. ಹರ್‌ಎಕ್ಲೊ ಹ್ಯಾ ಸಂಸಾರಾಂತ್ ಸದಾಂ ಸಪ್ಣೆತಾ. ಆಯ್ಲೆವಾರ್ ಕೊಂಕ್ಣೆಂತ್ಲೊ ಆದ್ಲೊ ಬರಯ್ಣಾರ್ ಆಲ್ಫೋನ್ಸ್ ಡಿ’ಕೋಸ್ತಾ ದೆರೆಬಯ್ಲ್ ತಾಣೆ ಏಕ್ ಉತರ್ ಮ್ಹಾಕಾ ಬರಯ್ಲೆಂ : "ದುಬ್ಳ್ಯಾಂನಿ ಮಾತ್ ದಿಸಾಕ್ ಸಪಣ್ ಪಳೆಂವ್ಚೆಂ. ಹಾತಾಂತ್ ಕಿತೆಂಯ್ ದೀಂವ್ಕ್ ನಾತ್‌ಲ್ಲ್ಯಾ ವಗ್ತಾ ಆಮಿ ಜಿಣ್‌ಯೆಂತ್ ಕಿತೆಂಯ್ ಹೊಗ್ಡಾಯ್ನಾಂವ್!" ಕಸಲಿಂ ಗಂಭೀರ್ ಉತ್ರಾಂ. ಹೆಂ ಉತರ್ ಚಿಂತುನ್ ಚಿಂತುನ್, ದುಬ್ಳೊ ಜಾವ್ನ್ ಜಲ್ಮಾಲ್ಲ್ಯಾ ಮ್ಹಾಕಾ ಎಕಾ ಘರಾಚೊ ಉಜ್ವಾಡ್ ಪಳೆಂವ್ಕ್ ಮೆಳ್ಳೊ. ಜಿಣ್‌ಯೆಂತ್ ಆಶಾ ಆನಿ ಅತ್ರೆಗ್ ನಾ ತರ್ ತೆ ಜಿಣ್‌ಯೆಕ್ ಅರ್‍ತ್ ನಾ, ಮೋಲ್ ನಾ. ಹೆಂ ಸತ್. ಕಾಳ್ಜಾಚಿ ಉಡಿ ಆನಿ ಚಿಂತ್ಪಾಚೊ ವೇಗ್ ಸಾಂಗಾತಾ ವಚನಾ. ದೆಕುನ್ ಆಮಿ ಧಾಂವ್ತಾಂವ್, ಉಡ್ತಾಂವ್. ವಾರೆಂ ಆನಿ ಉದಕ್ ಪಳಯ್ನಾಸ್ತಾಂ, ಹ್ಯಾ ಸಂಸಾರಾಂತ್ ಆಶಾ ಆನಿ ಅತ್ರೆಗ್ ಕಾಳ್ಜಾಂತ್ ಫಿಚಾರ್ ಕರ್ನ್ ಮುಕಾರ್ ಪಳೆತಾಂವ್.
ಏಕ್ ಖಡೊ ಮೀಟ್...
ಆಮ್ಚೆ ಚಾಲ್ತೆ ಜಿಣ್‌ಯೆಂತ್ ’ಮೀಟ್ ರುಚಿ ತಿತ್ಲೆಂ’ ಮೂಳ್ ತತ್ವ್ ಆನಿ ಸಿದ್ದಾಂತ್ ಖಂಚ್ಯಾ ಪೊಟ್ಟು ಬಾಂಯ್ತ್ ಉಡವ್ನ್ ಚಲ್ತೆಚ್ ರಾವ್ತಾಂವ್. ತೆಂ ಸಾಂಗೊಂಕ್ ಆಮಿ ಸಕನಾಂವ್. ದೆಕುನ್ ಜಾವ್ಯೆತ್, ಖಂಯ್ ಪಳೆಲ್ಯಾರ್‌ಯೀ ಅಸಮಾಧಾನ್, ದೂಕ್ ಆನಿ ಅಶಾಂತಿ. ಕಾರಣ್?
ಮೊಸೊರ್, ರಾಗ್, ಫಾರಿಕ್ಪಣ್...
ಮೊಸೊರ್ ಜಿಣ್‌ಯೆಂತ್ ಗರ್‍ಜ್. ಮೊಸೊರ್ ಜಾಯ್ಜೆ ಆಮ್ಕಾಂ ಆಮ್ಚಿಂ ಅಂತಸ್ಕರ್‍ನಾಂ ಒಳ್ಕೊನ್, ತಿ ಅಸ್ಕತ್ಕಾಯ್ ಪಾರ್‍ಕುನ್, ತೆ ಅಸ್ಕತ್ಕಾಯೆವಯ್ರ್ ಜಯ್ತ್ ವ್ಹರ್‍ನ್ ಆಮ್ಕಾಂ ನವಿ ವಾಟ್ ದಾಕಂವ್ಕ್. ಮೊಸೊರ್ ಎಕಾ ರಾನಾಂತ್ಲೆಂ ಸುಕ್‌ಲ್ಲೆ ಖೊಲ್‌ಯೆಬರಿ. ರಾನಾಂತ್ಲ್ಯಾ ಮೊನ್ಜಾಂತಿಚೆ ಧಾಂವ್ಣೆನ್, ಫಾತ್ರಾ ಮುಕಾಂತ್ರ್ ಉಬ್ಜೊಂಚೆಂ ಕಿಟಾಳ್ ಜಾಂವ್ಕ್, ದೆಸ್ವಾಟ್ ಜಾಂವ್ಕ್ ನ್ಹಂಯ್! ಮೊಸೊರ್ ರಾಯ್ ಗರ್‍ಜೆಕ್, ಖಮಿರೆಬರಿ. ಚಡ್ ಜಾವ್ನ್ ದೆಸ್ವಾಟ್ ಕರುಂಕ್ ನ್ಹಂಯ್.
ರಾಗ್...
ರಾಗಾ ವಿಶ್ಯಾಂತ್, ಹಾಂವೆಂ "ಏಕ್ ಚಿಂತಪ್" ಹಾಂತುನ್‌ಯೀ ಬರಯಿಲ್ಲೆಂ. ಪರ್‍ಗಾಂವಾಂತ್ ತಶೆಂ ಗಾಂವಾಂತ್ ನಾಂವ್ ವ್ಹೆಲ್ಲ್ಯಾ ಎಕಾ ಮಂಗ್ಳುರ್‌ಗಾರ್ ಭಾವಾನ್ ದಫ್ತರಾಕ್ ಸಂಪರ್‍ಕ್ ಕರ್ನ್ ಮ್ಹಳ್ಳೆಂ, "ತುಂವೆಂ ಸಾಂಗ್‌ಲ್ಲೆಂ ಖರೆಂ. ಆಮಿ ಆಮ್ಚೆ ಸ್ಥಿತೆರ್ ಆಮ್ಚ್ಯಾ ಜಾಗ್ಯಾರ್ ಥಾವ್ನ್ ಚಿಂತುನ್ ರಾಗ್ ಕರ್‍ತಾಂವ್. ರಾಗ್ ಏಕ್ ಅಸ್ಕತ್ಕಾಯ್". ಹೆಂ ಉತರ್ ಹಾಂವ್ ಅಜೂನ್‌ಯೀ ವಿಸ್ರೊಂಕ್ ನಾ. ಮ್ಹಜೆಂ ಚಿಂತಪ್ ಎಕ್ಲ್ಯಾನ್ ಪುಣ್‌ಯಿ ಮಾಂದುನ್ ಘೆತ್ಲೆಂ ಮ್ಹಳ್ಳೊ ಸಂತೊಸ್ ಮ್ಹಾಕಾ ಆಸಾ.
ಆಮಿ ರಾಗ್ ಕರಿಜೆ. ಆಮ್ಚೆಂ ಉಣೆಪಣ್ ಪಳೆವ್ನ್, ತಾಚೆರ್ ಜಯ್ತ್ ವ್ಹರುಂಕ್. ರಾಗ್ ಕರುಂಕ್ ಕಾರಣಾಂ ನಾಕಾತ್. ಒಕ್ತಾಂ ನಾಕಾತ್. ಸರ್‍ವ್ ಆಮಿ ತಯಾರ್ ಕರ್‍ತಾಂವ್. ಜಿಣ್‌ಯೆಂತ್ ಬರೆಂ ಕರುಂಕ್ ವೇಳ್ ಯೆತಾ. ಪುಣ್... ರಾಗ್ ಕರುಂಕ್ ವಾ ರಾಗ್ ಯೇಂವ್ಕ್ ವೇಳ್ ಜಾಯ್?
ಏಕ್ ಖಡೊ ಮೀಟ್...
ಫಾರಿಕ್ಪಣ್...
ರಾಗಾನ್, ಮೊಸ್ರಾನ್ ತಶೆಂ ಹೆರ್ ಅಸ್ಕತ್ಕಾಯೊ ಸಾಂಗಾತಾ ಜಾವ್ನ್ ಯೆತಾ ಫಾರಿಕ್ಪಣ್. ಏಕೆ ಘಡ್‌ಯೆಚ್ಯಾ ಕೃತ್ಯಾಕ್ ಜೀಣ್‌ಭರ್ ರಡೊಂಕ್ ಪಡ್ಚೆಂ ಏಕ್ ವಿಧಾನ್. ಥಂಡ್ ಮತಿಕ್ ವಿಶೆವ್ ದೀವ್ನ್, ಗರಮ್ ಚಿಂತ್ನಾಂನಿ ಉಬೆಂ ಕರ್‍ಚೆಂ ಏಕ್ ಕರ್‍ತುಬ್. ಆಮಿ ಫಾರಿಕ್ಪಣ್ ದೀಜೆ, ನ್ಹಂಯ್ ಹೆರಾಂಕ್ ನಿಸ್ಸಂತಾನ್ ಕರುಂಕ್, ಬಗಾರ್ ಆಮ್ಕಾಂ ಮೆಳ್‌ಲ್ಲ್ಯಾ ದುಕಾಂಕ್, ಮೆಳ್‌ಲ್ಲ್ಯಾ ಖೊಟಾಂಕ್ ವಾ ಹೆರ್ ಕರಾಳ್ ಘಡಿತಾಂಕ್ ಏಕ್ ನವಿ ವಾಟ್ ಉಗ್ತಿ ಕರ್ನ್, ಹ್ಯಾ ಸಂಸಾರಾಂತ್ಲ್ಯಾ ಲೊಕಾಕ್ ’ಹಾಂವ್ ಜಿಯೆಂವ್ಕ್ ಸಕ್ತಾಂ’ ಮ್ಹಳ್ಳೆಂ ದಾಕಂವ್ಕ್. ಫಾರಿಕ್ಪಣ್ ಘೆಂವ್ಕ್ ಕೊಯ್ತಿ, ತಲ್ವಾರ್ ವ ಅನ್ಯಾಯಾಚಿ ಗರ್‍ಜ್ ನಾ. ಕಶ್ಟ್ ಆಯಿಲ್ಲೆ ಸೊಸುನ್ ತಾಂಕಾಂ ಫುಡ್ ಕರ್ನ್ ದೀಸ್ ಕಾಡ್ಲ್ಯಾರ್ ಹೆ ಜಿಣ್‌ಯೆಂತ್ ದುಸ್ರೆಂ ಫಾರಿಕ್ಪಣ್ ನಾಕಾ.
ಏಕ್ ಖಡೊ ಮೀಟ್...
ಆಮ್ಚೆ ಜಿಣ್‌ಯೆಂತ್ ಮೊರೊಸ್, ರಾಗ್ ಆನಿ ಫಾರಿಕ್ಪಣ್ ಸಮಾನ್ ಮಾಪಾನ್ ವಾಪರ್‍ಲ್ಯಾರ್ ತಾಂತುಂ ಸರ್‍ವಸ್ವ್ ಆಸಾ. ನಿಸ್ತ್ಯಾಕ್ ಮೀಟ್ ಜಾಯ್ ಜಾಲ್ಲೆಬರಿಂ ಏಕ್ ಮೂಟ್ ಮೀಟ್ ಘಾಲ್ನ್ ನಿಸ್ತೆಂ ಪಾಡ್ ಕೆಲ್ಲೆಬರಿಂ ವ ಜೇಂವ್ಕ್ ಜಾಯ್ನಾತ್‌ಲ್ಲ್ಯಾಬರಿ ಜಾಲ್ಯಾರ್, ಆಮ್ಚ್ಯಾ ಜೀವನಾಕ್ ಅರ್‍ತ್ ನಾ. ಹರ್‌ಎಕಾಕ್ ಏಕ್ ಮೀತ್ ವಾಪರ್‍ಲ್ಯಾರ್ ತಾಂತುಂ ಸಮಾಧಾನ್ ಆಸಾ. ಆಮಿ ಜಾಣಾಂವ್ ಹೊರ್‍ಬೊಸ್ ಚಡ್ ಕೆಲ್ಯಾರ್ ಪೊಟಾಕ್ ಸಯ್ತ್ ಬರೆಂ ನ್ಹಂಯ್. ಆಮ್ಚೆ ಜಿಣ್‌ಯೆಂತ್ ಹರ್‌ಎಕ್ ಸಂಗತ್, ’ಏಕ್ ಖಡೊ ಮಿಟಾಚೆಂ ಪ್ರತಿಫಲನ್ ಜಾಂವ್.’
Tags:
Jemma Padil. Konkani, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
Our Address
Mangalore
 | Contact Person : Mr. Praveen Tauro |
Email : praveen@maibhaas.com
Phone : +91 99 80 184340
Address :
Daijiworld.com,
Airport Road,
opp. Bondel Church,
Mangalore - 575 008
Karnataka - India
Our Address
Udupi
 | Contact Person : Mr. Joel D'almeida |
Email : joel@maibhaas.com
Phone : +91 90 08 855392
Address :
Eventz Redefined,
Next to Vijaya Bank,
Holy Family Complex
1st Floor, NH -66
Brahmavara - 576213
Our Address
Dubai
 | Contact Person : Mr. Naveen Sequeira |
Email : editor@maibhaas.com
Phone : +97 150 755 4105
Address :
Master Mind IT Solutions,
UBL Building,
#402, 4th Floor
Bank Street - Bur Dubai
Dubai - UAE
3 Comment/s.
ಲೇಕಾನಾಂ ವಾಚà³à²¨à³ à²à²¾à²°à²¿ ಖà³à²¶à²¿ ಜಾಲಿ.
ಕಾಳà³à²œà²¾à²•à³ ಲಾಗà³à²šà³à²¯à²¾ ಬರಿಂ ಬರಂವà³à²•à³ ಜೆಮà³à²®à²¾à²¬à³ à²à²¾à²°à²¿à²šà³ ಹà³à²¶à²¾à²°à³. ತಾಚಿಂ ಬರà³à²ªà²¾à²‚ ವಾಚà³à²‚ಕೠಮà³à²¹à²¾à²•à²¾ ಬೊರಿಂ ಲಾಗà³à²¤à²¾à²¤à³.
Good writing. Usually i am reading this section. As a sentimental i like this type of write ups. Keep writing...