From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಕಾಜಾರ್ ಕೆದಾಳಾ..?
Wednesday, February 5, 2020ಬರಯ್ಣಾರಾ ವಿಶಿಂ ಜಾಣಾ ಜಾ...
"ಕಾಜಾರ್ ಕೆದಾಳಾ..? ಕಾಜಾರ್ ಕೆದಾಳಾ...?" ಪ್ರಾಯೆಕ್ ಪಾವ್‌ಲ್ಲ್ಯಾ ತರ್ನಾಟ್ಯಾಂಕ್ ತವಳ್ ತವಳ್ ಮೆಳ್ತಾನಾ ಕಾಜಾರ್ ಜಾಲ್ಲ್ಯಾನಿ ರಜಾರ್ ಉಚಾರ್ನ್, ಬೆಜಾರ್ ಕರ್ಚೆಂ ಸವಾಯೆಚೆಂ ಜಾಲಾಂ. ಆಯ್ಲೆವಾರ್ "ಕಾಜಾರ್ ಕೆದಾಳಾ..? ಕಾಜಾರ್ ಕೆದಾಳಾ..?" ಮ್ಹಣ್ ರಜಾರ್ ಫುಂಕುನ್ ಆಸ್ಚ್ಯಾ ಸೆಜಾರ್ಚ್ಯಾ ದಾದ್ಲ್ಯಾ ವಿಶಿಂ ವಿರಾರ್ ಜಾಲ್ಲ್ಯಾ ತರ್ನಾಟ್ಯಾನ್ ಖುನಿ ಕೆಲ್ಲಿ ಸಯ್ತ್ ಆಯ್ಕುಂಕ್ ಮೆಳ್ಳೆಂ. ಕಾಜಾರಾ ಪಾಟ್ಲ್ಯಾನ್ ಜಾಯ್ತೆಂ ರಜಾರ್ ಆಟಾಪುನ್ ಆಸಾ ಮ್ಹಳ್ಳೆಂ ರಾಜಾಂವಿಕ್ ಸತ್! ಶಿಕಾಪ್ ಸಂಪವ್ನ್, ಫುಡಾರಾ ವಿಶಿಂ ಸಗ್ಳಿಂ ಸಪ್ಣೆತಾತ್. ಫುಡಾರ್ ಬಾಂಧಿಜೆ ತರ್, ಕುಟಾಮ್ ಜಾಯ್ಜೆ, ಕುಟಾಮ್ ಜಾಯ್ಜೆ ತರ್ ಕಾಜಾರ್ ಜಾಯ್ಜೆ, ಆನಿ ಕಾಜಾರ್ ಜಾಯ್ಜೆ ತರ್ ಪಯ್ಶೆ ಜಾಯ್ಜೆ...! ಪಯ್ಶೆ ಜಾಯ್ಜೆ ತರ್ ಜೊಡಿಕ್ ಪಾವಾಜೆ, ಜೋಡ್ ಬರಿ ಆಸಾಜೆ ತರ್..... ಬರ‍್ಯಾ ಎಕಾ ಕಾಮಾಕ್ ಪಾವಾಜೆ! ಶಿಕಪ್ ಸಂಪವ್ನ್ ಗಾಂವಾರ್ ಹೆವ್ಶಿನ್ ತೆವ್ಶಿನ್ ಭಂವ್ತಾನಾ 'ಗಲ್ಪಾಕ್ ವೊಚಾನಾಯೆರೆ? ಗಲ್ಪಾಕ್ ವೊಚಾನಾಯೆರೆ?' ಮ್ಹಣ್ ಸವಾಲಾಂ ಉಡಯ್ತಾನಾ ನವಾಲ್‌ಶೆಂ ಭೊಗ್ತಾ..! ಜೊಡಿಕ್ ಪಾವಜಯ್ ತರ್ ಗಲ್ಪಾಕ್‌ಚ್ ಪಾವಾಜಾಯ್‌ಗೀ?? ಮ್ಹಳ್ಳೆಂ ಸವಾಲ್ ಸಯ್ತ್ ಉದೆತಾ. ಕಾಜಾರಾಚಿ ಪ್ರಾಯ್ ಲಾಗಿಂ ಆಯ್ಲಿ ತರ್ ಸದಾಂ ಆಮೊರಿ ಜಾತಚ್, 'ಏಕ್ ದೋನ್ ವರ್ಸಾಂ ಗಲ್ಪಾಕ್ ಪುಣೀ ವೊಚೊನ್ ಯೇರೆ' ಮ್ಹಣ್ ರಜಾರ್ ಫುಂಕುನ್‌ಚ್ ಬೆಸಾಂವ್ ದಿತಾತ್!!!
ಪರ್ಗಾಂವಾಕ್ ವಚೊನ್ ಪರ್ದೆಶಿ ಜಾಲ್ಯಾರೀ ಪರ್ವಾನಾ, ಚಾರ್ ಕಾಸ್ ಜಾತಾತ್‌ನೆ ಮ್ಹಳ್ಳೆಂ ಚಿಂತಪ್ ಸಬಾರಾಂಚೆಂ. ಕಾಜರ್ ಜಾಂವ್ಕ್‌‍ಚ್ ಮ್ಹಣ್ ಪರ್ಗಾಂವಾಕ್ ಪಾವ್‌ಲ್ಲೆ ಜಾಯ್ತೆ. ಶಿಕಾಪ್ ಸಂಪೊವ್ನ್ ಪರ್ಗಾಂವಾಕ್ ಉಬೊನ್, ವರ್ಸಾಚೆ ರಜೆರ್ ಗಾಂವಾಕ್ ಪಾವ್ಲ್ಯಾರ್ ತ್ಯೊಚ್ ಧೊಶಿ...... ಕಾಜಾರ್ ಕೆದಾಳಾರೆ???. ಅಶೆಂ ಧೊಸ್ತೆಲ್ಯಾಂಕ್ ಆಂಕ್ವಾರ‍್ಯಾಂಕ್ ಪಳೆತಾನಾ ಮೊಸೊರ್ ಯಾ ಅಪುಣ್ ಕಿತ್ಯಾಕ್ ಕಾಜಾರ್ ಜಾಲೊಂ?? ಮ್ಹಣ್ ಬೆಜಾರ್ ....!! ಕಿತೆಂ ಮ್ಹಣ್ ಸಮ್ಜನಾ. ಚಲಿಯಾಂಕ್ ಹ್ಯೊ ಧೊಶಿ ಶಿಕಾಪ್ ಸಂಪ್ತಚ್, ಬಾವಿಸಾಂಚಿ ಪ್ರಾಯ್ ಭರ್ತೆಚ್ ಸುರು! ಕುಟ್ಮಾಂತ್, ಸೆಜಾರಾ, ವಾಡ್ಯಾಂತ್, ಫಿರ್ಗಜೆಂತ್ ಸದಾಂ ತೆಂಚ್ ಪೆಂಪಾರೆಂ....... ಬ್ಯಾಂಡ್ ಕೆದಾಳಾ ವಾಜಾಂವ್ಕ್!!?? ಪ್ರಾಯ್ ಭರ್ತಾನಾ ಹೆಂ ರಜಾರ್ ಪ್ರಾಯೆ ಸಂಗಿಂ ವಾಡೊನ್‌ಚ್ ಯೆತಾ. ತರ್ನಾಟ್ಯಾಂಕ್ ಆಪ್ಣಾಚೆಂಚ್ ಮ್ಹಳ್ಳೆಂ ಕುಟಾಮ್ ಬಾಂದ್ಚೆಂ ಸ್ವಪಾಣ್ ಆಸ್ತಾ ತರೀ ಸಮಾಜೆಂತ್ಲ್ಯಾ ಅಸಲ್ಯಾ ರಜಾರಾಂಕ್ ಜಾಯ್ತಿಂ ಜಣಾಂ ಬೆಜಾರ್...!!!
ಆಯ್ಚಿಂ ತರ್ನಾಟಿಂ, ಜಾಂವ್ ಚಲೆ ಯಾ ಚಲಿಯೊ, ಚಡಾವತ್ ಜಾವ್ನ್ ಜೊಡಿಕ್ ಪಾವೊನ್, ಆಪ್ಣಾಚ್ಯಾ ಪಾಂಯಾರ್ ಉಬೆ ರಾಂವುಕ್ ಶಿಕ್ಲ್ಯಾ ಉಪ್ರಾಂತ್‌ಚ್ ಕಾಜಾರಾಚಿ ರಾಟಾವಳ್ ಮತಿಕ್ ವರ್ತಾತ್. ಉಂಚ್ಲೆಂ ಶಿಕಾಪ್ ಶಿಕ್ತಾನಾಚ್ ಜಾಯ್ತಿಂ ಮೊಗಾರ್ ಪಡೊನ್ ಫುಡಾರಾಚೊ ನಿರ್ಧಾರ್ ಕರ್ತಾತ್. ಹಾಂಚೆ ಮಧೆಂ ರಜಾರ್ ಆಯ್ಕಾತಾನಾ ಬೆಜಾರ್ ಜಾಂವ್ಚೆಂ ಸಹಜ್. 'ಕಾಜಾರ್' ತೀನ್ ಅಕ್ಷರಾಂಚಾ ಹ್ಯಾ ಎಕಾ ಸಬ್ಧಾಕ್ ಮೋಲ್ ಬಾಂಧುಂಕ್ ಸುಲಭ್ ನಾ!! ಸಗ್ಳೆಂ ಜಿವಿತ್‌ಚ್ ನಿರ್ಣಯ್ ಕರ್ಚೊ ಏಕ್ ಮೊಲಾಧಿಕ್ ಭೆಸ್. ಅಮ್ಸೊರೊನ್ ಮೇಟ್ ಕಾಡ್ಲ್ಯಾರ್ ಪಡ್ಚೆಂ ಪೊಂಡಾಂತ್ ಮ್ಹಣ್ ಆಜ್ ಹರ‍್ಯೆಕ್ಲೊ ಜಾಣಾ. ಆಯ್ಚ್ಯಾ ಸಂಸಾರಾಂತ್ ಶಿಕಪ್ ವಾಡ್ಲಾಂ, ಜಾಣ್ವಾಯ್ ವಾಡ್ಲ್ಯಾ ಅಶೆಂ ಆಸ್ತಾಂ ಜಾಯ್ತಿಂ ತರ್ನಾಟಿಂ, ಸಮ್ಜಣೆನ್ ಜಿವಿತಾಚೆಂ ಮೇಟ್ ಕಾಡುಂಕ್ ಅಶೆತಾತ್. ಅಶೆಂ ಆಸ್ತಾಂ ಸದಾಂ ಉಚಾರ್ಚೆಂ ಕಾಜಾರ್ ಕೆದಾಳಾ? ಮ್ಹಳ್ಳೆಂ ರಜಾರ್ ಆಯ್ಚ್ಯಾ ತರ್ನಾಟ್ಯಾಂಕ್ ಬಿಲ್ಕುಲ್ ಪಸಂದ್ ನಾ. 'ಕಾಜಾರ್ ಕೆದಾಳಾ?' ಮ್ಹಳ್ಳ್ಯಾ ಧರ್ಮಾರ್ಥ್ ಸವಾಲಾಕ್ ಜಾಪ್ ದೀಂವ್ಕ್ ಲಾಖ್ ರುಪ್ಯಾಂಚೊ ಖರ್ಚ್ ಸಯ್ತ್ ಆಸಾ!!
ಅಶೆಂ - ತಶೆಂ ಭಂವೊನ್, ಚಡ್ ತೇಂಪ್ ಅಂಕ್ವಾರ್‌ಪಣಿಂ ರಾವುಂಕ್ ಜಾಯ್ನಾಸ್ತಾಂ, ಸಂಸಾರಿಂ ಮಿಸಾಂವಾಕ್ ತಕ್ಲಿ ಬಾಗವ್ನ್, ಸಾತ್ವ್ಯಾ ಸಾಕ್ರಾಂಮೆಂತಾಕ್ ಪಾಳೊ ದೀಜಯ್ ಜಾತಾ. ನಾ ತರ್ ಆಪುಣ್ ಆಂಕ್ವಾರ್ ಮ್ಹಳ್ಳೆಂ ಬೆಜಾರ್ ಸಂಸಾರ್ ಸಾಂಡಿಸರ್ ವಾವುಂಕ್ ಪಡ್ತಾ. ಅಲ್ತಾರಿ ಸಾಮ್ಖಾರ್ ದಿಂಬಿ ಮಾರುನ್, ಹಾತಾಂತ್ ಹಾತ್ ಘೆವುನ್, ಭಾಸ್ ದಿತಾನಾ... ಕಾಂಯ್ ಥೊಡೆಂ ಅಗ್ಮೆಂತ್ ಅಂಗಾರ್ ಶಿಂಪ್ಡಾತಾನಾ ಕಾಜಾರ್ ಕೆದಾಳಾ? ಮ್ಹಳ್ಳೆಂ ರಜಾರ್, ಮೀಸ್ ರಜಾರಾ ಸಂಗಿಂ ಧರ್ಣಿಕ್ ಶೆವ್ಟಾತಾ. ಹಜಾರ್ ಲೊಕಾಕ್ ಆಪವ್ಣೆಂ ದಿವುನ್, ಸನ್ನಾ ಮಾಸ್ ಖಾವಾಯ್ತಾನಾ, ಸೊವ್ಯಾರ್ ನವ್ಯಾ ಸುಟಾರ್ ಸೊಭ್ತಾನಾ, ಸವಾಲಾನಿಂ ಧೊಸ್ಚಿಂ ಭುಕೆಲ್ಲಿಂ ಪೊಟಾಂ ಥಾಂಬ್ತಾತ್. ಕಾಂಯ್ ಥೊಡ್ಯಾ ದಿಸಾಂಕ್ ಮಾತ್!! ರಜಾರ್ ಸಂಪ್‌ಲ್ಲೆಂ ನಾ... ಸವಾಲಾಂ ರಾವುಲ್ಲಿಂ ನಾಂತ್!! ಕಾಜಾರಾ ಉಪ್ರಾಂತ್ ಜೊಡಿಂ ತಾಂಚ್ಯಾ ರಜಾರಾಂತ್ ಮಗ್ನ್ ಜಾಂವ್ಚ್ಯಾ ಫುಡೆಂಚ್ ಹ್ಯಾ ಸವಾಲಾಂಚ್ಯಾ ರಜಾರಾಚೊ ದುಸ್ರೊ ಅಧ್ಯಾಯ್ ಸುರ್ವಾತ್ತಾ.. "ಕಾಂಯ್ ಬರಿ ಖಬಾರ್ ಆಸಾಗಿ???!!"
ಸವಾಲಾಂ ವಿಚಾರ್ಚಿಂ ಆಪ್ಣಾಚೊ ಅವ್ವಲ್ ಕಾಯ್ದೊ ಮ್ಹಣ್ ಲೆಕ್ತಾತ್ ಕಿತೆಂ?? ಅಸಲಿಂ ಚಿಂತ್ನಾ ಜಾಯ್ತ್ಯಾಂಚಾ ಮತಿಂತ್ ಯೆತಾತ್. ಕಾಜಾರ್ ಜಾವುನ್ ಆಪ್ಣಾಚೆಂಚ್ ಕುಟಾಮ್ ಬಾಂಧುನ್ ಹಾಡ್ತಾನಾ ರಾಜಾಂವಾ ಭರಿತ್ ರಜಾರಾಂ ಜಾಯ್ತಿಂ ಆಯ್ಕೊಂಕ್ ಮೆಳ್ತಾತ್. ಕುಟ್ಮಾಂತ್‌ಚ್ ಜಾಯ್ತ್ಯಾ ರಜಾರಾಂಕ್ ಮಾನ್ ಬಾಗಯ್ಜಯ್ ಪಡ್ತಾ. ಹ್ಯಾ ವೆಳಾ ಸಂಸಾರಿ ರಾಜ್ವಟ್ಕಿ ದಾಕಂವ್ಚ್ಯಾ ಸವಾಲಾಂಚ್ಯೊ ಧೊಶಿ ಕುಟ್ಮಾಂತ್ ಗೊಂದೊಳ್ ಕರುಂಕ್ ಪೆಚಾಡ್ತಾತ್ ತಶೆಂ ಭೊಗ್ತಾ. ಕಾಜಾರಿ ಜಿವಿತಾಂತ್ ಕಾಂಯ್ ಚಡುಣೆ ಜಾಲೆಂ ತರ್ ಸದಾಂ ಪಾಟ್ ಲಾಗುನ್, ಕಾಜಾರ್ ಕೆದಾಳಾ ಮ್ಹಣ್ ವಿಚಾರ್ ಕರ್ಚಾನಿಂ, "ಕಾಜಾರ್ ಜಾಂವ್ಚ್ಯಾ ಫುಡೆಂಚ್ ಚಿಂತಿಜಯ್ ಆಸ್‌ಲ್ಲೆಂ" ಮ್ಹಣ್ ಒಕ್ಕಾಣೆ ಘಾಲ್ತಾನಾ, ವೋರ್ನ್ ಆಲಾಂವ್ಚೊ ಪಿಡೊ ಹಾತಿಂ ಆಯ್ಲೊ ತರ್ ಬರೆಂ ಆಸ್ತೆಂ ಮ್ಹಳ್ಳೆಂ ಚಿಂತಪ್ ಕಾಂಯ್ ಸಬಾರಾಂಚೆ ಜಾವ್ಯೆತ್!
ಕಾಜಾರ್ ಜಾಯ್ಜೆ ತರ್ ತಾಜೆ ಪಾಟ್ಲಿ ವಾಂವ್ಟ್ ಕಿತ್ಲಿ ಮ್ಹಣ್ ಕಾಜಾರ್ ಜಾಲ್ಲಿಂ ಜಾಣಾಂತ್. ಕಾಜಾರಾಕ್ ತಯಾರಾಯ್ ಜಾವ್ನ್ ಕರ್ಚ್ಯಾ ಸರ್ಬಾರಾಯೆಂತ್ ಸಯ್ತ್ ಜಾಯ್ತೆಂ ರಜಾರ್. ಮೊಗಾರ್ ಪಡೊನ್ ಕಾಜಾರ್ ಜಾಲ್ಯಾರ್ ಜಾಲೆಂ... ನಾ ತರ್ ಸೈರಿಕ್ ಸೊದ್ಚಿ ಕಿರ್ಕಿರಾಯ್. ನಾಕ್ ಲಾಂಬ್, ಪಾಯ್ ಲಾಂಬ್, ಬೊಟಾಂ ಲಾಂಬ್, ಜೀಬ್ ಲಾಂಬ್ ಮ್ಹಣ್ ಸೈರಿಕ್ ಮೆಳಾನಾಸ್ತಾಂ ರಾವ್ಚೆ ಕರ್ಕರೆ... ಏಕ್ ಕಾಜಾರ್ ಜಾಯ್ಚೆ ತರ್ ಶೆಂಬರ್ ಸೈರಿಕೊ ಪಳೆಶೆಂ ಕರ್ತಾ. ಸೈರಿಕೆ ಉಪ್ರಾಂತ್ ಲಗ್ನಾಕ್ ಜಾಂವ್ಚ್ಯಾ ತಯಾರಾಯೆಚೊ ಧೊಶಿ ಜಾಯ್ತ್ಯಾ ವಿರಾರಾಯೆಚೊ. ಮೊದೊರ್ನಿಕ್ ಮಾನ್ - ಬಾಂದ್ಪಾಂಕ್ ದಾನ್, ದೆಡಿಯೆಕ್ ಗಾಗ್ರೊ, ಈವೆಂಟಾಚ್ಯಾಕ್ ಪೆರ‍್ಗೊ, ದೆಡ್ಯಾಕ್ ಸುಟ್, ಸೈರ‍್ಯಾಂಕ್ ಸಾಟ್ ಸಕ್ಡಾಂಕ್ ಥಾಂಬಯ್ತಾನಾ ವಡ್ಲೊ ವಯ್ವಾಟ್. ಆಧುನಿಕ್ ಶೈಲೆರ್ ಖರಾರ್, ರೋಸ್, ಲಗ್ನ್, ಪರ್ತಾಪಣ್ ಮ್ಹಣ್ ದುಡ್ವಾಚೊ ಕಾಟ್ ತುಟೊನ್ ಖರ್ಚಾಚಿ ವಾಟ್ ಜಾತಾ!
ವರ್ಸಾಕ್ ತೀಸ್ ದಿಸಾಂಚಿ ರಜಾ ಮೆಳ್ಚ್ಯಾ, ಗಲ್ಪಾಂತ್ ವಾವುರ್ಚ್ಯಾಂಕ್ ಕಾಜಾರಾಚೊ ವಾಂಟೊ ವ್ಹಡ್ ಏಕ್ ಸವಾಲ್ ತಶೆಂ ಅನ್ಬೋಗ್ ಜಾತಾ. ಸೈರಿಕ್ ಪಳೆಂವ್ಕ್ ರಜಾ, ಫರ್ಮಾಂ ಬರುಂಕ್ ರಜಾ, ಪಿಡ್ಡುಕ್ ಬಾಂದುಂಕ್ ರಜಾ ಮ್ಹಣ್ ವಾಂಟೆ ಜಾತಾನಾ ಕಾಜಾರಿ ಭೆಸಾಚೆಂ ಸುಖ್ ಭೊಗುಂಕ್ ಸಯ್ತ್ ರಜಾ ಪಾವಾನಾ. ಇತ್ಲ್ಯೊ ರಜಾ ಬರಾಯ್ತಾನಾ ಧನಿಯಾಚೆಂ ರಜಾರ್, ದೊತೊರ್ನಿಕ್ ಪಾವಾನಾತ್ಲ್ಯಾರ್ ಪಾದ್ರಿಚೆಂ ತಕ್ರಾರ್, ಆಪೊವ್ಣೆಂ ಸಾರ್ಕೆಂ ನಾ ತರ್ ವೊವ್ಳ್ಯಾಂಚೆಂ ವಿರಾರ್, ಸಕ್ಡಾಂಕ್ ಸಮಾಧಾನ್ ಕರ್ತಾನಾ ಕಾರ್ಭಾರ‍್ಯಾಚೆಂ ಚಡ್ತಾ ಪ್ರೆಶರ್, ದೆಂವ್ತಾ ಶುಗರ್!! ಇತ್ಲೆಂ ಸಕ್ಕಡ್ ಜಾವ್ನ್ ಏಕ್ ಕಾಜಾರ್ ವಯ್ರ್ ಪಡ್ತಾನಾ ಹೊರೆತ್ ಬಾಬಾಚೆಂ ಗಳ್ತಾ ಇಜಾರ್, ಹೊಕೊಲ್ ಬಾಯ್ ಸಗ್ಳಿಚ್ ಲಾಚಾರ್!!
ಕಾಜಾರ್ ಕೆದಾಳಾ ?....... ತರ್ನಾಟಿಂ ಕಾಜಾರ್ ಜಾತಾತ್, ತಾಂಚೊ ವೇಳ್ ಯೆತಾನಾ!!! ಕಾಜಾರಾಚೊ ಭೆಸ್ ವಿಂಚಿಜಾಯ್ ತರ್ ಸಮ್ಜಣಿ ಗರ್ಜ್ ಆಸಾ, ಸೊಸ್ಣಿಕಾಯ್ ಗರ್ಜ್ ಆಸಾ ಮಾತ್ ನಂಯ್ ಆಯ್ಚ್ಯಾ ಸಂಸಾರಾರ್ ಉಪ್ಯೆಂವ್ಕ್ ಶಿಕಾಪ್ ಗರ್ಜ್ ಆಸಾ. ಹಾತಾಂತ್ ಚಾರ್ ಕಾಸ್ ಸಯ್ತ್ ಗರ್ಜೆಚೆ ಪೂಣ್ ಪರ್ಗಾಂವಾಕ್ ಪಾವೊನ್ ದೀಸ್ ಮಜೆಚೆ ಜಾಲ್ಯಾರ್ ಕಾಜಾರಾಕ್ ಮಾಗೊವ್ನ್ ಹಾಡಿಜಯ್ ಪಡ್ತಾ. ಪರ್ಗಾಂವಾಕ್ ಪಾವೊನ್ ಕಾಸ್ ಕರ್ಚೊ ವೇಳ್ ಉತ್ರಾಲಾ, ಆತಾಂ ತ್ರಾಸ್ ಕಾಡುನ್ ದಿಸ್ಪಡ್ತೊ ಗ್ರಾಸ್ ಕಾಡ್ಚೊ ಕಷ್ಟಾಂಚೊ ಜಾಲಾ. ಕಾಜಾರ್ ಜಾಲ್ಯಾ ನಂತರ್, ಕುಟ್ಮಾಂತ್ ಇಲ್ಲೆಂ ರಜಾರ್ ಆನಿ ತಕ್ಲೆಂತ್ ಇಲ್ಲೆಂ ವಿರಾರ್ ಜಾಲ್ಯಾರ್ ಮಾತ್ ಜಿಣಿ ಸೊಭಯ್ ದಿತಾ. ಸಂಗಿ ಮೆಳೊನ್ ಜಿವಿತ್ ಸೊಭಯ್ತಾನಾ ಕಾಂಯ್ ಇಲ್ಲೊ ರಾಗ್ ಆಸಾ ತರ್ ಮಾತ್ ಮೊಗಾಕ್ ನೀಜ್ ಅರ್ಥ್ ಯೆತಾ. ಪರ್ಗಾಂವಾಕ್ ಪಾವೊನ್, ಕಾಸ್ ಕರ್ಚೆಂ ಸ್ವಪಾಣ್ ಪಳೆವ್ನ್, ಪರ್ದೆಶಿ ಗಾಂವಾಂತ್ ಘೊಳೊನ್, ಪ್ರಾಯ್ ಉತರ್ಲ್ಯಾ ಉಪ್ರಾಂತ್ ರಜಾರ್ ಉಚಾರ್ನ್ ಬೆಜಾರ್ ಸಾಂಗ್ಚೆಂ ಪಳೆತಾನಾ, ಗಾಂವಾಂತ್ ರಾವುನ್ ಮಾಲ್ತೆಂತ್ ನೀಸ್ ಪೇಜ್ ಜೆವುನ್ ಸುಖಿ ಆಸ್‌ಲ್ಲೆಂ ಕುಟಾಮ್ ದೇಖ್ ದಿತಾ ತಶೆಂ ಬೊಗ್ತಾ!
Tags:
Kajar, Wedding, When is wedding?, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
1 Comment/s.
Very good article. Continue writting.