From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಮ್ಹಜೊ ತಾಳೊ ಗಾಯ್ತಲೊ... - ಕೊಂಕಣಿ ಟಿವಿ ರಿಯಾಲ್ಟಿ ಶೋ
Friday, August 25, 2017
ಕೊಂಕ್ಣಿ ಸಂಸಾರಾಂತ್ ಅಮರ್ ಶ್ರೀ ವಿಲ್ಪಿ ರೆಬಿಂಬಸಾಚೆಂ ನಾಂವ್ ಕೊಣಿಂ ಕೊಂಕ್ಣಿ ಕ್ರಿಸ್ತಾಂವ್ 'ಅಪುಣ್ ನೆಣಾಂ' ಮ್ಹಣೊನ್ ಸಾಂಗ್ತಾ ತರ್ ತಿ ತಾಚಿ ವ್ಹಡ್ಲಿ ಅಸ್ಕತ್ಕಾಯ್ ಜಾವ್ನಾಸಾ. ಕಿತ್ಯಾಕ್ ಹ್ಯಾ ಮ್ಹಾನ್ ಸಂಗೀತ್‍ಗಾರಾಚೆಂ ನಾಂವ್ ಕೇವಲ್ ಕೊಂಕ್ಣಿ ಮನಿಸ್ ಕಿತ್ಯಾಕ್, ಪರ್ಕಿ ಭಾಶೆಚೊ ಲೋಕ್‍ಯಿ ಜಾಣಾಂ. 2010 ಇಸ್ವೆಚ್ಯಾ ಮಾರ್ಚ್ 9 ವೆರ್ ಆಪ್ಲ್ಯಾ 67 ವರ್ಸಾಂ ಪ್ರಾಯೆರ್ ಮರ್ಣಾಚೆಂ ಪೋಂತ್ ಆಪ್ಡುನ್ ಅಮರ್ ಜಾಲ್ಲೊ ವಿಲ್ಫಿ ರೆಬಿಂಬಸ್ ಜಿವಂತ್ ಆಸ್‍ಲ್ಲೊ ತರ್ ಗೆಲೆತ್ಯಾ ಎಪ್ರಿಲ್ 2 ವೆರ್ ಹ್ಯಾ ಮ್ಹಾನ್ ವೆಕ್ತಿಕ್ 75 ವರ್ಸಾಂ ಭರ್ತಿಂ ಆಸ್‍ಲ್ಲಿಂ. ತಾಕಾ ಆತಾಂ ರೂಪ್ ರೂಪ್ ಪಳೆಂವ್ಚೆ ಭಾಗ್ ಆಮಿಂ ಹೊಗ್ಡಾಯ್ಲಾಂ ತರೀ ತಾಣೆಂ ತಾಚ್ಯಾ ಸಂಸಾರಿ ಜಿವಿತಾಚೆ ಆವ್ದೆಂತ್ ತಾಣಿಂ ರಚ್‍ಲ್ಲ್ಯಾ ಬೋವ್ ಅಮೊಲಿಕ್ ಆನಿಂ ಸುಮಧುರ್ ಕೊಂಕ್ಣಿ ಪದಾನಿಂ ತೊ ಅಜೂನ್ ಜಿವಂತ್ ಆಸಾ ಆನಿಂ ಹೊ ಅನ್ಭೋಗ್ ಆಮಿಂ ಕೊಂಕ್ಣಿ ಸಂಗೀತ್ ಮೋಗಿ ಭೊಗುನ್ಂಚ್ ಆಸಾಂವ್. ಭೋವ್ ಲ್ಹಾನ್ ಪ್ರಾಯೆರ್ ಮ್ಹಣ್ಜೆ, 14 ವರ‍್ಸಾಂಚಾ ಪ್ರಾಯೆ ಥಾವ್ನ್ ಮೊರ್ತಾ ಪರ್ಯಾಂತ್ ತಾಣೆಂ ಗಾಯ್ಲೆಲಿಂ ಗಾಯನಾಂ, ಸಾದರ್ ಕೆಲ್ಲ್ಯೊ 'ವಿಲ್ಫಿ ನಾಯ್ಟ್' ಕಾರ‍್ಯವಳಿ ಕೊಣೀಂಯ್ ವಿಸ್ರೊಂಕ್ ಸಕ್ಚೊ ನಾಂ. ವಿಲ್ಪಿ ರೆಬಿಂಬಸಾನ್ ಆಪ್ಲ್ಯಾ ಜಿವಿತಾ ಆವ್ದೆಂತ್ ಸಂಗೀತ್ ಶೆತಾಂತ್ ಕೆಲ್ಲೆಂ ಸಾದನ್, ಕೊಂಕ್ಣಿ ಸಮಾಜೆಂತ್ ಹ್ಯಾಚ್ ಶೆತಾಂತ್ ಎದ್ದೊಳ್ ಕೊಣೆಂಯ್ ಕೆಲ್ಲೆಂನಾ ಆನಿಂ ಮುಕಾರೀ ಕೊಣಾವರ್ವಿಂ ಕರುಂಕ್ ಜಾಂವ್ಚೆನಾಂ.
ಲೋಕ್ ತಾಚಿಂ ಗಾಯನಾಂ ಆಯ್ಕೊಂಕ್ ಆತುರಾಯೆನ್ ರಾಕೊನ್ ರಾವ್ತಾಲೊ, ತಾಚ್ಯಾ ಪದಾಂಚಾ ಕೊವ್ಳ್ಯಾಂಕ್ ಆಂವ್ಡೆತಾಲೊ ಆನಿಂ ತಾಣೆಂ ಸಾದರ್ ಕರ‍್ಚ್ಯಾ ನಾಯ್ಟಾಂಕ್ ಸೊಧುನ್ ವೆತಾಲೊ. ಆನಿಂ ಅಶೆಂ ಎಕಾ ಪಾಟ್ಲ್ಯಾನ್ ಏಕ್ ಮ್ಹಣೊನ್ ಕೊಂಕ್ಣಿ ಲೋಕಾಕ್ ಅರ್ಪಿಲ್ಲ್ಯೊ ಚಾಳಿಸಾಂ ವರ್ಯ್ ಕೊಂಕ್ಣಿ ಸಂಗೀತ್ ಕೊವ್ಳ್ಯೊ ಹಿಟ್ ಜಾಲ್ಯಾತ್. ತಾಚ್ಯಾ ನಾಯ್ಟಾನಿಂ ಲೋಕ್ ಧಾದೊಶಿ ಜಾಲಾ ಮಾತ್ರ್ ನೈಂ ಟಿಕೆಟ್ ಮೆಳಾನಾತ್‌ಲ್ಲೊ ತೊ ಕಿತ್ಲೊಸೊ ಲೋಕ್ ನಿರಾಶಿ ಜಾಲಾ. ಆನಿಂ ಹ್ಯಾ ಮಹಾನ್ ಸಂಗೀತ್‍ಗಾರಾಕ್, ಕೊಂಕ್ಣಿ ಪರ್ಜೆನ್ 'ಕೊಂಕಣ್ ಕೊಗುಳ್' ಮ್ಹಳ್ಳೆಂ ಬಿರುದ್‍ಯ್ ದಿಲಾಂ. ತಾಣೆಂ ಪರ್ಗಟ್ ಕೆಲ್ಲ್ಯಾ 33 ಕೊವ್ಳ್ಯಾಂತ್ಲಿ ಸಗ್ಳಿಂ ಪದಾಂ ಸಂಗ್ರಹ್ ಕರುನ್ 'ಕೊಗುಳ್ ಗಾಯ್ತಾ' ಮ್ಹಳ್ಳೊ ಬೂಕ್ ತಾಚ್ಯಾ ಜಿವಿತಾವ್ದೆಂತ್ ಪ್ರಕಟ್ ಕೆಲಾ.
ಶ್ರೀ ವಿಲ್ಫಿ ರೆಬಿಂಬಸಾ ವಿಶಿಂ ಕಿತ್ಲೆಂ ಬರಯ್ಲ್ಯಾರೀ, ತೆಂ ಉಣೆಂಚ್. ಕೇವಲ್ ವಿಲ್ಫಿ ಮಾತ್ರ್ ನೈಂ ಆಸ್ತಾಂ, ತಾಚೆಂ ಕುಟಾಮ್‌ಚ್ ಸಂಗೀತಾನ್ ಭರ್ಲೆಲೆಂ ಜಾವ್ನಾಸಾ. ತಾಚಿ ಪತಿಣ್ ಮೀನಾ ರೆಬಿಂಬಸ್ 'ಕೊಂಕಣ್ ಮೈನಾ' ಬಿರುದಾಂಕಿತ್ ಜಾವ್ನಾಸಾ. ದೊಗಾಂ ಭುರ್ಗಿಂ ವೀಣಾ ಆನಿಂ ವಿಶ್ವಾಸ್, ಸಂಗೀತಾಚಾ ತಾಲೆಂತಾನ್ ಭರ್ಲೆಲಿಂ ಜಾವ್ನಾಸೊನ್, ಆವಯ್-ಬಾಪಾಯ್ ಸಾಂಗಾತಾ ಹಾಂಚೊಯ್ ಸುಮಧುರ್ ತಾಳೊ ಆಯ್ಕೊಂಕ್ ಮೆಳ್ಳಾ ಆನಿಂ ಅಜೂನ್ ಆಮಿಂ ಆಯ್ಕೊನ್ಂಚ್ ಆಸಾಂವ್.
ಅಸಲ್ಯಾ ಮಹಾನ್ ಕಲಾಕಾರ್, ಅಮರ್ ಶ್ರೀ ವಿಲ್ಪಿ ರೆಬಿಂಬಸಾಕ್, ಪದಾಂ ದ್ವಾರಿಂ ಸ್ಮರಣ್ ಕರ್ಚೆಂ ಕಾಮ್, ಆಮ್ಚ್ಯಾ ಮೊಗಾಚ್ಯಾ ಟಿವಿ ಚಾನೆಲ್, Daijiworld 24x7 TV ಹಾಂಣಿ ಎಕಾ ಅಪೂರ್ವ್ ಕಾರ್ಯ ಮುಕಾಂತ್ರ್ ಸಾಧ್ಯ್ ಕೆಲಾ. 'ಮ್ಹಜೊ ತಾಳೊ ಗಾಯ್ತಲೊ...' ಮ್ಹಳ್ಳೆಂ ಕೊಂಕ್ಣಿ ಟಿವಿ ರಿಯಾಲ್ಟಿ ಶೋ, Daijiworld 24x7 TVಚೆರ್ ವೆಗಿಂಚ್ ಯೆಂವ್ಚ್ಯಾರ್ ಆಸಾ. ಅಸಲ್ಯಾ ಎಕಾ ವಿಶಿಷ್ಟ್ ಕಾರ್ಯ ಮುಕಾಂತ್ರ್ ಅಮರ್ ಅಮರ್ ಶ್ರೀ ವಿಲ್ಪಿ ರೆಬಿಂಬಸಾಕ್ ಶೃದ್ಧಾಂಜಲಿ ದಿಂವ್ಚೆಂ ಕಾಮ್ Daijiworld 24x7 TV ಮಾಂಡುನ್ ಹಾಡ್ಚೆಂ ವ್ಹಡಾ ಹೊಗ್ಳಿಕೆಕ್ ಫಾವೊ.
ಥೊಡಿ ಗರ್ಜೆಚಿ ಮಾಹೆತ್:
- ಪಂದ್ರಾ ವರ್ಸಾಂ ವಯ್ಲ್ಯಾ ಕ್ರೀಸ್ತಾಂವ್ ವ್ಯಕ್ತಿಂನಿ ಹಾಂತುನ್ ಪಾತ್ರ್ ಕಾಣ್ಘೆವ್ಯೆತಾ
- ವಿಲ್ಫಿನ್ ರಚ್‍ಲ್ಲಿಂ ಪೊದಾಂ ಮಾತ್ರ್ ತಾಂಣಿ ಗಾವ್ಯೆತಾ
- ವಿಲ್ಫಿ ನಾಯ್ಟ್ ಕಾರ್ಯವಳಿಂನಿ ವ ಕೊವ್ಳ್ಯಾಂನಿ ಗಾಯನ್ ಕೆಲ್ಲ್ಯಾಂಕ್ ಅವ್ಕಾಸ್ ಆಸ್ಚೊ ನಾ.
- ವ್ಹಡಾ ಮಟ್ಟಾಚಾ ಗಾಯನ್ ಸ್ಪರ್ಧ್ಯಾಂತ್ ವಿಜೇತ್ ಜಾಲ್ಲ್ಯಾಂಕ್ ಅವ್ಕಾಸ್ ಆಸ್ಚೊ ನಾ.
- ತೆಗಾಂ ವಿಜೇತಾಂಕ್ ಬಹುಮಾನ್ ಆನಿ ಇನಾಮಾಂ ಲಾಭ್ತೆಲಿಂ
ದೋನ್ ಹಂತಾನಿ ತಾಳ್ಯಾ ಪರೀಕ್ಷಾ ಚಲ್ತೆಲಿ. ಮಂಗ್ಳುರಾಂತ್ ಅಗೋಸ್ತ್ 27ವೆರ್, Forum Fiza Mall, 2nd Floor, Pandeshwar Roa ಹಾಂಗಾಸರ್ ಆನಿ ಉಡುಪಿಂತ್ ಸಪ್ತೆಂಬರಾಚ್ಯಾ 3 ತಾರಿಕೆರ್ Don Bosco Hall, Mother of Sorrows Church, Udupi - ಹಾಂಗಾಸರ್ ಚಲ್ತೆಲಿ.
ಚಡಿತ್ ವಿವರಾಕ್ ಸಂಪರ್ಕ್ ಕರಾ: 0091 - 7899920946
Tags:
Mangaluru: Now, Konkani TV reality show on Wilfy's songs - 'Mojho Tallo Gaitalo', Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
-
-
-
-
3/14/2019 'ಚಂದ್ರ್ ಆನಿ ತಾರಾಂ' ಪುಸ್ತಕ್ ಮೊಕ್ಳಿಕ್...
-
10/29/2018 'ಸಂಸ್ಕೃತಿ ಆನಿ ಸಂಭ್ರಮ್' - ಪುಸ್ತಕ್ ಉಗ್ತಾವಣ್...
-
10/9/2018 ದುಬಾಂಯ್ತ್ ''ಗೀತ್ ಗಜಾಲ್''...
-
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.