From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಮೊರ್ನಾಚ್ಯಾ ರಿಸ್ಕೆರ್ ಆಸ್ಲ್ಲ್ಯಾಂಕ್ ವಾಂಚಂವ್ಚೆಂ ನಾಕಾ?
Saturday, April 20, 2019 / By Adminಬರಯ್ಣಾರಾ ವಿಶಿಂ ಜಾಣಾ ಜಾ...
ನವೆಂಬರ್ ಮ್ಹಯ್ನೊ ಆಮ್ಕಾಂ ಆಮ್ವ್ಯಾ ಮರಣ್ ಪಾವ್ಲೆಲ್ಯಾ ಮಾಲ್ಘಡ್ಯಾಂಚೊ ಉಡಾಸ್ ಹಾಡ್ತಾ. ಜೀವ್ ಆಸ್ತಾನಾ ತಾಂಕಾ ಮಾನ್ ದೀನಾತ್ಲ್ಯಾರೀ, ವಾ ತಾಂಕಾ ಆನಿಕೀ ಥೊಡಿಂ ವರ್ಸಾಂ ಜಿಯೆಂವ್ಕ್ ಅವ್ಕಾಸ್ ದಿವ್ಯೆತ್ ಆಸ್ಲ್ಲೊ ತರೀ ದೀಂವ್ಕ್ ನಾ ತರೀ, ತಾಂಚೆ ಫೊಂಡ್ ಸುಂರ್ಗಾರಾಯ್ತಾಂವ್, ಮೀಸ್ ದಿತಾಂವ್. ಪುಣ್, ಆತಾಂ ನಿರಂತರ್, ಎಕಾ ಪಾಟ್ಲ್ಯಾನ್ ಏಕ್ ಮೊರ್ನಾಂ ಜಾಯ್ತ್ ಆಸಾತ್ - ಆಮ್ಚ್ಯಾ ಇಸ್ಕೊಲಾಂಚಿಂ!!! ತಾಂಚೆ ಫೊಟೆ ಪೇಪರಾನಿಂ ಆನಿ ಅಂತರ್ಜಾಳಾಂನಿ ಯೇನಾಂತ್, ತಾಂಕಾ ಶ್ರದ್ದಾಂಜಲಿ ಸಯ್ತ್ ನಾಸ್ತಾಂ ಗುಪಿತ್ ಮೊರ್ನಾಚಿ ರೀತ್ ಚಲ್ತಾ. ಕೇಂದ್ರ್ ಕೊಂಕ್ಣಿ ಸಾಹಿತ್ ಅಕೆಡೆಮಿ ಸಾಹಿತ್ ಪುರಸ್ಕಾರ್ ಜೊಡ್ಲ್ಲೊ ಪಯ್ಲೊ ಮಂಗ್ಳೂರ್ಗಾರ್ ಸಾಹಿತಿ ಜೆ.ಬಿ. ಮೊರಾಯಸಾನ್ ಶಿಕ್ಲ್ಲೆಂ (ಹಾಂವ್ಯೀ ಶಿಕ್ಲ್ಲೊ) ನಿಡ್ಡೋಡಿ ಜೆಜುಚ್ಯಾ ಲ್ಹಾನ್ ಫುಲಾಚೆಂ ಇಸ್ಕೋಲ್, ತಸೆಂಚ್ ಹಾಂವ್ ಲಾನ್-ವ್ಹಡ್ ಜಾಲ್ಲ್ಯಾ ಗಾಂವಾಂತ್ ಆಸ್ಲ್ಲೆಂ ಕಿರೆಂ ಫಿರ್ಗಜೆಚ್ಯಾ ಅಧೀನ್ ಆಸ್ಲ್ಲೆಂ ಕುದ್ರಿಪದವ್ - ಪಟ್ಟೆ ಪೊಂಪೈ ಇಸ್ಕೋಲ್ ಬಂದ್ ಜಾವ್ನ್ ಸಬಾರ್ ಕಾಳ್ ಜಾಲ್ಲೊ ತರೀ ಕಳಿತ್ ಜಾಲ್ಲೆಂ ಥೊಡ್ಯಾಚ್ ತೇಂಪಾ ಆದಿಂ. ಅಸಲಿಂ ಸಬಾರ್ ಇಸ್ಕೊಲಾಂ ಮರಣ್ ಪಾವ್ಲಲಿ ಖಬಾರ್ ಮೆಳ್ಚಿ ಸರ್ಟಿಫಿಕೆಟ್ ಜಾಯ್ ಮ್ಹಣ್ ವೆತಾನಾ ವಾ ಕಿತೇಂಯ್ ಕುಮೊಕ್ ದಿಂವ್ಯಾ ಮ್ಹಣ್ ವೆತಾನಾ!
ಅವಿಭಾಜಿತ್ ಮಂಗ್ಳೂರ್ ದಿಯೆಸೆಜಿಂತ್ ಪವಿತ್ರ್ ಸಭೆಚಿ ಅಸ್ಮಿತಾಯ್ ಆನಿ ಆಸ್ತ್ ಆಮ್ಚಿಂ ಇಸ್ಕೊಲಾಂ. ಆತಾಂ ತಾಂಚಿ ಗತ್ ಆಕುಡ್ಲೆಲ್ಯಾ ಗಾಯೆಪರಿಂ ಜಾಲ್ಯಾ. ಗಾಯ್ಚೆಂ ಜಾಲ್ಯಾರ್ ಶೆಣ್ ಪುಣೀ ಮೆಳ್ತಾ, ಪೂಣ್ ಅನುದಾನಿತ್ ಕನ್ನಡ್ ಮಾದ್ಯಮ್ ಇಸ್ಕೊಲಾಂ ಥಾವ್ನ್ ಆರ್ಥಿಕ್ ಲಾಬ್ ನಾ ಮ್ಹಣ್ಚ್ಯಾ ಚಿಂತ್ಪಾನ್ ತಾಂಕಾ ಉರೊನ್ ಘೆಂವ್ಕ್ ಪ್ರಯತ್ನ್ ಆಡಳಿತ್ ಮಂಡಳಿ ಥಾವ್ನ್ ಜಾಂವ್ಚೆಂ ಬೋವ್ ಥೊಡೆಂ.
ಹರ್ಯೇಕ್ ರಾಜ್ಕಾರಣಿ, ಪ್ರಧಾನಿ ಥಾವ್ನ್ ಚಪ್ರಾಸಿ ಪರ್ಯಾಂತ್, ಬಿ.ಜೆ.ಪಿ. ಥಾವ್ನ್ ಕಮ್ಯುನಿಸ್ಟ್ ಪರ್ಯಾಂತ್, ಮೊಠಾಚೊ ಸಮ್ಗೊಳ್ ಥಾವ್ನ್ ಸರ್ಕಾರಿ ಅಧಿಕಾರಿ ಸಯ್ತ್, ಆಮ್ಚ್ಯಾ ಕಾರ್ಯಕ್ರಮನಿಂ ಸೈರೆ ಜಾವ್ನ್ ಆಪಾಯ್ಲ್ಯಾರ್ ಭಲಾಯ್ಕಿ ಆನಿ ಶಿಕ್ಪಾ ಕ್ಷೇತ್ರಾಕ್ ಕ್ರೀಸ್ತಾಂವಾನಿಂ ದಿಲ್ಲಿ ದೆಣ್ಗಿ ಹೊಗಳ್ಸಿತಾತ್. ಆಜ್ ದ.ಕ. ಆನಿ ಉಡ್ಪಿ ಜಿಲ್ಲೆ ಆರ್ಥಿಕ್, ಶೈಕ್ಶಣಿಕ್ ಆನಿ ಸಾಮಾಜಿಕ್ ಹಂತಾರ್, ಮುಕಾರ್ ಪಾವ್ಲೆಲ್ಯಾ ಯುರೋಪ್ ದೇಶ್ಯಾಂಚ್ಯಾ ಹಂತಾರ್ ಅಸಾತ್. ಹಾಕಾ ಕಾರಣ್ ಹಾಂಗಾಚ್ಯಾ ಪವಿತ್ರ್ ಸಭೆನ್ ದಿಲ್ಲಿ ಶಿಕ್ಪಾ ಸೆವಾ.
ಮಂಗ್ಳೂರ್ ದಿಯೆಸೆಜಿಂತ್ ಶತಮಾನ್ ಸಂಪಯಿಲ್ಲ್ಯಾ ಇಸ್ಕೊಲಾಂಚಿ ಮಾಹೆತ್ ತಾಕ್ಡೊ- 1 ಆನಿ ಉಡ್ಪಿ ದಿಯೆಸೆಜಿಚಿ ಮಾಹೆತ್ ತಾಕ್ಡೊ - 2 ಹಾತುಂ ದಿಲ್ಯಾ. ಹಾಚೆ ಪಯ್ಕಿಂ 316 ವರ್ಸಾಂ ಸಂಪಯಿಲ್ಲೆಂ ಮೊಡಾಂಕಾಪ್ ಇನ್ಪೇಂಟ್ ಜೀಸಸ್ ಇಸ್ಕೊಲ್ ಆಸಾ, ಆನಿ ಸುಮಾರ್ ಇಸ್ಕೊಲಾನಿಂ 150 ವರ್ಸಾಂ ಸಂಪಯ್ಲ್ಯಾಂತ್.
ಶತಮನೋತ್ಸವ್ ಸಂಪಯಿಲ್ಲಿಂ 25 ಇಸ್ಕೊಲಾಂ ಮಂಗ್ಳೂರ್ ಆನಿ 13 ಇಸ್ಕೊಲಾಂ ಉಡ್ಪಿ ದಿಯೆಸಿಜಿಂತ್ ಆಸಾತ್. ಭಾಂಗಾರೋತ್ಸವ್ ಸಂಪಯಿಲ್ಲಿಂಸಬಾರ್ ಹೈಸ್ಕೂಲಾಂ ಆಸಾತ್. ಧಾರ್ಮಿಕ್ ಭಯ್ಣಿಂಚಿಂ ಆನಿ ಜೆಜ್ವಿತಾಂನಿ ಚಲಾಂವ್ಚ್ಯಾ ಇಸ್ಕೊಲಾಂಚೊ ವಿವರ್ ಹಾಂತುಂ ನಾ.
ಹ್ಯಾ ಮಾಲ್ಗಡ್ಯಾ ಇಸ್ಕೊಲಾಂನಿ ಶಿಕ್ಲ್ಲಿಂ ಭುರ್ಗಿಂ ಆನಿ ತಾಂಚಿ ಪಿಳ್ಗಿ ಆರ್ಥಿಕ್ ಜಾವ್ನ್ ಸುದ್ರಡ್ ಜಾಲ್ಯಾ. ಜಾತ್, ಕಾತ್ ಲೆಕಿನಾಸ್ತಾಂ ಬರೆಂ ಶಿಕಾಪ್ ಹ್ಯಾ ಸಂಸ್ಥ್ಯಾಂನಿ ದಿಲಾಂ. ಆಜ್ ತಾಂಚಿ ಪರಿಗತ್ ಭಾರಿಚ್ ವಾಯ್ಟ್ ಆಸಾ. ಹಿಂ ಇಸ್ಕೊಲಾಂ ಚಲವ್ನ್ ಕಾಂಯ್ ಲಾಭ್ ನಾ, ಆಮ್ಚಿಂ ಭುರ್ಗಿಂ ಥಂಯ್ ಶಿಕಾನಾಂತ್, ಪೇಂಡ್ ಘಾಲ್ಯಾರೀ ದೂದ್ ಮೆಳಾನಾ... ಅಸಲೆಂ ಚಿಂತಾಪ್ ಆಮ್ಚ್ಯೆ ಮೊದೆಂ ಅಸಾ. ಅಸಲಿಚ್ ಗತ್ ವೆಗಿಂಚ್ ಆಮ್ಚ್ಯಾ ಕರ್ನಾಟಕ ಬೋರ್ಡಾಚ್ಯಾ ಇಂಗ್ಲೀಶ್ ಮಾದ್ಯಮ್ ಇಸ್ಕೊಲಾಂಕ್ ಯೆತಾಲಿ, ಕಿತ್ಯಾಕ್ ಆಜ್ ಸಕ್ಡಾಂಕ್ ಸೆಂಟ್ರಲ್ ಆನಿ ಇಂಟರ್ನೇಶನಲ್ ಇಸ್ಕೊಲಾಂಚ್ ಜಾಯ್ಜಾಯ್.
ಆಮ್ಚಿಂ ಇಸ್ಕೊಲಾಂ ಆಮ್ಚ್ಯಾ ಪವಿತ್ರ್ ಸಭೆಚಿ ಆಸ್ತ್. ತಿಚೆಂ ಮೋಲ್ ದುಡ್ವಾನ್ ಮೆಜ್ಚೆಂ ನ್ಹಯ್. ತಿಂ ಆಮ್ಚ್ಯಾ ಘರ್ಚ್ಯಾ ಮಾಲ್ಘಡ್ಯಾಂ ಪರಿಂ. ಕಿತ್ಲೊ ತೇಂಪ್ ಸಾದ್ಯ್ ಆಸಾ ತಿತ್ಳೊ ಕಾಳ್ ತಾಂಕಾ ಆಮ್ಚ್ಯಾ ಮೊದೆಂ ಉರೊವ್ನ್ ಘೆಂವ್ಯಾ. ತಾಣಿ ಆಮ್ಚ್ಯಾ ಸಮುದಾಯಕ್ ಆನಿ ಸಮಾಜೆಕ್ ಗಿರೇಸ್ತ್ ಕೆಲಾಂ. ಆಜ್ ಹ್ಯಾ ಇಸ್ಕೊಲಾಂನಿಂ ಶಿಕಾಪ್ ಜೊಡ್ಚಿಂ ಜಾವ್ನ್ ಆಸಾತ್ ದುಬ್ಳಿಂ, ದಲಿತ್, ನಿರ್ಗತಿಕ್, ಅಲೆಮಾರಿ ಅನಿ ಝೊಂಪ್ಡ್ಯಾಂನಿ ಜಿಯೆಂವ್ಚಿಂ. ತಾಂಕಾ ಶಿಕ್ಶಿತ್ ಕರ್ಚೆಂ ಮ್ಹಳ್ಯಾರ್ ತೆಂ ಪವಿತ್ರ್ ಸಭೆಚೆಂ ಮಿಸಾಂವ್ ಜಾರಿ ಕರ್ಚೆಂ ಜಾವ್ನ್ ಅಸಾ. ಭಾರಾತಾಚ್ಯಾ ಭಿಸ್ಪಾಂಚ್ಯಾ ಮಂಡಳಿಚ್ಯಾ ಶಿಕ್ಪಾ ನಿತಿಕ್ ಹೆಂ ಪೂರಕ್. ಹಿಂ ಭುಗಿಂ ಆನಿ ತಾಂಚಿಂ ವ್ಹಡಿಲಾಂ ವಿವಿಧ್ ಧರ್ಮ್ ಆನಿ ಜಾತಿಂ ಮಧೆಂ ಸಂಬಂಧ್ ಆನಿ ಸಂಪರ್ಕ್ ದವರುಂಕ್ ಅವ್ಕಾಸ್. ಹಿಂ ಇಸ್ಕೊಲಾಂ ಅನುದಾನಿತ್ ಜಾವ್ನ್ ಆಸಾತ್, ತಾಂಕಾ ದೆಕುನ್ ಉರೊವ್ನ್ ಘೆಂವ್ಚೆಂ ಚಡ್ ಕಷ್ಟ್ ನ್ಹಯ್. ಫಕತ್ ಬರೆಂ ಮನ್ ಜಾಯ್.
ಹಿಂ ಇಸ್ಕೊಲಾಂ ಕಸಿಂ ಉರೊವ್ನ್ ಘೆಂವ್ಚಿಂ?
1. ಹ್ಯಾ ಇಸ್ಕೊಲಾಂ ಸಾಂಗಾತಾ ಫಿರ್ಗಜಿಂತ್ ಹೆರ್ ಆದಾಯ್ ದಿಂವ್ಚೆ ಶಿಕ್ಷಣ್ ಸಂಸ್ಥೆ ಆಸಾತ್ ತರ್ ವಾ ಆಅದಾಯಾಚಿಂ ಹೆರ್ ಮೂಳಾಂ (ಬಾಂದ್ಪಾ, ಸಾಲಾಂ) ಆಸಾತ್ ತರ್ ತಾಂತ್ಲೊ ಥೊಡೊ ವಾಂಟೊ ಹ್ಯಾ ಸಂಸ್ಥ್ಯಾಂ ಖಾತೀರ್ ವಿಂಗಡ್ ದವರ್ಯೆತ್.
2. ಇಸ್ಕೊಲಾಂನಿಂ ಭುರ್ಗ್ಯಾಂಚೊ ಸಂಖೊ ಚಡಂವ್ಕ್ ಪ್ರಯತನ್ ಕರ್ಚೆಂ. ದೊನ್ಪಾರಾಂ ಜೆವಾಣ್, ಯುನಿಫಾರ್ಮ್, ಸೈಕಲ್ ಇತ್ಯಾದಿ ಸರ್ಕಾರ್ ದಿತಾ. ಫಿರ್ಗಜಿಚ್ಯಾ ಅಧೀನ್ ಆಸ್ಚ್ಯಾ ಪ್ರಾಥಮಿಕ್ ಇಸ್ಕೊಲಾಂಚಿ ಭುರ್ಗಿಂ ಹಾಂಗಾಚಾಚ್ ಇಸ್ಕೊಲಾಕ್ ಯೆಂವ್ಚ್ಯಾ ಪರಿಂ ಪಳೆಂವ್ಚೆಂ. ಥೊಡ್ಯಾ ಶಿಕ್ಶಕಿಂಕ್ ಬುರ್ಗ್ಯಾಂಚೆರ್ ಮಾಗಿರ್ ಮೋಗ ಸುರು ಜಾತಾ ಆನಿ ತಾಂಕಾ ಇಂಗ್ಲಿಶ್ ಮಾದ್ಯಮ್ ಇಸ್ಕೊಲಾಕ್ ವಚೂಂಕ್ ವ್ಹಡಿಲಾಂಕ್ ಸಾಂಗ್ತಾತ್. ತಸಲ್ಯಾ ಶಿಕ್ಶಕಿನಿಂ ಪಾಂಚ್ವೆ ಕ್ಲಾಸಿಂತ್ ಬುರ್ಗ್ಯಂಕ್ ತರ್ಭೆತಿ ದಿಲ್ಯಾರ್ ಸವೆ ಕ್ಲಾಸಿ ಥಾವ್ನ್ ಮೊರಾರ್ಜಿ ದಿಸಾಯಿ ಸೆಂಟ್ರಾಲ್ ಇಸ್ಕೊಲಂತ್ ದರ್ಮಾರ್ತ್ ಪ್ರಾವೇಶ್ ಲಾಬ್ತಾ.
3. ಹ್ಯಾ ಇಸ್ಕೊಲಾಂಕ್ ನವಿಂ ಬಾಂಧ್ಪಾಂ ಬಾಂದಂವ್ಕ್ ದಾನಿ ಲಾಗ್ಚೊ ದುಡು ಜಾಮಾಂವ್ಚೊ ನ್ಹಯ್. ಬದ್ಲಾಕ್ ಹ್ಯಾ ಪುರಾತಾನ್ ಇಸ್ಕೊಲಾಂನಿ ಶಿಕ್ಲಾಲ್ಯಾಂಚಿಂ ಭುರ್ಗಿಂ, ನಾತ್ರಾಂ, ಪೊಣ್ತುರಾಂ, ಹಾಂಕಾ ಸಂಪರ್ಕ್ ಕರುನ್ ಶಿಕ್ಶಕಂಕ್ ಸಾಂಬಾಳ್, ಭುರ್ಗ್ಯಾಂಕ್ ಬೂಕ್, ಪಯ್ಣಾಕ್ ಆಧಾರ್ ಆನಿ ಇತರ್ ಸವ್ಲತಾಯೊ ದಿಂವ್ಕ್ ಆರ್ಥಿಕ್ ಮಜತ್ ಜಮಾಂವ್ಚಿ.
4. ಅಸಲ್ಯಾ ಭುರ್ಗ್ಯಾಂಕ್ ಶಿಕ್ಪಾ ಕುಮೊಕ್ ಕರುಂಕ್ ಬೊರ್ಯಾ ಮೊನಾಚಿಂ, ಆಮ್ಚ್ಯಾ ಸಮುದಾಯಾಂತ್ ಆಸಾತ್, ತಾಂಚೊ ಸಹಕಾರ್ ಘೆಂವ್ಚೊ.
5. ಹೊ ವಾವ್ರ್ ಆತಾಂ ಶಿಕ್ಶಕಾಂ ತಾಂಚ್ಯಾ ಕಾಮಾಚ್ಯಾ ಭದ್ರತೆ ಖಾತೀರ್ ಕರುನ್ ಆಸಾತ್. ಪೂಣ್ ತಿಂ ನಿವ್ರತ್ತಿ ವಾ ವರ್ಗಾವಣ್ ಜಾತಾನಾ ಹೊ ವಾವ್ರ್ ರಾವ್ತಾ. ಹೊ ವಾವ್ರ್ ಸ್ಥಳೀಯ್ ಆಡಳಿತ್ ಮಂಡಳಿನ್, ಆದ್ಲ್ಯಾ ಭುರ್ಗ್ಯಾಂಚ್ಯಾ ಸಂಘಟನಾ ಮಾರಿಫಾತ್ ಕರಿಜಾಯ್.
ಆಮ್ಚಿಂ ಅನುದಾನಿತ್ ಇಸ್ಕೊಲಾಂ ಪವಿತ್ರ್ ಸಭೆಚಿ ಖರಿ ಆಸ್ತ್ ಆನಿ ಅಸ್ಮಿತಾಯ್. ಸಬಾರ್ ಮೆಲ್ಯಾಂತ್, ಥೊಡಿಂ ಮರ್ಣಚ್ಯಾ ರಿಸ್ಕೆರ್ ಅಸಾತ್. ಮೆಲ್ಲ್ಯಾಂಕ್ ಸಾಸ್ಣಿಕ್ ವಿಶೆವ್ ಮಾಗ್ತಾನಾ, ಹೆರಾಂಕ್ ಸಾದ್ಯ್ ಆಸಾ ತೆದೊಳ್ ಮ್ಹಣಾಸರ್ ಆಮ್ಚೆ ಮದೆಂ ಜೀವಂತ್ ಉರೊಂವ್ಕ್ ಪ್ರಯತ್ನ್ ಕರ್ಯಾಂ. ಹ್ಯಾ ಇಸ್ಕೊಲಾಂನಿ ಆಮ್ಚ್ಯಾ ಸಮೂದಾಯಾಕ್, ಗಾಂವಾಕ್ ಆನಿ ದೇಶಾಕ್ ಕೆಲೆಲ್ಯಾ ಆಧಾರಾಚೊ ಉಡಾಸ್ ಕಾಡುಯಾಂ. ಆಮ್ಚ್ಯಾ ಸಮುದಾಯಾ ಥಾವ್ನ್ ಜಾಲ್ಲೆಲೆ ಚಡಾವತ್ ಭಿಸ್ಪ್, ಯಾಜಕ್ ಆನಿ ಧಾರ್ಮಿಕ್ ಭಯ್ಣಿಂ, ಅನುದಾನಿತ್ ಕನ್ನಡ ಮಾಧ್ಯಮಾಂತ್ ಶಿಕ್ಲಲಿಂ ಜಾವ್ನ್ ಆಸಾತ್. ಹ್ಯಾ ಇಸ್ಕೊಲಾಂನಿ ಶಿಕ್ಲೆಲೆ ಆನಿ ತಾಂಚಿ ಪಿಳ್ಗಿ ದೇಶ್ವಿದೇಶಾಂತ್ ಪರ್ಜಳ್ತಾ. ತಾಂಚ್ಯಾ ಸಹಕಾರಾನ್ ಮೋನ್ ಕೆಲ್ಯಾರ್ ಹಿಂ ಇಸ್ಕೊಲಾಂ ಉರಾವ್ಯೆತ್.
Tags:
Mangalorean Catholic Schools, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *
|
-
-
-
-
-
12/6/2020 ಪ್ರವೀಣ್ ತಾವ್ರೊ, ಕುಲ್ಶೇಕರ್ ಆಸ್ತ್ ........
-
-
-
-
-
-
-
-
-
4/26/2020 ವಿವಿಧ್ ಮುಳಾಂ ಥಾವ್ನ್ ಹೆಲಿಕಾಪ್ಟರ್ ಮನಿ...
-
2/5/2020 ಸನ್ನು, ನಿಡ್ಡೋಡಿ. ಕಾಜಾರ್ ಕೆದಾಳಾ..?...
-
9/30/2018 ಹೆರೊಲ್ಪಿಯುಸ್ ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
-
-
-
0 Comment/s.