From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಕಾಜಾರಿ ಜಿವಿತ್ ಕಶೆಂ ಸುಖಿ ಕರ್ಯೆತ್?
Sunday, October 29, 2017 / By Adminಎಲ್ಲು ಬೊಬಾಟ್ತಾ, ''ಮ್ಹಜೊ ಘೊವ್ ಸಿಲಾ, ಕಾಸಾಕ್ ಪೇಜನ್ ನಾತ್ಲ್ಲೊ. ಹಾಚೆಲಾಗಿಂ ಕಾಜಾರ್ ಜಾಂವ್ಚೆ ಬದ್ಲೆಕ್ ತ್ಯಾ ತಳ್ಟ್ಯಾಲಾಗಿಂ ಜಾಲ್ಲಿಂ ತರ್ ಚಾರ್ ಇರ್ವೊಳ್ ಖಾವ್ಯೆತೆ....''
''ಹಾಯ್ ದೆವಾ, ಹಾಂವೆಂ ಕಿತೆಂ ಗುನ್ಯಾಂವ್ ಕೆಲ್ಲೊ ಮ್ಹಣ್ ಮ್ಹಾಕಾ ಹಾಚ್ಯಾ ಹರ್ದ್ಯಾರ್ ಘಾಲ್ಲೆಯ್? ಹೆಂ ಕಾಜಾರ್ ಮ್ಹಾಕಾ ನಾಕಾಚ್ ಆಸ್ಲ್ಲೆಂಮೂ ಸಾಯ್ಬಾ....'' ಕಾರ್ಮಿಣ್ ಸುಸ್ಕಾರ್ತಾ.
ತುವೆಂ ಕೆದಾಳಾ ತರ್'ಯಿಂ ಎಲ್ಲುಪರಿಂ ಬೊಬಾಟ್ ಮಾರ್'ಲ್ಲಿ ಆಸಾಗಿ? ಯಾ ಕಾರ್ಮಿಣಾಪರಿಂ ರುದಾನ್ ಕೆಲ್ಲೆಂ ಆಸಾಗಿ?
ಆಸಾ ತರ್ ತುಜೆಂಯೀ ಕಾಜಾರಿ ಜಿವಿತ್ ಎಲ್ಲುಪರಿಂ ಯಾ ಕಾರ್ಮಿಣಾಪರಿಂ ನಿರಾಶಾಚೆಂ, ದುಕಾಚೆಂ ಜಾಲಾಂ ಮ್ಹಣ್ ಜಾಲೆಂ.
'ಕಾಜಾರ್ ಮ್ಹಳ್ಯಾರ್ ಖೆಳ್ ನ್ಹಂಯ್, ಫುಲಾಂಚಿ ಗಜ್ಡಿ ನ್ಹಂಯ್...' ಅಶೆಂ ಮ್ಹಣ್ ಚಡಾವತ್ ರೆಸ್ಪೆರಾದೀಸ್ ಪುಲ್ಪುತ್ರಿಥಾವ್ನ್ ಆಯ್ಕೊಂಕ್ ಮೆಳ್ತಾ. ತರ್ ಕಾಜಾರ್ ಕಿತ್ಯಾಕ್ ಖೆಳ್ ನ್ಹಂಯ್? ಕಿತ್ಯಾಕ್ ಫುಲಾಂಚಿ ಗಜ್ಡಿ ನ್ಹಂಯ್?
ಭೋವ್ಶಾ ಚಡಾವತ್ ಕಾಜಾರಿ ಜೊಡಿಂ ಹ್ಯಾ ಸವಾಲಾಕ್ ಸುಡಾಳ್ ಜಾಪ್ ದೀಂವ್ಕ್ ಸಕ್ತಾತ್. ಪುಣ್ ಜಾಯ್ತಿಂ ಜೊಡಿಂ ಆಪ್ಲಿ ಕಾಜಾರಿ ಜೀಣ್ ಫುಲಾಂಚೆ ಗಜ್ಡೆ ಪ್ರಾಸ್ ಮೊವಾಳ್ ಆನಿ ರೊಸಾಳ್ ಕರ್ನ್ 'ಆದರ್ಶ್ ಜೊಡೆಂ' ಜಾಂವ್ಕ್ ಪಾವ್ತಾತ್. ತರ್ ಕಾಜಾರಿ ಜಿವಿತ್ ಕಶೆಂ ಸುಖಿ ಕರ್ಯೆತ್?
ಆಯ್ಲೆವಾರ್ ಹ್ಯೆ ವಿಶಿಂ ಚಲ್ಲ್ಲ್ಯಾ ಎಕಾ ಸಮೀಕ್ಷೆಂತ್, ಸುಮಾರ್ 35 ಠಕ್ಕೆ ವೆಕ್ತಿಂನಿ ಕಾಜಾರಿ ಜೊಡ್ಯಾ ಮಧೆಂ ಸೊಸ್ಣಿಕಾಯ್ - ಸಮಾಧಾನ್ ಭೋವ್ ಗರ್ಜೆಚ್ಯೊ ಸಂಗ್ತಿ ಮ್ಹಳ್ಳಿ ಜಾಪ್ ದಿಲ್ಯಾ ತರ್ 31 ಠಕ್ಕೆ ವೆಕ್ತಿಂನಿ ಕಾಜಾರಿ ಜಿವಿತಾಂತ್ ಆರ್ಥಿಕ್ ಅಡ್ಚಣ್ ಆಸೊಂಕ್ ನಜೊ ಮ್ಹಳ್ಳಿ ಅಭಿಪ್ರಾಯ್ ಉಚಾರ್ಲ್ಯಾ. 26 ಠಕ್ಕೆ ವೆಕ್ತಿಂನಿ ಎಕಾಮೆಕಾ ಸಮ್ಜೊನ್ ಘೆವ್ನ್ ಹೊಂದೊನ್ ಜಿಯೆಂವ್ಚೆಂ ಗರ್ಜೆಚೆಂ ಮ್ಹಣ್ ಸಾಂಗ್ಲಾಂ.
ಕಾಜಾರಿ ಜಿವಿತ್ ಕಿತ್ಯಾಕ್ ಸಲ್ವಣಿ ಆಪ್ಣಾಯ್ತಾ, ಮ್ಹಳ್ಳ್ಯಾ ಸವಾಲಾಕ್ 47 ಠಕ್ಕೆ ವೆಕ್ತಿಂನಿ 'ಆರ್ಥಿಕ್ ಅಡ್ಚಣ್' ಮ್ಹಣ್ ಜಾಪ್ ದಿಲ್ಯಾ. 20 ಠಕ್ಕೆ ವೆಕ್ತಿಂನಿ ಅಮಾಲ್ ಪಿಯೊಣೆಂ ಆನಿ ಹೆರ್ ವಾಯ್ಟ್ ಸವಯೊ ಕಾಜಾರಿ ಜೀಣ್ ದೆಸ್ವಾಟಾಯ್ತಾತ್ ಮ್ಹಣ್ ಅಭಿಪ್ರಾಯ್ ಉಚಾರ್ಲ್ಯಾರ್, 14 ಠಕ್ಕೆ ವೆಕ್ತಿಂನಿ, ಜೊಡ್ಯಾನ್ ಎಕಾಮೆಕಾ ಫಟಂವ್ಚೆಂಚ್ ಕಾಜಾರಿ ಜಿವಿತ್ ಫುಟೊಂಕ್ ಕಾರಣ್ ಜಾತಾ ಮ್ಹಣ್ ಕಳಯ್ಲಾಂ.
ಎಕೆಕ್ಲ್ಯಾಂಚಿ ಎಕೇಕ್ ಅಭಿಪ್ರಾಯ್. ಪುಣ್ ಸತ್ ಹ್ಯಾ ಸರ್ವ್ ಜಾಪಿಂ ಮಧೆಂ ಲಿಪೊನ್ ಆಸಾ. ಆರ್ಥಿಕ್ ರಿತಿನ್ ಘಟ್ ಆಸ್ಲ್ಲೆಂ ಜೊಡೆಂ ಎಕಾಮೆಕಾವಯ್ಲ್ಯಾ ನಾ ಪಾತ್ಯೆಣೆನ್ ಫಾಸ್ಳಾತಾ ತರ್, ಅಮಾಲ್ ಯಾ ಹೆರ್ ವಾಯ್ಟ್ ಸವಯೊ ನಾತ್ಲ್ಲೆಂ ಜೊಡೆಂ ಪಯ್ಶಾಂವಿಣೆಂ ವಳ್ವಳ್ತಾ. ಎಕೆಕಾ ಕಾಜಾರಿ ಜಿಣ್ಯೆಂತ್ ಎಕೆಕ್ ರಿತಿಚೊ ಖುರಿಸ್ ಮೆಳ್ತಾಚ್ ದೆಕುನ್ ಕಾಜಾರ್ ಫುಲಾಂಚಿ ಗಜ್ಡಿ ನ್ಹಂಯ್.
ಪುಣ್ ಆನ್ಯೇಕ್ ಸಮೀಕ್ಷೆ ಥಾವ್ನ್ ಸೊಧುನ್ ಕಾಡ್ಲ್ಲೆ ಪ್ರಕಾರ್, ಆಂಕ್ವಾರ್ ದಾದ್ಲ್ಯಾಂ ಪ್ರಾಸ್ ಕಾಜಾರಿ ದಾದ್ಲೆ ಸುಡಾಳ್, ಕುಡಿ ಆನಿ ಅತ್ಮ್ಯಾಚ್ಯಾ ಭಲಾಯ್ಕೆಚೆ ಆಸ್ತಾತ್ ಖಂಯ್. ತಶೆಂಚ್ ಕಾಜಾರಿ ಸ್ತ್ರೀಯೊ ಆಂಕ್ವಾರಿ ಸ್ತ್ರೀಯಾಂ ಪ್ರಾಸ್ ಚಡ್ ಚುರುಕ್ ಆಸ್ತಾತ್ ಖಂಯ್.
ತರ್ ಕಾಜಾರಿ ಜೀಣ್ ಫುಲಾಂಚಿ ಗಜ್ಡಿ ಕರ್ಯೆತ್ ಮ್ಹಣ್ ಜಾಲೆಂ. ಪುಣ್ ಕಶಿ ಕರ್ಚಿ?
ಕಾಜಾರಿ ಜೀಣ್ ಸುಖ್ ತೃಪ್ತೆಚಿ ಜಾಯ್ಜೆ ತರ್, ಘೊವ್ ಬಾಯ್ಲೆ ಮಧ್ಲೊ ಸಂಬಂಧ್ ಪೊಜಿಟಿವ್ ಆಸೊಂಕ್ ಜಾಯ್. ಹೊ ಪೊಸಿಟಿವ್ ಸಂಬಂಧ್ ಮ್ಹಳ್ಯಾರ್ :
- ಎಕಾಮೆಕಾ ಸಂತೊಸಾನ್ ಆಸ್ಚ್ಯಾಂಕ್ ಕರ್ಚಿಂ ಪ್ರೇತನಾಂ, ಎಕಾಮೆಕಾವಿಶಿಂ ಬರೆಂ ಉಲಂವ್ಚೆಂ, ಹೊಗೊಳ್ಸುಂಚೆಂ, ಚುಕಿ ಘಡ್ತಾನಾ ಘಡ್ಬಡ್ನಾಸ್ತಾಂ ಮೊಗಾನ್ ತಿದ್ವುಂಚ್ಯೊ.
- ಮೊವಾಳ್ ಉಲೊಣ್ಯಾನ್ ಆನಿ ಸ್ವಾದಿಕ್ ಸ್ಪರ್ಶಾನ್ ಎಕಾಮೆಕಾ ಖುಶಿ ಕರ್ಚೆಂ. ಪೊಟ್ಲುನ್ ಧರ್ಚೆಂ, ಉಮೊ ದಿಂವ್ಚೆಂ... ಅಸಲ್ಯೊ ರಿತಿ ವಾಪಾರ್ಚ್ಯೊ.
- ಸಮಸ್ಸೆ ಉಬ್ಜಾತಾನಾ ಪತಿ-ಪತಿಣೆನ್ ಸಾಂಗಾತಾ ಬಸೊನ್, ಸಂವಾದ್ ಮಾಂಡುನ್ ತೆ ಶಾಂತ್ಪಣಿ ಸಾರ್ಕೆಂ ಕರ್ಚೆ.
ಪತಿ-ಪತಿಣೆನ್ ಸದಾಂಯ್ ಝಗ್ಡೆಂ ಕರ್ಚೆಂ, ಎಕಾಮೆಕಾಚೆರ್ ಅಪ್ರಾಧ್ ಮಾಂಡ್ಚೊ, ಲಂಯ್ಗಿಕ್ ಸಂಬಂಧಾಂತ್ ಶೆಳೆಪಣ್ ದಾಕಂವ್ಚೆಂ... ಹೊ ಸರ್ವ್ ಸಂಗ್ತಿ ಕಾಜಾರಿ ಜಿವಿತ್ ದೆಸ್ವಾಟಾಯ್ತಾತ್.
ಹೊ ವೇಳ್ ಕಾಜಾರಾಂ ಸೊಭಾಣಾಂಚೊ. ಆಪ್ಲ್ಯಾ ಜಿವಿತಾಂತ್ ಲಗ್ನ್ ಮ್ಹಳ್ಳೊ ಹುಂಬೊರ್ ಚಡೊಂಕ್ ಜಾಯ್ತಿಂ ತರ್ನಿಂ ತಯಾರಾಯೆರ್ ಆಸಾತ್. ಆಪ್ಲ್ಯಾ ಸಾಂಗಾತ್ಯಾ ಸಂಗಿಂ ಮಯ್ಪಾಸಾಚೆಂ ಆನಿ ಆನಂದಾಚೆಂ ಜಿವಿತ್ ತಿಂ ಜಿಯೆಂವ್ಕ್ ಆಂವ್ಡೆತಾತ್.
ಹ್ಯಾ ವೆಳಿಂ ನವ್ಯಾ ಜೊಡ್ಯಾಂನಿ ಸಮ್ಜಾಜೆ ಜಾಲ್ಲೆಂ ಸತ್ ಮ್ಹಳ್ಯಾರ್ ಲಗ್ನಾ ಜಿವಿತಾಂತ್ ವಿಗ್ನಾಂ ಚುಕ್ಲ್ಲಿಂ ನ್ಹಂಯ್. ಥೊಡೆಪಾವ್ಟಿಂ ವಯ್ರ್ ವಯ್ರ್ ಯೆತಾತ್. ಪುಣ್ ತ್ಯಾ ವಿಗ್ನಾಂಕ್ ಫುಡ್ ಕರ್ಚೆಂ ಧಯ್ರ್ ಮನಿಸ್ ಜಾಲ್ಲ್ಯಾ ಹರ್ಯೆಕ್ಲ್ಯಾಲಾಗಿಂ ಆಸ್ತಾ. ಮೋಗ್ ಮ್ಹಳ್ಳೆ ಸಕ್ತೆದ್ವಾರಿಂ ಹೆಂ ಸಾಧ್ಯ್. ಮೋಗ್ ಮ್ಹಣ್ತಚ್ ಸಗ್ಳೆಂ ಯೆತಾ. ದೆವಾಚೆ ಉಪಾದೆಸ್, ಮನ್ಶ್ಯಾ ಜಿವಿತಾಚಿಂ ಮೌಲ್ಯಾಂ ಆನಿ ಪ್ರಕೃತೆಚಿಂ ಲಕ್ಷಣಾಂ ಹ್ಯಾ ಮೊಗಾಂತ್ ಮೆಳೊನ್ ಆಸ್ತಾತ್.
ಜರ್'ತರ್ ಏಕ್ ಜೊಡೆಂ ಎಕಾಮೆಕಾಚೊ ಸಂಪೂರ್ಣ್ ರಿತಿನ್ ಮೋಗ್ ಕರುಂಕ್ ಸಕ್ಲೆಂ ತೆದ್ನಾಂ ಕಾಜಾರಿ ಜಿವಿತ್ ಫುಲಾಂಚಿ ಗಜ್ಡಿ ಜಾತೆಲಿಚ್... ತಶೆಂಚ್ ಜಾಂವ್.
- ವಿವಿಧ್ ಮುಳಾಂ ಥಾವ್ನ್
Tags:
How to make happy wedding life?, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *
|
-
-
-
-
-
12/6/2020 ಪ್ರವೀಣ್ ತಾವ್ರೊ, ಕುಲ್ಶೇಕರ್ ಆಸ್ತ್ ........
-
-
-
-
-
-
-
-
-
4/26/2020 ವಿವಿಧ್ ಮುಳಾಂ ಥಾವ್ನ್ ಹೆಲಿಕಾಪ್ಟರ್ ಮನಿ...
-
2/5/2020 ಸನ್ನು, ನಿಡ್ಡೋಡಿ. ಕಾಜಾರ್ ಕೆದಾಳಾ..?...
-
9/30/2018 ಹೆರೊಲ್ಪಿಯುಸ್ ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
-
-
-
0 Comment/s.